" أرض السما "

[جمال الشقصي]

"

كل الجهات الموغله بالحلم.. موسوعة جراح=حتى على هامش تفاهتها تثنّى منكبي
يا وين الاقي للشموع أعياد ما فيها ذباح=وآنا على ضحكة حياتي حزن مَا ادري وش يبي!!

"

[جمال الشقصي]

"

قالت.. وانا باطراف غصن المقادير:=هذا الشتا من كم ترجي نهايتْه؟
قلت الامان بحجل سرب العصافير..=هاجر.. وانا المسكون داخل غوايتْه
إن ما فتح لي العمر لوح التباشير=مو عيب أشيب اقراه.. واجهل قرايته!


"

[جمال الشقصي]

"
أنا ما جيتك المرْمِي من جدار الزمن صوره=انا صورة زماني قبْل يطعن لونها برواز
مباديي الأثيره كل ابوها واقع اسطوره=بقايا كذبةٍ تهوي من اكذوبة رجال عْزاز
صدَفتِك.. لا انتي آنا.. لا انا انتي.. كلٍ بْطوره=مشينا بْلا قدم تمشي ولا يقبل بنا عكاز
على قْزاز الزمان تجمعت بحلوقنا سوره=ترتبنا/ ترتلنا.. على فتات الزمان قْزاز
دخيلك لا تقولي نهاية المشوار وش دوره=مَادام حْيادنا خاسر..اكيد بْلا هدف ننحاز
لقيتك في مهبّ الشك صوتٍ يشعل الثوره=على طول الحديث ولا تعارفنا ولو بايجاز
لذا.. لا تسئليني رحلتي لا وين مهدروره=لقيت بواقعي خلف السراب المخمليّ.. انجاز!!



"

[جمال الشقصي]

"

في قلبي المعزول عن صوت الأنام=عايشت امانك يا ثلاثين السكوت
كل خطوةٍ تاخذني بقلب الزحام=حسيتها سكين تنحرني.. واموت!!
من وين أطيّر للسما سرب الحمام=يا فاطمه.. والكون بيت العنكبوت؟!!

"

[جمال الشقصي]

"

وعاد هذي اللي انقصَت يا فاطمه؟!=وانتي اكثر من عرفتيني.. وعرفت
ليش ما كنتي من اوّل حاسمه=وانصرفتي بخير.. وبخير انصرفت؟!
دمعتي ببكاي لاجلك غايمه=يا تبكّيني.. أو بدمّي ذرفت!!!


"

[جمال الشقصي]

"

يا شمعتي.. والدرايش عور=لا يْقوم ليله رماد الدار
لو شمعدانك يصير طيور=طيري معه لا يْجيك الدور!
آبا اشعل الصمت للديكور=والمس رضا دمعتين جدار
مادام كل التجافي شعور=لا باس بسكوتيَ الجبار
سقف السما غرفتي/ والنور=لاجل الستاير شظية نار!
يا شمعتي فاض حزن الدور=قومي اشعلي النور للاقمار
الدار: عميا تضم العور=وجرح المكان بعيوني.. غار!!



"

[جمال الشقصي]

"


في الحدود..
قلت أبابني لي ولو طوبة وجود!
سدرةٍ لكتابتي
أو يجوز استنبت الاحجار غنوه
أو كمان..
والاّ أخط برملة الوادي مكان!!
في الحدود..
كذبه كبر الأرض مَا ادري من نساها
اما هي سجن البلاد..
والا حبل المشنقه لكل الوجود!!

"

[جمال الشقصي]

"



من ديار اغترابي.. لاغتراب الدار.. يا ساره=سكنت اوسط مسافة حلم بين الذات واقداري


حنيني مرايةٍ تصلب ملامح صوتي بْحاره=نسيت اكسر حديد اصفادها عن بحّة افكاري


كسرت اضلاعي الخصرا حطب لاسنان (منشاره)=مَادام ابيض عروقي معجزه لغواية (العاري)


تلاقيني الشجاع اللي نسى لا يدخل الغاره=شغلني عن فشيق البندق المعطوبه.. أذكاري


إذا أوفى الكلام بمسمعيّ كـْذوب عزّاره=سكوتي: راهبٍ شلته لجثمان الوفا قاري


لدغ باجمل امانينا البسيطه عقرب (اضباره)=نهش باغلى صداقتنا غبا (دارك) و(مدياري)


على هذا: تعالي يا ضنا خالك.. جلناره=تردّ اللي همَد من ضحكتي في نخلة اشعاري


يقولون الحدود (تبلدِن) الانسان بدياره=وانا اقول الحدود أرحب بني آدم من دياري!!


قسم لو (هي) ترّث.. وثوبها ما يعقم ازراره..=تلاقي (الارض) صدري عقمةٍ ما طالها ضاري


يـَ ساره ورحمة الله خالك تبوحين باسراره=ودخيلك لا تجيبي عن عذابي السرمدي طاري!



"