.... امـــا قــــبـــــل ....

[نايف الروقي]

:
لا تصدق ..
وفق احتياجك لي وحسب اعتقادي
احتاجلك اقرب من انفاس الانفاس
:
عادي ولو قلتي لي شعور سادي
مشاعري نحوك متى جالها قياس

:
الروقي .. ن ..

[نايف الروقي]

:

ولايهمك

النوم لص وسلطان ..!!


نايم عسى نوم العوافي نومك
شب السهر لي وانت خلك نايم
:
خذني صباح الخير طلة يومك
وابا اخذك رمز الهيام الدايم
:
ابحترق لك شمع حتى اقومك
واطفي بها ثورة ملام اللايم
:
اللي طموحه نسنسة نسرينك
والا حنينك لاتدفق غايم
:
ولو هب به شيحك على قيصومك
والله ليفطر به لونه صايم
:
ماجمعه ذوب انسكاب علومك
واصغى بقلبه في هطولك هايم
:
كهل السهر قبره بروس رجومك
مستودع ٍ سره رقبة الحايم
:
ارقد وانا حارس سما لنجومك
جديك مع سهيلك مع النعايم
:
موتي بعادك والحياه قدومك
والله ما انومك دام حبك قايم
:
الروقي ..ن ..

[نايف الروقي]

:

الفجر في غيابك شفت لونه حزين
صار فاقد وجودك قبل مـ افقدك انا
:
كم تحرا طلوعك مع طلوعه تبين
يمكم شوق عيني بالزوال انثنى
:
اترقب وصولك كل نبضه يحين
بين طلعة نجوم وبين غيبة سنا
:
كلما داعب الخافق شعور ٍ دفين
انزوت لهفتيلك من طعون القنا
:
حادي الليل خاين والترقب أمين
بينهم لانتظارك جرح روح وونا
:
قبل صفق الانين وبعد طفق الحنين
السعد لاح برقه لين زاح العنا
:
ياهلا من يسار ومرحبا من يمين
منك يافرحتيبك ضج شكر الثنا

:
الروقي ..ن..

[نايف الروقي]

:


اما بعد ..

رجاء ..

قولي لمسجون المدى يبكي القيد
لاضاق بانفاسه وساع النواحي
:
وصارت سكاكين المواعيد تضميد
تشفي خضار طعونها اغلى جراحي
:
خص ٍ ليامن عاث فالبال عربيد
نثمل سوى ويبقى مدا العمر صاحي
:
لاقلت هيد شوي يصيحبي زيد
ونزيدها واهديه خفقة جناحي
:
لاشئ يذكر غير صوتك اناشيد
ولاشئ يذكر غير ضحكة صياحي
:
لين استطالت في غيابك عناقيد
ارشف مرارتها النديه قراحي
:
وارسم على غر الليالي مواعيد
في بعثرتها كم تكرم صباحي
:
مره تحلمتك بنومي ضحى العيد
نلعب مع الورعان (( بقرين ضاحي ))
:
واصحى وانا نشوان واشوفك بعيد
وارجع اتمتم ليت طول مراحي
:
من وين ابلقا لذود همي مواريد
والما ضما يطرد سراب البراحي

:
الروقي ..ن..

[نايف الروقي]

:

حاله ..

طفاّ المدى برد الهجير وشعلني
لعيون سراي الخلا ضي قنديل
:
روحي قبس قفابها ماسألني
الى متى اعزف فوق قبري مواويل
:

وانا اليتيم وحزن عمري كفلني
اعظم مآسيهم بعيني تساهيل

:
الروقي ..ن..

[نايف الروقي]

:

حبيبتي لو يطول بنا العمر يقصر
مابين نشوة فرح .. قسوة تباريح
:
وانتي بقلبي صغيره والبشر تكبر
بكفوفك اقوى معاليقه مراجيح
:
ودك تطيرين لاعلى اكثر واكثر
صدري رحيب الفضا وانفاسي الريح







:



الـــــــــــــــروقـــي .. ن ..

[نايف الروقي]

:
اعتراف

مشتاقلك اقوى من الشوق نفسه
اللي توارى في اتون احتياجك
:
في ليل من يشعل لك الود همسه
شعر ٍ بهج صبحه بزوغ ابتهاجك
:
لك شاعر ٍ لو حاول البعد طمسه
غناك حتى فاضت سطور زاجك

:
الروقي ..ن..

[نايف الروقي]

انتي ..

ديدانة الفكر بكر الطهر والعفه
رقراقة النهر نكهة ثالث اعيادي
:
غيمة شعر ينهمر هتانك بخفه
زهرة روابي خفوقي رعشة فوادي
:
روحك مطر لاغشاني روحي تشفه
خلف الوعي يرتشفني عشقك السادي
:
الكنز قلبي وحبك سارق بخفه
اول جريمه لحبك صبح ميلادي
:
عمري سفينه .. بحر حبك بلا ضفه
فيه الصدر خلوتك يازهرة الوادي
:
من شرق ناي الوله بأحساسك ازفه
هالت ترانيم عشقك ذوق الاشهادي
:
والله لو ان حبك سم لـ اسفه
وان مت والله لاورث حبك احفادي

:
الروقي ..ن..