[ أوشــال ] .!

[عبدالعزيز محمد المالكي]

[ الضوضـائي ]

شكراً علـى براد هـ الشاي ./ و الليـل
__________ / __ وإضحـاكك اللـي مثل بشرى استجـابه .!
والشعر ./ واشرعة القوارب علـى النيل
__________ / __ [ والدنيـا حلوة ] ./ بس .! فينـي كـآبه
اسمح لي أمشـي ضيقتـي أينعـت حيل
__________ / __ اتركنـي الهث بين قيـض ./ و سحــابه
بروح أقلّـد مقبض البـاب . / قنـديل
__________ / __ يمكـن يمـروا احبـاب قلبـي ./ و بابـه

يا صاحبي ./ مـ القى معك بس منديل ؟
__________ / __ يسهـر علـى حبر العيون ./ الكتـــابه

مخنوق ./ و يغاغي فـ صدري مواويل
__________ / __ هيأتهـا بسْ مـا وحَت لـي ./ ربـابه .!
هـ الليل ضوضائـي وانا ممتلـي ويل
__________ / __ و العين ثكلـى بـ الأرق ./ و الـرتابه
لا تنتظر منـي ابتسامـه ./ وتهليـل
__________ / __ ولا تفتش فـ الحكـايـات ./ اجـــابه
طبعـي ولفت الهم ./ واكتافـي الشيل
__________ / __ ولا بـه جـديد إلا المكـان ./ وسـرابه
اتركني ارجع شقتـي ./ واحضن الليل
__________ / __ يمكـن الاقـي النــوم ناطـر رِحـابه


نُشر في صحيفة : أوان الكويتية

[عبدالعزيز محمد المالكي]

ولا يهمـك ..
أبقضب وحشة الليل العتيم ، وأوصد أهدابي ./ ورى غيابك ..
ولا بدعيك ..
ولا بخرج إلى الدنيا حزين ، وفيني من ماضيك ..
ولا بشعل على راس السنه :
قلبين شمع ، وأغنيه ، وابكيك ..
- ولا يهمك ؟!
- ولا يعنيني لو همك أكون بخير ، أو في غير قلبك أزرع أنفاسي ، وتقطف من عيوني نومها وتنام فـ فراشي .!
- خلص يعني فمان الله ؟!
- فمان الـ : آآآآه يا الـ ( كنتِ ) ، على طول الفراق أسقي خُطى رجليك .. لا تردك .! سحابه في سماي وتنطرين أحييك ..
تعبت اسكت على قلبي يلمك ، ينكسر فيني .. يحبك ، أكرهه ، ينعيك ..
تعبت احكيك ..
فـ : أوراقي ، في الباقي من جروحي ، على هـ: الليل لا جا يطلي أحداقي ..
بكيتك بس ..
وبس أبكيك ..
هنا كُل شيء يحبك إلا ./ أنا .. وقلبي كُثر ما كان بي يغليك ..
نسيتك فيك ..
وودعتك ./ ودااااع الحِنا من أيديك .!

جدة
24 / 05 / 2010

[عبدالعزيز محمد المالكي]

ماللغيـــاب رجولـ
وأبترها بـِ : يديني ..!

[عبدالعزيز محمد المالكي]

وياخذنـي عنا / وينـك ؟!
إلى مذبح عناوينك ..
أطل .!
ويطيح من عينـي بُكى ، وأحتاج لـِ : يدينك ..
ولا شفتك ورى هـ: الباب .!
ولا شفتك من الظلمى ، تجين أحبابك الغيّاب ..
تُرى وينك ؟!
أنا رديت لـ: سنينك ..
وهذا البرد ..
ما خلى فـ: صدري للحياه أسباب ..

[عبدالعزيز محمد المالكي]

ملاحظـة : أي قِلة أدب في ما كُتب أدناه ، هـي مجرد قِلة أدب .
· الرسومات من أعمال المدعو : بانكسي .
· القراءة للمدعو : عبدالعزيز محمد المالكي .
__________________________________
ملاحظة (1) :
http://store2.up-00.com/Jun10/hzI07689.jpg
فتش يمكن .!
يمكن تلقـى فـي فخ / ـذيها بوووم .!
وأنته تفتش ..
ولا غول أمخبا فيها ، أو بارود .!
أبعد بين أيديها وفتش ..
فتش يا ملعون .. وفتش .
عن حجه أخرى ..
غير أن العلم اللي في شنطتها ، هذا نور .!
حسس ./ حتى تنبش ..
من تحت الفستان اللـي يسترها .!
خيط أسود ..
أو واحد متنكر فيها ، أو شهوة مخمور ..
من قال :
إن فيها نبض ./ ومذعور ، وأنته حاميها ؟!

فتش يا حاميهـا ./ وفتش .
شمشم في راحة أيديها ..
ريحة عطر ..
وأستنشق نهديها ..
حتى تقضي حاجتك ، ومشيها ..
باسم البدلة ، و القانون ..
لمسك عدل ..
وهذي الطفله ..
يمكن معها دعوة أُم " وتلعن واطي " ؟!
يا ملعون ..

ملاحظة (2) :

http://store2.up-00.com/Jun10/WXA07689.jpg
إيه ...
باعدي ./ ما بينه ./ وبين المدعو رشاشة
وكتوفه ..
يظهر خوفه ..
وريه إن الله ما ينسى حقك ..
حقك لو ننساه ./ نشوفه .!
شيلي خوذة راسه ..
يطلع من فروة شعره ./ [ قعره ] ...!
والرجس اللي عايش فيه ..
بس يا خوفي وأنتِ بطهرك تتوطيه ..
يجرح بوتك ..
يتهموك أنك .......!
وأنك أغويتيه ..
حتى سلّم لك ./ واستسلم .!
وأنتِ فتشتيه ..
وأظهرتي للدنيا عورة خوفه ..

[عبدالعزيز محمد المالكي]

لا تواخذنـي نسيت ايدي ./ فـ: قيدك .!

[عبدالعزيز محمد المالكي]

http://www6.0zz0.com/2010/06/19/05/417745671.jpg





قلق ./ واحساسـي هـ الليلة يقول : إن البحر مثواك
__________ / __ تركت الشقة من باب الهروب ./ وضيقة أخلاقـي .!

فرشت الرمل فـي ذكرى لقانا (ع) البحر ./ واحياك
__________ / __ وطيرت الكلام سكوت ./ خافت ./ من صدى أعماقي

ولّه يدبـي على روس الأصـابع من فمي يبغــاك
__________ / __ عِطش فمـي ./ وانا اتحرى تصب وجهك في احداقي

حبيبي والنوارس تايهـه فـ : الريـح ./ و الإدراك
__________ / __ وصـار الخوف حدوتـه ما بين البحر ./ واشواقـي

أحبك : كسر خاطـر يا حبيبي ، أو سمـا شبـاك
__________ / __ أحبك : ليت موتـي حيّ فـ : غيـابك عن اشراقـي

حبيبي لا ترد ما فات من حزنـي علـى فرقـاك
__________ / __ ابيك ./ تودع غيـابك عشـانـيْ و تعتـق افراقـي

ترى لو ما ذبحني هـ الحنين ./ وطيفك ./ وذكراك
__________ / __ بـِ يتعب صدري هـ التدخين وانفث روحي لاخفاقي

[عبدالعزيز محمد المالكي]

البرد قارس ./ والدفا لوحة الطين
_________ / _ من وين ما وليت وجهـي أعاني
مالي شجر يثمر عصافير / وآمين
_________ / _ لا فوقي ظِلـه من سحابة أمانـي
كم لـي ورى جُرّة سراب المقفين
_________ / _ أطرد أغانيهم وأضيّـع لسـانـي
لو خفت يجرح مائي امر البساتين
_________ / _ ما صرت فلاح الفصول / وعناني