أكثر من حنين ..

[ناصر حطاب الدهمشي]

السلام عليكم و رحمة الله و بركاته ..

.. أضداد ..
وش حيلتـي لا غـشتني صورتـك بالمنـام=في ليلـة ٍ ما تــعذر العاشق المستهيم
فيها التـَّـوجـِّــد على شوف الحبايب حــرام=و الشـوق فيهـا عـلى روس الثـوانـي مقيـم
ملـيت اشوفـك على غصـن امنياتي حمام=لا هزَّه الخوف ... شلـَّـع و اقتفاه العتيم
اسمـع هديلــه يـرتـِّل للحيـاة السـلام=يوصي غيابه ... يكون إفاقدينــه رحيم
مثـل الأصابـع مكانـه في غيـاب العظـام=مالــه تفاصيـل وشكلـه لـو وصفتـه دميـم
حـل المسا وامتـلا حلمي سراب وغمام=وامسيت ما بين قربك وابتعادك اهيم
شاعر تجر المواقـف مـن عيوني كـلام=أقسى من الفقـــد صمتي في ملامح يتيم
اشبه حنيـن اليتامى لــ ارتشاف الهيام=لا مرَّوا بــ شارع ٍ كل عابرينه حريم
فيني مـن الهـاربيـن البهذلـة وإنهـزام=فيني من الثابتيـن الإنتصـار العظيم
فيني من الليـل حـزن ٍ يـستـثـير الظـلام=فيني من الصبح نور ٍ منكسر بي قديم
أضـداد كـل الـمعاني في عيـوني تـنــام=زي ما تنام الطفولــة في عيـون الفطيـم
.
.
ناصر حطاب الدهمشي

[ناصر حطاب الدهمشي]

[ ضيفة الليل ]


يا ضيفة الليـل أشـوف إ/بدمعتـك ثـاري=تبغـى تعـذَّر ولكـن.. قبلهـا طحـتـي
جيتي وأنـا منكسر .. تبكينـي أشعـاري=في غرفة ٍ صرت أحس إن سقفها تحتـي
صمّـتي خويـي .. يرتِّـل باقـي أعـذاري=وأنت ِ على الباب ذنـب ٍ مـا تزحزحتـي
أسمـع ضلوعـي تعاتـب عنِّـي أزراري=وشفيك يوم ٍ شكى لك مـا تطايحتـي ..؟
مانـي أنـا ..! و المنافـي كلَّـهـا داري=مجهول.. من يوم عـن دنيـاي رَوَّحتـي
ياكلني الخـوف لا روَّحـت بـي سـاري=شارد .. أدوِّر مكان إ/يليـق بـ /ضرحتـي
بالله كيـف ادفـن إ/بذاكرتـي أسـراري؟=وانت ِ لو أرفع يمينـي وسطهـا لحتـي !
غيبي مـع أول طريـق يـروح لإنكـاري=ما عدت أحس بوجودك لو علـي صحتـي
نوَّمت كـل الشعـور إ/بصـدري العـاري=روحي .. و لا تتركين (إغيابك) إن رحتي

.
.
ناصر حطاب الدهمشي

[ناصر حطاب الدهمشي]

للشوق
.
.

مثلك يجي بسكات و يـروح بسكـات=خَلَّك هنا مع ذكـرى الأحبـاب خَلَّـك
دام الفرح بينـك و بينـه مسافـات=وش عاد لو حظَّك تناسـاك / ملَّـك
إفـرد جناحـك للقهـر و المطمَّـات=واكسر سنينك لـو نـوت تستحلَّـك
لا تنحني .. و إن سلطنت فيك الآهات=سلطـن و لا تظهـر للأيـام ذِلَّــك
تبقى الكبيـر بعينهـا كـل الأوقـات=حتى يا لـو جـوع النهايـات سلَّـك
إليا متى .. صمتك على اوجاعك إ/يبات=إليا متى .. تستر مواريك غِلَّك
إشمخ و إذا ضاقت عليك المساحـات=طيِّر طموحك و إن تمكَّنـت .. كلَّـك
.
.
ناصر الدهمشي

[ناصر حطاب الدهمشي]

لها
.
.
تدرين كيف الكلام يطيح من طوله ؟=ماني بقايل أخاف إن قلت لك .. طحتي
ليه أجرحك و أذبحك بغناي وشو له !=الوقت ما هو مقصِّر معْك من رحتي
يا الراحلة بي حنين ٍ يا صعب قوله=ودِّي .. و لكن غيابك كسِّر اجنحتي
.
.
ناصر الدهمشي

[ناصر حطاب الدهمشي]

[ هَيَا ]
.
.


ساكنين الشوارع ما صدفتم هيا .؟=طفلة ٍ تشبه إ/فصول الزمان النبيل
في يديها كلام و في قدمها ضيا=تبذر النور في رمل الطريق البخيل
لـ / ضحكت كل دهشة بالوجيه تحيا=وإن بكت كل ضلع ٍ بالصدر يتسطيل
كل مكان ٍ تجي له يمتلي بالحيا=تشبه الشيب في لحية كريم ٍ جليل
أقرب مْن الأمانة في وجيه انقيا=وابعد مْن الكرامة عن عيون الذليل
كِنَّها عقد ماس ٍ في يدين أغنيا=سافروا به لوجه ٍ يحتريهم جميل
روَّحت و اتركتني بين صدق و ريا=أنفخ الضيق من صدر ٍ ملاه الرحيل
صرت أنا و اغترابي و الحنين خويا=وين ما مالت الدنيا معاها نميل
ساكنين الشوارع .. لا صدفتم هيا=علموها تجي قبل الليالي تحيل
.
.
ناصر حطاب الدهمشي

[ناصر حطاب الدهمشي]

.
.

[ عابر سبيل ]

لا تشتكي للسفر يا حال=رح رتِّب الناس بحْـساسي
عوَّدت نفسي على الترحال=من أول الشمس لنعاسي
رجَّال و بداخلي أطفال=سوَّت مراجيح .. من ياسي
علَّمتها إتطير بي لا شال=حزن المسا صوته براسي
ما ضقت يوم الدروب إطوال=والموت يتخمَّش أنفاسي
أركض و تركض معاي آمال=ووجيه كانت بها ناسي
ناس ٍ عليهم بكى رجال= من يومها .. خافقه قاسي
عابر سبيل إحتضنك وقال:=هو أنت لي وإلا أنا ناسي!
يا حال خانت بي الأميال=شفني وانا آطيح متواسي

.
.
ناصر حطاب الدهمشي

[ناصر حطاب الدهمشي]

.
.
[ زفرتين وْ كلام ]


http://www.3nabi-up.com/uploads/images/2009-vip-725387de13.jpg (http://www.3nabi-up.com)

هذا الطفل في ضلوعه زفرتين و كـلام=مدري ولكن عيونه خلفهن مـا يهيـل
ياصورته ليه اشوفك تكثرين الملام=اتبسِّمي و ازرعيني في مكانه نخيل
لا يخدعك عنفواني اشبهه بالتمام=شاعر بلاني زماني بالعذاب الثقيل
عادي نشوف الملامح يعتريها غمـام=عادي تكون الطفولة درب موحش طويل
عادي يموت الشجر ما هز غصنه حمام=يتْرحَّمه كل فصْلٍ ما جلب لـه هديـل
عادي نمر المقابر مـا نقـول السـلام=عادي نمر المآتم ما نحس بعويـل
حنَّا نعيش بْـزمان ٍ موغل ٍ بالظـلام=عـقـَّـد لنا هـالطريـق ولا عطانـا دليـل
نمشي نوزِّع بعضنا في دروب الزحام=متحيزمين الغياب اللي رماه الخليل
في ذاكرتنا وجيه ٍ فارقتنا تنام=لــحباب صارت ملامحهم بقايا رحيل
وِبْــ /أمكنتنا تناما الخوف و الإنهزام=لين استحال الطموح لــْـ /أمكنتنا يميل
يا صورته ليت يدري هالطفل عن مقام=دمعه بعين المكان وعين شاعر نبيل
ياصورته اهدنيه وخلي عينه تنام=غيره تغرَّب صغير وعاش عمره ذليل
يا صورته لو كتبنا ما نعيشه تمـام=ماكان شفتي كثير مْـن المشاعر هزيل
.
.
ناصر الدهمشي

[ناصر حطاب الدهمشي]

.
.

كتابة الشعر صعبة و صعوبتها تكمن في إقصاء الذات عن حدود
الممكن و الجسد و كل ما يؤثر بالجسد ..هي أقرب للجنون المُفتعل من الوعي ..
.
.
ناصر الدهمشي

[ناصر حطاب الدهمشي]

.
.

مشكلة لا طحت بــ / شويعر حقود=لا أدب .. لا ذوق .. لا شعر ٍ مليح
إن هَـتـَمْـتِه .. ما هتمت إلا [ شرود ]=و إن شطفته ما شطفت إلا [ قبيـح ]

توقيعي الحالي بأحد المنتديات ..
.
.
ناصر الدهمشي

[ناصر حطاب الدهمشي]

.
.

جيتك بحر ما جيت لك يا شعر فلْك=قبل الطفولـة أعْرِفـك و تْعرفنـي
من خلف سور الشيطنة كنت أخايلك=طفلٍ تعلَّمـت الوعـي واحترفنـي
كنت الوحيد بْحارتي يعرف أجملْـك=كنت ادخل بْصدري معك واكتشفني
كنت اعْرفك من أقربك لبعد أوَّلْـك=صرت اجهلك خايف مداك يْخطفني
والحين شفني بينهم كيف أمثِّلك=مابِه حنين ٍ تعرفه ما عزفني
.
.
ناصر حطاب الدهمشي

[ناصر حطاب الدهمشي]

.
.

ترك لك عش فيه إلــ / ذكرياته و أمنياته ريش=بعد ما حاول إ/يعيشك حياة .. إ/برفقة أيّّامه
رحل و لسانه إ/ظلاله يردد : [ مو مهم يعيش ]=مدامك ما سكنتي به..! أنا من يدفن إ/عظامه
.
.
ناصر حطاب الدهمشي

[ناصر حطاب الدهمشي]

.
.

ســ أقلب الذاكرة لــ ربمـا تسقـُـطين !

.
.
ناصر الدهمشي

[ناصر حطاب الدهمشي]

http://femus.jeeran.com/photos/1693216_l.jpg

هالإنتظار أرهق عيونك و الأيام
_____________ ما تجهلك .. لكن تـعمـَّـد تجاهلك

.
.

ناصر الدهمشي

[ناصر حطاب الدهمشي]

.
.

http://re7an.net/vb/imgcache/3193.imgcache

لا ما ذبحني كلام ٍ إفتراه الغريب
_______________ اللي ذبحني يسولف بي ولد عمِّي

[ هكذا شعرت ُ بها ]
.
.
ناصرالدهمشي

[ناصر حطاب الدهمشي]

لمن تُناديني بــ طفلي
.
.

محبوبتي .. تكـفين
ـــــــــ لـ تْـكثِّرين إغياب

إنسـان .. لو تدرين
ـــــــــ في داخلـي مرتـاب

غادي .. مع الغادين
ـــــــــ صوته حنين أغـراب

مـرَّن عليه إسنيـن
ـــــــــ وِ انتي مع الغيـَّـاب

بـالله .. لا تبـطيـن
ـــــــــ محتاج .. انا لاحبـاب

محتاج انا لاحباب
محتاج انا لاحباب
محتاج انا لاحباب

.
.
ناصر الدهمشي

[ناصر حطاب الدهمشي]

لها
.
.

ابرحل و اترك إغيابي هنـا يمكنِّك إتحنين
____________ لِشَاعر مرِّبك عابر سبيل ولا دريتي به

.
.

ناصر الدهمشي

[ناصر حطاب الدهمشي]

كيف حالك ..؟
هو صحيح إنَّك لحالك .. ؟
هو صحيح البرد جمَّد في مشاويرك خيالك ..؟
ليه أطوِّلها عليك .. و كل ما فيني يبيك
ليلة البارح لمحتك من بعيد
ما معك غير أنت
و إغياب ٍ جديد
و ارتحال ٍ علَّمك تمشي وحيد
و دامي شفتك
يا وحيد
في منامي
من بعيد
مابي أعرف كيف حالك
بس أبعرف شي واحد
هو غيابك وين شالك ؟
هو غيابك وين شالك ؟
هو غيابك وين شالك ؟

.
.
.

ناصر حطاب الدهمشي

[ناصر حطاب الدهمشي]

.
.

نام المسـا ما نقل هم اليتيـم الصغير
ـــــــــــــــــــ والصبح طاف الوجيه اللي نساها الفجر
.
.
ناصر الدهمشي

[ناصر حطاب الدهمشي]

لها ..
http://t3.gstatic.com/images?q=tbn:mt037oMbBaAqiM%3Ahttp://img694.imageshack.us/img694/6889/000f05391ev.jpg
أنا هنيَّا كثير أقرب من إضلوعي عن إضلوعي
........................ دخيل اللـــه خليني أرتـِّب عمري وْ نامي
أبرسم لـي طريق ٍ ما يـمرِّرني على جوعي
........................ قبل وقتي يطيـّنها معاي و يـذبح احــلامي
.
.
ناصر حطاب الدهمشي

[ناصر حطاب الدهمشي]

[ المسافة و الغياب ]

النَّاس تخطي ما يهم .. أمسحها فـي وجـه التـراب
..................................... بس البلا وشلون أعدِّي كانهـا جـت مـن صديـق !

ما للخطـا عـذر ٍ كريـم إن وصَّلـت حـد العـذاب
..................................... كلْ جرح ٍ اقدر أبلعه .. إلا إنِّـي أبلـع لـي حريـق !

الجرح لا جا من غريب .. البس عليـه مْـن الثيـاب
..................................... لين يتلاحـم ببعضـه .. مـا اكشفـه حتـى لْرّفيـق

المـوت .. لا جا من خوي أقرب من النّاس القراب !
..................................... ساعتها من قو الألم .. ثوبي علـى صـدري يضيـق

ماهي قويَّة صدمتي .. شفنـي وانـا اتلاشـا سـراب
..................................... في روح ما مدَّت يديهـا لـي و أنـا رجـل ٍ غريـق

حاولت أمررها وهم .. من صدري إلْـ صدر العتـاب
..................................... لكنِّهـا .. نامـت علـى صـدري و عيَّـت لا تفيـق

أكذب عليك إن قلت لك .. طيّب و لا فينـي صـواب
..................................... أبك الضلوع اللي إ/حْضنك شفها من إ/طعونك تويـق

وش تنتظر من آدمي .. صدره بيـادر مـن خـراب
..................................... غنَّابهـا نـاي القصـب شـوق الصوامـع للدقيـق

ما عاد لك فيني مقـام .. أطلـق جناحـك للسحـاب
..................................... يمكن .. يغسِّـلك المطر .. و تعود زي أول شقيـق

ما للمدى ذمة .. و إذا عانيـت مـن طـول الذهـاب
..................................... إخلق من اوهام الإياب إن كان تقدر .. لـك صديـق

يا صاحبي لا تعتذر ... هـاك المسافـة و الغيـاب
..................................... شف لك طريق ٍ ياخذك .. و انا بـدوِّر لـي طريـق

النص .. إهداء لروح غالية جدًا .. صدمتني ..!
.
.
ناصر حطاب الدهمشي

[ناصر حطاب الدهمشي]

مـَـخْيُوْلْ
http://www10.0zz0.com/2010/01/11/09/727459554.jpg (http://www.0zz0.com)
كثير مِنَّا يشبهونك ..

ما به وطن يستوعب إنسان مجهول ؟
_______________ من مولده .. ما تنعرف لـه هويـة !

إنسان حلمه .. يسبق الناس و يغول !
_______________ غربة .. عليـه استكثـرت تابعيَّـة !

من كثْر مـ بْصدره من جروح يـ حْوول
_______________ كل ما مسح له جرح ٍ ادمـى خويَّـه

به من شتات الوقت أوجاع ٍ إتهـوول
_______________ تارد على روحِـه .. رعيَّـة رعيَّـة

جوعه يناديه : إشحذ الناس .. ويقول
_______________ الموت لي اهْـون و لـ ابسـط يديَّـه

عايش على أطراف النهايات (مخيول)
_______________ يحرس سنابل غربته .. عـن منيَّـة

رُبَّمَا سَيَكْتَمِل . . رُبَّما .. !

ناصر حطاب الدهمشي

[ناصر حطاب الدهمشي]

http://www.shathaaya.com/vb/image.php?u=2922&dateline=1254461603
هنادي المطيري ( قلب الشعر ) .. أختي التي لم تـُنجبها أمي ..
هذه ِ الإنسانة من أطهر و أشرف شاعرات هذا الزمن .. و أقربهن لنفسي
الإهداء .. لـ أطهر قلب و أشرف شاعرة عرفتها طِوال مسيرتي الشعريَّة ..
إلى أُختي هنادي المطيري ..

لـو للمسـا مـثـل الأوادم أيــادي
ـــــــــ مَحْد ٍ يلومه لو يشـرِّع لـك إ/ يُديـه

الليل مثلـي و اسمعـي يـا هنـادي
ـــــــــ صـوت ٍ ذخرتـه للنهايـات و التيـه

أنـت ِ بـلادي لا جفتنـي بــلادي
ـــــــــ يـ/ اغلى بشر تاطى على القاع رجليه
عضيدك
-
-
ناصر الدهمشي

[ناصر حطاب الدهمشي]

أنا بريء منه ُ أمام الشعر ..!


[ بين الوجيه ]

اللي إسمعوني مـعْرفوا ليـش أغنِّـي
ـــــــــــــ و اللي قروني صفّقوا ما عرف ليش !



يا إن صوتي طـاف حزنـي أو إنِّـي
ـــــــــــــ شاعر حنينـه فـي كتاباتـه يْعيـش



وزعتنـي فينـي قـبـل تحتظـنِّـي
ـــــــــــــ فرقا .. تحرّض غربتـي للمطاريـش



ذبَّاحـتـي ..اسـألـك بالله حِـنِّـي
ـــــــــــــ الوقت متهوِّر و انـا ممتلـي طيـش



علَّمت زولي لـ/ اقفت إخطـاك عنِّـي
ـــــــــــــ يشـري غياباتِـه و لا يسـأل بإيـش



أرفض أكون بعين الأحبـاب .. كنـي
ـــــــــــــ طفل ٍ رمى يتْمه على الجوع بغشيـش



ذكِّيـت عمـري للـيـال وْ عطـنِّـي
ـــــــــــــ جنحان .. لكن عارية ما بهـا ريـش



ياما على وجهـي رقـن و سْحبنِّـي
ـــــــــــــ بين الوجيه..و لا حكن لي على ويش !



والموت .. لامِن قرَّب الصّبـح جَنِّـي
ـــــــــــــ يمشن على صدري ثقال و معاطيـش



عشرة ..سنيـن بعيشتـي شاركنِّـي
ـــــــــــــ عشرة سنين أرمي لهن فرحتي عيش



ذبَّاحتـي يـا كيـف أريّحـك منـي ؟
ـــــــــــــ أو كيف أفارق هالليالي .. أبااااعيـش
.
.
ناصر حطاب الدهمشي

[ناصر حطاب الدهمشي]

لها ..

إن طحتي بْلحية عفن صوتك انكرك
ـــــــــــــــــ حتى ظلالك ينكـرِك .. لا تطيحيـن
البارحة من سولفـوا بـك تذكَّـرك
ـــــــــــــــــ كل شي فيني .. من غياب و عناوين
حتى الحزن قـام يْـتلذذ بشاعـرك
ـــــــــــــــــ خلَّاه يجرح صدره إبّـيت (سكّيـن)
تدري وش اللي بالزمن ذا يكـدِّرك؟
ـــــــــــــــــ إنَّك تشوف اللي تحب تاخـذ عْـفين

ناصر حطاب الدهمشي

[ناصر حطاب الدهمشي]

http://t3.gstatic.com/images?q=tbn:ZcrfBOnWkOfC_M:http://www.alarab.co.il/pics/2008/07/25/080725112113poor240708a2.jpg
http://www2.0zz0.com/2009/12/28/00/724887329.jpg (http://www.0zz0.com)
زحمة سوالفهم ... توريني أشياء
ــــــــــــــــ و وجيهم يـاهي تسولِـف سـوالِف
تحكي عن أحياء أدبرت عنهم أحياء
ــــــــــــــــ و اموات آخر حَـكْـيهم : ما يخالِف
واحدهم أعظم أمنية عنده .. الماء
ــــــــــــــــ حـِلمه يبلل حلق لـ انسـان.. تالِف
لو قلت له : رح للقبـر ما يرد لاء
ــــــــــــــــ على الأقل يـدري.. على وين ذالِف
.
.
ناصر حطاب الدهمشي

[ناصر حطاب الدهمشي]

لها أيضًا ..

لا تِتعبِين القلب .. خوذي بقاياك
ــــــــــــ قررت أسافر و اسمعي ما كتبته

العام .. غِبت و لا تهيا لي انساك
ــــــــــــ و اليوم غيبي و اشربي ما شربته

يمكن غيابك .. يكشف أسباب فرقاك
ــــــــــــ عن شاعر ٍ غنَّت له الريح كـبْـتِه

كل شي حسبته لجل أحقق لك إرضاك
ــــــــــــ إلَّا .. زواجي .. يا الغلا ما حسبته

عيشي بدوني .. و احبسي صوتك إن جاك
ــــــــــــ كرت ٍ كتبت إسمك عليه .. و شطبته
=
=
ناصر حطاب الدهمشي

أشوفكم على خير .. (زهرة)

[ناصر حطاب الدهمشي]

المستحيل اللي عرفته يوم أنـا طفـل ٍ نحيـل
ـــــــــــــــــــــــ إن المرة .. مهما قست لا يمكن إتبكِّي طفـل
ويوم ٍ كبرت و عشتهن .. آمنت بإن المستحيل
ـــــــــــــــــــــــ إنَّك تلاقي لك مرة .. تبكي على إمفارق رجل
.
.
ناصر حطاب الدهمشي

[ناصر حطاب الدهمشي]

=
=
رح قلّهم لا ينشدوني عن الطيـر
ــــــــــــــــــــــــ هم مادروا عن برقع ٍ له حذفته !
أنا نقلت الطير .. يوم الزمن غير
ــــــــــــــــــــــــ و من يوم كثروا ناقلينه .. تركته

.
.
ناصر حطاب الدهمشي

[ناصر حطاب الدهمشي]

=
=


حبيبتـي شيلـي عذابـي للأبـد عنـي
ـــــــــــــــــ كبرت و لانـي قـادر ٍ أنقـل تفاصيلـه

أنـا بمـوت و غربتـي متهولـة منـي
ــــــــــــــــــ تشوفني لا طاح موتـي أركـض آشيلـه

حبيبتـي كظِّـي بدايـات الفنـا وْ كنِّـي
ــــــــــــــــــ حنين فيني مـا لقـى منهـو يغنـي لـه

و اذا نشدك الوقت عنِّـي علّميـه إنِّـي
ــــــــــــــــــ غريب .. مات وْ لـ/ ارتكى إلا على حيله

=
=
ناصر حطاب الدهمشي

[ناصر حطاب الدهمشي]

=
=

يا ليل .. رتبني على صدور الأحباب
ــــــــــــــــــــــ و احشم جنابي عن صدور ٍ لعينة
بعض الصدور إجلودها تشبه الداب
ــــــــــــــــــــــ ملسا و تسكن من وراها ضغينة
خذني .. و خل إسمي هنا و افتح الباب
ــــــــــــــــــــــ يمكن تحن .. إليا نفتها المدينة

=
=
ناصر حطاب الدهمشي

[ناصر حطاب الدهمشي]

=
=

لا حـداك الهم .. و اغـراك الحنين
ـــــــــــــــــ غط جسمك لين تسبح بــ عـْـرقِه
العـرق تكفير لــ / تعـاب السنين
ــــــــــــــــــ لا تِمشـِّـه ... أو تحاول تسـرقِـه

=
=
ناصر حطاب الدهمشي

[ناصر حطاب الدهمشي]

ياخي عشان الملح لا شفتني جاي
ـــــــــــــــــــ رحِّب بوجهي لو كذب و احترمني
=
=
ناصر حطاب الدهمشي

[ناصر حطاب الدهمشي]

لها ..


احضنيني و اسمعيني للأخيـر
ـــــــــــــــــــــ و اتركي عنِّك سواليف البعاد
الصدر من زحمة أيَّامي ضرير
ـــــــــــــــــــــ عاد تبغينه يفارق له بـلاد !
أبك أنا لامن حضنتيني اصير
ـــــــــــــــــــــ زي عشِّن فارقه طيره و عاد
=
=
=
ناصر حطاب الدهمشي

[ناصر حطاب الدهمشي]

.
.
مـ اثقل من آدم على التربة
ــــــــــــــــــ إلا الشـجر لـ افتقـد ضوِّه
و مـ العن من الليـل بالغربة
ــــــــــــــــــ إلا الخـوي لـ ارخص الخوَّة
=
=
=
ناصر حطاب الدهمشي

[ناصر حطاب الدهمشي]

http://www.alsowar.com/Upload/bluejeans/thumb_1910200822921.jpg
إشمخي .. منتي أسيرة للغياب
ــــــــــــ لا و لا أنتي بالزمن أيَّت مرة
أنت ِ شي إمن الحقيقة و السراب
ـــــــــــــ أنت ِ روح إمرتّبه و مبعثرة
لا جلستي صارت إمتونك سحاب
ـــــــــــــ و إن وقفتي هالحزن طاح أكثره
يكفي إنِّه من طعن صدرك و غاب
ــــــــــــــ ما طرى لك تطعنينه بظهره
.
.
ناصر حطاب الدهمشي

[ناصر حطاب الدهمشي]

لا تسألوني .. ليه الأحباب راحوا.؟
ـــــــــــــــــــــ نهر الحكي بغيابهم يا هلـي جـف
من فارقوني أكثر النـاس طاحـوا
ـــــــــــــــــــــ من عين حرَّة مالها عقبهم شـف
.
.
ناصر حطاب الدهمشي

[ناصر حطاب الدهمشي]

[ بقايا غريب ]

إيه أنا من تركتيني [ بقايا غريـب ]
.............................لا معي عنفوان و لا بصـدري جلـد

احترفت المساري و المساري تجيـب
.............................كل وجهن فقدتـه مـا تخلـي أحـد

يا كثر ما فقدت إ/من الاوادم قريـب
.............................مير فقـد الحبايـب للحبايـب وحـد

صرت اهاب المنازل عند وقت المغيب
.............................صرت ادوِّر مساكن قبـل أدوِّر بلـد

علميني مدامي فـي عيونـك أديـب
.............................كيف أخلِّي كلامي في ضلوعـك وتـد

كيف أمرر بقايا من غريـب ٍ كئيـب
.............................بين كفِّيك .. واحيا بلا حنين و سهد

من رحلتي و انا اعزف للـآماكن نحيب
.............................ما قدرت أعزف اللي يسعد الناس أبد

ليت وقتي يهرِّبني معه قبـل أشيـب
.............................واعتزل عن غياب ٍ ماعرف له أمـد

كل ما جيت أحاول عن ملـآمحك أغيب
............................. وقفن فـي طريقـي ذكريـات و أرد

ايه .. أنا في غيابك فاقد ٍ لي حبيـب
............................. لكن أنت ِ فقدتي فـي غيابـك ولـد

هذا النص انتشر بمئات المنتديات العربية ..
و ليته ُ لم ينتشر فالذاكرة قد اجهضتها و لا تستحقق كل هذا الإنتشار ..
فهْيَ لم تعد تهمني..!

.
.
ناصر الدهمشي

[ناصر حطاب الدهمشي]

مسج لـ شوق علي
أنا واثق من قرآة الكثير لكل ما أكتب ..
و لكن لا أثق بذائقة الجميع , فالبعض لا يمتلك إلَّا رماد للغة بالية يتعب على تقليبها و إعادة
هيكلتها و يفتقر للذوق الأدبي ..وهذه ِ الشاكلة لا تلْزَمُني.
شوق أنت ِ شاعرة حقيقيَّة و سحبت ِالبساط من بين أسنان الأكثريَة .. و لم تسحبيه من تحت أقدامهم ..
فالأغلبيَّة يعضون بأسنانهم كل ما يجعل لوجودهم معنى أو حتى يٌعلّقهُم على أطراف ذاكرة مثقوبة
أو ذاكرة احترفت التطبيل لهم ..
فالكثير يعتقد أنه ُ النادر .. بينما أنا و جبروتي المتواضع لا نُشغل البصرَ بهم ..
فُـ بالأعلى لنا أشياء أهم من النظر إليهم ..
شوق العلي .. متابعتك لي و بعيدًا عن المُبالغة فخر لـ ناصر حطاب الدهمشي
لأنَّك ِ شاعرة بمعنى الكلمة و تعرفين كيف ومتى تتناولين الشعر..وبارعة في كتابته
لذلك أنا فخور ٌ بِكِ ..

نسخة من المسج للغالية ميــرال
.
.
ناصر حطاب الدهمشي

[ناصر حطاب الدهمشي]

عجين :
كيف تحلف عنـد مثلي برقبتها
ــــــــــــــــــ أنت صاحي و إلا يـا خيي طبل
كل ما جـابت عصيدة و خبصتها
ــــــــــــــــــ جيت ترثـع كن مـ /براسك عقل
ساحتك مربوطها مـع منفلتها
ـــــــــــــــــــ شيّابها و رجالها لـ اصغر طفل
كلهم قالوا حروفك مـ شهرتها
ــــــــــــــــــ ما شهرْهـا غيـر قلبك يا الخبـل
اقْتَرَفَهُ
.
.
ناصر حطاب الدهمشي

[ناصر حطاب الدهمشي]

خلع ..


تدري وش أحقر من وجودك .؟ ملامحك
ـــــــــــــــــــ و تدري وش أرفع من حواجبك؟ ماطاك

مثلك قذر .. تكرم يدي عن مصافحـك
ـــــــــــــــــــ حتـى لسانـي ينحشـم عـن منـاداك

منت بكفو .. حتى أهينـك واشرشحـك
ـــــــــــــــــــ ألْبـد ترانـي مـا تلفَّـت لـشـرواك

أبك أنت لو صوتي رفعتـه .. يطيّحـك
ـــــــــــــــــــ حفنة قزم كلَّك من أقصـاك لـ اقصـاك

نـام الكـلام و كـان تبغـى أريّـحـك
ـــــــــــــــــــ لا جيت تلعب .. طالبك العب هنـاااااك

نهاية الخلع .. : )

ناصر حطاب الدهمشي
أعتذر للشعر و لمتابعيه ..

[ناصر حطاب الدهمشي]

لــ نصفي الآخر ..


ماجيت أغنـي لِك و لا جيـت أكلِّـمك
ـــــــــــــ أو جـيت أعـلِّم غيبتك تمطر أحباب
جيت أحضنك ,, يمكن ضلوعي تعلـِّمك
ـــــــــــــ إن النـسا بعـدك ولا يسْـوَن إتـراب
إن النـسا بعـدك ولا يسْـوَن إتـراب
إن النـسا بعـدك ولا يسْـوَن إتـراب
إن النـسا بعـدك ولا يسْـوَن إتـراب
.
.
ناصر حطاب الدهمشي

[ناصر حطاب الدهمشي]

لــ نصفي الآخر ..

الحب يشبه ضحكة إشفاك ,, لكن
ـــــــــــــــ بينه و بين إشفاك يا المترفة فرق

إشفاك شمسي لظلمت هالأماكـن
ـــــــــــــــ و الحب يشبه واحد ٍ عيشته سرق
.
.
ناصر حطاب الدهمشي

[ناصر حطاب الدهمشي]

لــ الشاسع : صدري ..

صدري .. علام الوقت ما يروي حلوق الكادحين
ـــــــــ اللي شـروا لطفالهـم العـاب قيمتهـا عـرق
ماني بقايل لك قهر .. بس ما تشوف المترفين !
ـــــــــ أحلامهم تهرب لهم ..و انت إ/تَّهَرَّب من غرق.!
.
.
ناصر حطاب الدهمشي

[ناصر حطاب الدهمشي]

للأنقياء من البشر :
سأحاول الغياب قليلًا ..
أراكم على خير ..

لكل روح انصدمت بخبثها :
لا تقرأيني هُنا ولو مُتخفيَّة .. فأحبابي من الأنقياء أخشى عليهم من العدوى ..
أفهمت ِ .. !

[ناصر حطاب الدهمشي]

=
=


كم لي وانا آخذ من تفاصيل الأموات
ــــــــــــــ شيمة .. و اعلِّقها على أفواه حيّـة

جوني عرايا مرجلة معهم (أصـوات
ــــــــــــــ لوجيه ) مسلوبة ملامـح .. خفيّـة

ملَّيت يا شعري أهَـدِّي لـك الـذات
ــــــــــــــ جتنـي قويَّـة.. واستلمهـا قويّـة

ليت البياض اللي طرق صدري و فات
ـــــــــــــ يدخل بصدر إبـن الحـرام و خويّـه

من ذاكرة 2002 م / 1422هـ ..
=
=
=
ناصر حطاب الدهمشي

[ناصر حطاب الدهمشي]

.
.


ما بين كلمة تعال و كلمـة إتركنـي
..................... شخص ٍ حداه الزمان وْ كثْرت أسئلته

عاف الحياة و رمى صدره على متني
..................... يبكي .. و أنا أبكي عليه و لا تثاقلته
.
.
ناصر حطاب الدهمشي

[ناصر حطاب الدهمشي]

.
.
يا غايبة وشلون أترجمها شعر و إلا نثر !
---------------------- الضيقـة اللي كرهتني في حياتي كلَّها !

و الله فاقدك ..

[ناصر حطاب الدهمشي]

للشوق ..
-
-
مثلك يجي بسكات و يـروح بسكـات
~~~~~~~~~~~~~~~~ خَلَّك هنا مع ذكـرى الأحبـاب خَلَّـك

دام الفرح بينـك و بينـه مسافـات
~~~~~~~~~~~~~~~~ وش عاد لو حظَّك تناسـاك / ملَّـك

إفـرد جناحـك للقهـر و المطمَّـات
~~~~~~~~~~~~~~~~ واكسر سنينك لـو نـوت تستحلَّـك

لا تنحني .. و إن سلطنت فيك الآهات
~~~~~~~~~~~~~~~~ سلطـن و لا تظهـر للأيـام ذِلَّــك

تبقى الكبيـر بعينهـا كـل الأوقـات
~~~~~~~~~~~~~~~~ حتى يا لـو جـوع النهايـات سلَّـك

اشمخ و إذا ضاقت عليك المساحـات
~~~~~~~~~~~~~~~~ طيِّر طموحك و إن تمكَّنـت .. كلَّـك
-
-
ناصر الدهمشي

[ناصر حطاب الدهمشي]

.
.
نام المسـا ما نقل هم اليتيـم الصغير
ـــــــــــــــــــ والصبح طاف الوجيه اللي نساها الفجر
.
.
ناصر الدهمشي

[ناصر حطاب الدهمشي]

تدرين .. كيف الكلام يطيح من طوله ؟
,,,,,,,,,,,,,,,,,,,,,,,, ماني بقايل أخاف إن قلت لك (طحتي)
ليه أجرحك و أذبحك بغناي وشو لـه
,,,,,,,,,,,,,,,,,,,,,,,, الوقت ماهو مقصِّر مِعْك مـن رحتـي
يا الراحلة بي حنين ٍ يا صعـب قولـه
,,,,,,,,,,,,,,,,,,,,,,, ودِّي .. ولكن غيابك كسَّـر أجنحتـي

ناصر الدهمشي

[ناصر حطاب الدهمشي]

تغريبنا لأرواحنا ..قد يراه البعض مجرَّد جادّة سبقنا عليها الأوائل .
أو لا يخرج من دائرة الشعر و ما يلزم ..
بينما التغريب ليس بالضرورة .. أن نكون غرباء بالفعل .. ونبحث عن هويَّة ..أو مدفونين و نبحث عمَّن ينتشلنا ..
الغُربة .. قد تُسببها حالة وداع لأناس لم نعتد الحياة بدونهم .
أو زيارة لأماكن كانت مزدحمة بالذكريات . . ولم نجد فيها ما يساعدنا على تذكُّرها..
حتى اختفاء أصوات العصافير و ابتعادها عن النافذة قد يشعرنا بالغربة .. أشياء كثيرة .. تأتي بالغربة و تدفعنا للتغريب ..

ناصر الدهمشي

[ناصر حطاب الدهمشي]

.
.
من علَّمك يا طفلة البرد تسْرِيْن !
___________ الليل ذنب و صبـح الأيـام كافر
.
.
ناصر حطاب الدهمشي

[ناصر حطاب الدهمشي]

تبغى تشوف إرجال بعيونك إرخـاص ؟
ــــــــــــــــــ أرخ الريـال اللي ما يركع ! يـدنِّـق
.
.
ناصر حطاب الدهمشي

[ناصر حطاب الدهمشي]

.
.
إتصدقين
ديني و دين
اللي يدلْـبِح للحريم
و تصدقين
هذا المسا
باين عليه إمْن العصر
إنه عقيم
.
.
ناصر الدهمشي

[ناصر حطاب الدهمشي]

لهـا
.
.

أنا من علَّم ارصفة الشوارع تضحك لفرقاك
_______________ و انا من كسَّر أقدام الغياب وجيت لك هارب
.
.
ناصر الدهمشي

[ناصر حطاب الدهمشي]

عجين :


كيف تحلف عنـد مثلي برقبتها
ــــــــــــــــــ أنت صاحي و إلا يـا خيي طبل

كل ما جـابت عصيدة و خبصتها
ــــــــــــــــــ جيت ترثـع كن مـ /براسك عقل

ساحتك مربوطها مـع منفلتها
ــــــــــــــــــ شيـَّابها و رجالها لـ اصغر طفل

كلهم قالوا حروفك مـ شْهَرَتْهَا
ــــــــــــــــــ ما شهرْهـا غيـر قلبك يا الخبـل


اقترفه

ناصر حطاب الدهمشي

[ناصر حطاب الدهمشي]

خلع ..


تدري وش أحقر من وجودك .؟ ملامحك
................................ و تدري وش أرفع من حواجبك؟ ماطاك

مثلك قذر .. تكرم يدي عن مصافحـك
................................ حتـى لسانـي ينحشـم عـن منـاداك

منت بكفو .. حتى أهينـك واشرشحـك
................................ ألبـد ترانـي مـا تلفَّـت لـشـرواك

أبك أنت لو صوتي رفعتـه .. يطيّحـك
................................ حفنة قزم كلَّك من أقصـاك لـ اقصـاك

نـام الكـلام و كـان تبغـى أريّـحـك
................................ لا جيت تلعب .. طالبك الْعب هنـاااااك

نهاية الخلع .. : )

ناصر حطاب الدهمشي

[ناصر حطاب الدهمشي]

لـ حبيبتي روز بنت أخوي : فواز الفهيد ..
http://up4.m5zn.com/9bjndthcm6y53q1w0kvpz47xgs82rf/2009/11/13/02/c0tln0a8z.bmp (http://www.tobikat.com)
قولوا ما شاء الله ..


طفلة و لكن غير عـن كـل الاطفـال
............................. بعيونها حرب .. و سلام .. و أغاني
وجدي عليها كل .. ما هاجسـي مـال
............................. يم قلب ٍ أرويته حنيـن .. و نسانـي
أو وجد منهو ضيَّـع العمـر ترحـال
............................. يبغى وطن .. يستوعب إنسان فانـي
فواز .. شفني واقف هنااااك .. تمثال
............................. خذني .. أبفقـد لـو دقيقـة مكانـي
ودي أعانق روز .. و اشكي لها الحال
............................. و اشكي لها ظلم السفر .. و الموانـي
بشكي لها أرضي من الجال .. للجـال
............................. و حزن ٍ مثل وجه اليتيم .. إعترانـي
يمكن معاها .. يترك الضيـق رجـال
............................. يشبـه مدينـة .. ناقصتهـا مبانـي




ناصر حطاب الدهمشي

[ناصر حطاب الدهمشي]

=
=


رح قلّهم لا ينشدوني عن الطيـر
ــــــــــــــــــــ هم مادروا عن برقع ٍ له حذفته !

أنا نقلت الطير .. يوم الزمن غير
ـــــــــــــــــــــ و من يوم كثروا ناقلينه .. تركته

ناصر حطاب الدهمشي

[ناصر حطاب الدهمشي]

يا ضلوعي لو أبقى لإنتظاري أسيـر
ـــــــــــــــــــ ما جرحت إنتظاري لو بي الحيف زام

كلّ ما قلت : طاح مْن الحمول الأخير
ـــــــــــــــــــ جدَّد الوقت لي حِمْـل ٍ يهـدَّ العظـام

اشمخي و الله إني كل ما رحت أغير
ـــــــــــــــــــ آرد الموت فيكـن زي وِرْد الحيـام

حِلْمِكِن ما تركته يوم الأحـلام طيـر
ـــــــــــــــــــ لا دنى مِنِّه الكادح تضفضف و حـام

ضمّي الموت عنِّي دام شانـك كبيـر
ـــــــــــــــــــ في عيون المصاعب و ازهدي بالكلام

.
.
ناصر حطاب الدهمشي

[ناصر حطاب الدهمشي]

.
.

من متى و الشمس تقوى ما تغيب !

[ناصر حطاب الدهمشي]

( مضاوي )

يا ضلوعي لو أبقى لـ/ انتظاري أسيـر
ـــــــــــ ما جرحت انتظاري لو بـي الحيـف زام

اشمخي و الله إني كل ما رحـت أغيـر
ـــــــــــ آرد المـوت فيكـن زي وِرْد الحـيـام

حِلْمِكِن ما تركته يـوم الأحـلام طيـر
ـــــــــــ لا دنى مِنِّه الكـادح تضفضـف و حـام

و اليوم يـ / ضلوعي العوجا تراني ضرير
ـــــــــــ افزعي لي قبل وقتـي يسـوق الظـلام

فارقتني مضـاوي و اتركتنـي كسيـر
ـــــــــــ بين صمت الطريق و بين صوت المـلام

إن نسيت المواجـع .. ذكرياتـي تثيـر
ـــــــــــ الدمـوع بْـ/ عيونـي جعْلهِـن للعـدام

و ان ذكرت الحنين يصير شر و شريـر
ـــــــــــ وقتـي و الآه ترقـا للشفـاه و تـنـام

شاعرك فيه من حزن المفـارق كثيـر
ـــــــــــ في زفيره شتات و في شهيقـه زحـام

شفتي حال الفقير إلْيا شحذ مـن فقيـر
ـــــــــــ حالي من حاجته أعظـم علـيَّ الحـرام

ضمّي الموت عنِّـي دام شانـك كبيـر
ـــــــــــ في عيون المصاعب و ازهدي بالكـلام

كلّ ما قلت : طاح مْن الحمـول الأخيـر
ـــــــــــ جدد الوقت لـي حِمْـل ٍ يهـدَّ العظـام
.
.
ناصر حطاب الدهمشي

[ناصر حطاب الدهمشي]

http://www.mzaeen.net/upfiles/BYd10038.jpg (http://www.mzaeen.net/)

[ ذِمـَّـة مدينة ]
عرفتك و الشجر يحكي سواليف المطـر للطيـر
,,,,,,,,,,,,,,,,,,,,, فقدتك .. و الشجر يرخي غصونه و الضما يكرب

رحلتي و العمر صار السواني .. و الأماني بيـر
,,,,,,,,,,,,,,,,,,,,, يجالدها تعب شهـب السنيـن و منَّهـا يشـرب

تركتني علـى ذمَّـة مدينـة مـا بهَلْهَـا خيـر
,,,,,,,,,,,,,,,,,,,,, مدينة تشبه إلْ وقت ٍ فهق عن وجهي المهـرب

لك الله من تفارقنا بها .. صارت غريبة .. ميـر
,,,,,,,,,,,,,,,,,,,,, غرابتها تهون إلْيا عرفـت إن الفـراق أغـرب

تعبت احيا بها ( ميِّت ) تعبت آقف بها و آسيـر
,,,,,,,,,,,,,,,,,,,,, وانا في صدري سم أعظم من اللي تنقله عقرب

تمدَّ الخوف قدَّامـي واذا عنْـه انحرفـت إتثيـر
,,,,,,,,,,,,,,,,,,,,, حزن أبعد من جْنون الغياب بْداخلي .. و أقـرب

كثير أجهـل مسالكهـا وتجهلنـي دروب كْثيـر
,,,,,,,,,,,,,,,,,,,,, وكثير أمشي بْمساربها وأنا معرِف لها مسّـرب

أمرّ وْجيه و اتهجَّى بهـا ظلـم امتـداده غيـر
,,,,,,,,,,,,,,,,,,,,, و امرَ وجيه و اتهجَّى بها حقد لْزمـان أجـرب

مشيت بْوسطها شاعـر يغنِّـي ضيقتـه للغيـر
,,,,,,,,,,,,,,,,,,,,, عذابه يلحقه .. لكن تماسك و استحـى يهـرب
.
.
ناصر حطاب الدهمشي

[ناصر حطاب الدهمشي]

لها .. :34:
http://www.mzaeen.net/upfiles/npA06675.bmp (http://www.mzaeen.net/)
حاولت اقرِّب .. لكـن الوقـت عيَّـا
,,,,,,,,,,,,,,,,,,,, إلا أفارق .. يا مضـاوي و اطيعِـه
وأنتيِ يا لـو ماهـو مكانـك هنيَّـا http://www.shathaaya.com/vb/images/smilies/heart.gif
,,,,,,,,,,,,,,,,,,,, حرام ما ضاقـت علـيَّ الوسيعـة
ودعتك الله و إن طـرت لـك حميَّـا
,,,,,,,,,,,,,,,,,,,, جودي على اللي في يدينك .. ودعية
قلب ٍ زرعتـي فـي ضفافـه جفيَّـا
,,,,,,,,,,,,,,,,,,,, ليه انقله دام إن حصـادِه .. قطيعـة
خوذيه .. أبرحل .. وان شرهتي عليَّا
,,,,,,,,,,,,,,,,,,,, تذكّـري زرق الطعـون الشنيـعـة
ملّيت أخـاوي ضيقتـي .. و آتفيَّـا
,,,,,,,,,,,,,,,,,,,, صدمة عمر .. تقاسمتني .. فظيعـة
عيشي وحيدة .. و الغياب إن تهيَّـا
,,,,,,,,,,,,,,,,,,,, غيبي.. قبل تبـرم عليـك الهزيعـة
مقسى من أنثـى تطعنـك بالخفيَّـا
,,,,,,,,,,,,,,,,,,,, إلا السكوت.. و في ضلوعك فجيعـة
.
.

ناصر حطاب الدهمشي