[ أوشــال ] .!

[عبدالعزيز محمد المالكي]

لو كنّا ظامين بِـ: نموت ..
وفـ: المسافة الـ: بيننا
ـــــــــــــ " غيمة مطر " ..
ابسبقك ./ واخذها من ايدك ..
واجيك ..
اعصرها في فمك ./ ومووووت .!
**
وانتِ ؟!
قلتِ :
وانا اللـي بَـ: حتريك .!
تسقينـي من ايدك شوي ..
وقبل ارتوي ..
بسقيك من خوفـي عليك ..

[عبدالعزيز محمد المالكي]

الحزن :
ضايع ./ وضيعنـي معااااه .!

[عبدالعزيز محمد المالكي]

وحدي ./ ومزاجي حزين .!
وادري اني في بالك الحين ..
من حنطة الصبح ./ تخبز لي روحك ( دعاء ) .
وتخيط لي بُردّه من الليل العتيم ..
وينام في قلبي الأنين ..
ابتساماتي يقين ، لكن متى ؟!
.
.
مدري متى من شيء ، وشوي ابتسم .!

وحدي ./ ومزاجي حزين .!
اجلس على كرسي حطب طافي ..
انفض رماد الثلج ..
واشعل هنا التخمين ..
وشلون أحبك بس ، وما يجرحك برد الحنين ؟

لو تتركيني شوي ، افكر فـ: نفسي ..
يمكن اشوف .!
واحبك ..
فوق ما احبك ، انا ./ ونفسي .!

[عبدالعزيز محمد المالكي]

من الشباك ..


تمد بـ: " مرحبا بك " ايدها أُمك ./ ولا تلقاك .!


ثمان سنين ..


والشباك ما يفتح لـ: احد .. الا لها


ويا ليتها تلقاك ..!


تصدق عاد ..


من ترفع يديها للدعاء ./ والمغفرة تلقاك ؟!


تحت اقدامها ، وتدعيك :



[ وليدي قوم لـ: فراشك ..


حمد يمه ..


فديتك قوم ./ يا يمه ] .!



وانا اكسر خاطري ، وما اقول :


يا يمه ./ انا " برّاك " .!


واظل اشبهك ، وارعاها ..


واقول :


شوي يا يمه ./ بعد ما اسقيك من زمزم ..


وبعد ما تبلّعي حبوبك ..


بروح هناك ..


للجنه تحت رجليك ..


وتنسى ..


لا تلملمني معاك ، فـ: اي دعاء هو لك ..


واروح هناك ..



مثل شرشف صلاة أُلقي على هـ: الأرض ..



مثل حِنا يديها اللي تخبي ريحته في كيس ..


وتلّف الكيس بشماغك ./ وتتحراك ..


ليومٍ فيه نتزوج ..


أنا ..


وياك ..!



هنا


وهناك ..


اقلب كل جدران الغرف .. حتى ./ على ذكراك ..!


من غرفه ..


إلى غرفه ..


عشان أحييك من جواك ..!




اخاف امك تموت احيان بين ايديّ ..


وتترك حلمها ( تلقاك ) ../ في نومي ..!


واظل القاها في نومي ، تعاتبني ..


من الشباك ..


وتسألني :


أنا هو ليش ما ألقاك ؟!




ح


م


د


ياخوك رد البيت ...!


ابي اسمع فـ: حس أُمي ..


" حنين اسمي "


بِـ: صوت أُمي ..


كثر ما اغفى تحت اقدامها ، وتصحى ..


تصحيني ..


عشان اقوم لـ: فراشي ./ وتدعي لي ..


بـِ: دعاء هو لي ..!



تعال وقول :


هذي الشمس بالونه ، نفخها النور ./ طَيَّرها .!


عشاني فـ: عيد ميلادي ..


.


بصدقها .!


مثل ما كنت اصدقها ./ وحنا صغار ..



تعبت اشبهك فـ: غيابك ، وحنا كبار .!


واقلّد مشيتك ...


وخطاك ..


لِـ: ان أُمي تحب تحياك ..


" حمد "


" حمد "


تكفى تعال أحياك ؟!





عبدالعزيز محمد المالكي


جده : 15 / 03 / 2011

[عبدالعزيز محمد المالكي]

فـ: عرس بلادك ..
اشعل شمعة عيد ابعادك :
عن ليلاك ..
وعن اول باب ، يُصك فـ: وجهك ..
وافتح قلبك ..
.
.
ق
د
بلادك .!

[عبدالعزيز محمد المالكي]

توتير :

@aziz_m_malki

[عبدالعزيز محمد المالكي]

يالله أحضنيني وكننا فـ: البرد ..
ومن بايع الورد ..
لا مرنا مثل الشجر ضامي فـ: خريف ..
وناس
ورق
تلعب بهم ريح التعب فوق الرصيف .!
ابشتري لك عقد ./ والبسك .!

ولا تقلقي ، وبعدين ..!
ومن السفر في الصيف ..
لما بدوني تجلسي تحت المطر ، وأرض الشوارع ..
والناس : تركض بس .!
واللي يكنس تحت ظِل الناس ..
ينعس تحت صفحة جريده ..
وتحترق كل خيالاته البعيدة .!
وفـ: ظِل ما أنتِ تحتري ..
مثل أي زهرة سوسنة في ظِل طيف ./ ومبلله ..
الحنا يبرد في يديك ..
وينمحي " نقش الفراش " ./ وما أجي .!

[عبدالعزيز محمد المالكي]

تحبين المطر كثري ؟!
أو أكثر مني بشويه .. وأنا شويه ؟!
وإذا شويه ./ تحبيني ..
أجل
ليه المطر لا طاح من عيني ..
أخذتي راحة أيديه تشميني ؟!