" أرض السما "

[جمال الشقصي]

"

شاب المكان حْقول شوك.. وسكاكين=يشرب من أهل الأرض (سقّاية) الدّم!
وانا المآذن تحت صدري ملايين=دمّيتها بطبشور ضلعي من الغمّ
يا رافع بنجواااك.. حزن المساكين=إياك.. ثم ايّاك تستعطف الصمّ
خذ صوتك المسموم بانشودة الدين=واحرق ثياب رْضاك/ برضاك واعتمّ!
لاشك عُمر يديك عمر الرياحين=وتحت أخمصك للملح رزْنامة اليم!
أكبر حقيقه بمهدك تعيش للحين=إنك حملت بساعتك معصم الهمّ!


"

[جمال الشقصي]

"

كيف أمسّي بخير بيبان المدينه..=والمدينه تعيش باسوار المقابر؟!
يا غلابه.. يا أوادمنا الحزينه=كل عام وموتكم بيت ومعابر
جيتكم من مولد الروح الأمينه = شايل أخطائي بلا صوت ومنابر
جيت أدّور للتعب دار السكينه=داخلي كسْر الزمن.. محتاج جابر
وين أبا القى لو مجرد ياسمينه؟=والبيوت بناسها شوك ومقابر؟!


"

[جمال الشقصي]

"


رماد الغايبين اللي نسوني حارسٍ للنار=ذريته للحنين وشبّت الذكرى من أهدابي
وقفت آكبّل الليل البهيم بمشعلي.. والدار..=مِشَت.. قبل الشموس تصافح الخطار بابوابي
إلى مْتى يالنظر واجنيك بسلال الخَراف غْبار؟=متى النخل الكريم بضاحيتنا صار حطّابي؟!
ترى المقفين ما كانوا هلي.. كانوا لي الأخيار=نخالة حارتي.. يوم الصداقه كوكبٍ غابي
نسوا لا يذبحون اللهفه اللي بخافقي جزار=على عظامي تسنّ حدودها وتقطّع أعصابي
دخيلك يا سما هاتي من بطون السديم أغوار=مَادام إن البراح أضيق من إنه ياسع ثيابي
أنا مَا ادري الذي خان بربيعي كانت الأشجار..=أو انك يا شجر عمري عجزت تصادق ترابي
هنا با اوقف.. على حدّ المرافي أو بباب الغار=يَا إمّا غلطة البحار ردّتهم.. أو غيابي
أمانه.. يا نحول الأمنيات بصوتي الثرثار=أبي من طول ما قلت بزمان السوّ.. محرابي
غسلت البارحه صدق رْطبي باكذوبة الأنهار=وأقسمت بصحاري الغيّ يومٍ تنبت أعنابي
تعبت أرمي بوجهك يالظلام أقصى فحيح النار=ولا صبّت على موقد عيوني.. ليلة أحبابي!!



"

[جمال الشقصي]

"

كن الكراسي في حضورك مراجيح=والشاي ما هو شاي.. حزمة أغاني
جيتي وحلم الناس حولك مذابيح..=برموشك اللي تخطف أغلى الأماني
إنسان.. ما لي في حياة المصابيح=مزروع أعد الليله بليل ثاني
أما اعبري بي شط حزن المجاريح=والا اتركيني مثْل ما كنت.. فاني!



"

[جمال الشقصي]

"

ياخذ المهجر تعبْك السرمدي=ويْتحدوب ظهرك الجافي بلاد
ما توقّف ساعتك.. يا ابني تْعَدي=للزمان التافه برسغ الحياد
لا تسالم.. لا تسالم.. يا بْعَدي=إمْلي ضلوعك بطعنات البعاد
قلت: يا صوفيّتي.. وين آغَدي؟=كلّما عمّدْتِني.. طاح العِماد!
بين ما آنا للسما يا مولدي=وبين ما أرضي زنازين الكباد..
كم لي المنبوذ في برج الجدي=والنجوم رصاص.. وعيوني زناد
عابر بزحمة فضا الصمت وْحَدي=ما لقيت بشاسع أكواني عباد
شلتني بايدي لشطّين جْسدي=يا منافي الروح.. ما مثلك بلاد!


"

[جمال الشقصي]

"

تسوسني يا مومس المعلاق.. يصغر داخلي..=أوسخ جذِر.. دسّوه في غفلة مواليدي نسَب!
مْن الغجر جيتك وانا نسل النشامى كاهلي=دخيلك ارويني غبا النزوه بليّا محتسَب
الله يلعن كل أبو زفت السلاله يا هلي=وطّنتني بملهى (دخان الليل).. لا فصْل وحسَب!!

"

[جمال الشقصي]

"

منتهى الحقران فرعك بْشجره=بالخنا حبلى وهي ستّ الأمومه!
في الصبا تحصد لك أكواز الذره=وتكبر بطعنة خناجرها الكتومه
كنك المعتوه بغواية مرَه=غدرها في حضنك الوافي نعومه
مهْجري ما كان في يوم ثْمَرَه=منفيٍ قبل العمر يعلن قدومه
من هنا.. ما عاد لي في الذاكره=لا خرافة خال.. واسطورة عمومه!!


"

[جمال الشقصي]

"

لفافة تبغ..
منافض ما رمت راس الثقاب أعوام
وانا الملم جسد ما نام..
ولا بساعة زمانه رسغ..
أشوفه مرميِ بشقه
ولحظة قام:
سأل وين العمر يبدا..
من البيبان؟
من الصاله؟
إلى الـ..... ــام..؟!!


"