مجلس ذائقتي

[محمد السالم]

في هذا المجلس ستدار دلة الشعر التي تحمل فناجين الذائقة لشعراء أخرين


فمن أراد أن يحتسي فقط فنجان من الشعر


فالصدر له أوسع من المجلس

[محمد السالم]

ديرها مغنى ترى صاحبك راعي هجـوس=شاعرٍ لاضاقت الارض في عينـه قصـد
طول الليل التغلي وطـال بنـا الجلـوس=ياتـرى ثمـلـت فناجيلـنـا ولابـعـد
سالفتنا عجزت وانحنت ماهـي عـروس=احملت عشريـن مـرة ولاجابـت ولـد
ثوبها يستحضر اللون في كل الطقـوس=جاهـز للضحـك الازرق وجاهـز للنكـد
كان عندك كذبـة ٍ ماتعريهـا الشمـوس=خلنا نبني بها في مـدى الصحـرا بلـد
غيرنا يبني مداين على روس الطعـوس=وان سألته قال الانسان يخلق فـي كبـد
حلمنا مقتول والقاتـل ايمانـه غمـوس=أي حلمٍ نرتجـي فزعتـه وايـة وعـد
كل عام من اوله نشعـل الظلمـا دروس=والغريب ان آخر العام ( لم ينجح .. أحد )
لاتفاءل وجهك المنتظر وجهـه عبـوس=مثل وجهك ماعلى نظرتـك فـال السعـد
من زمان ونحلتك هايمه بيـن الغـروس=لجت الرمان من شان تجمـع لـك شهـد
مشكلتها حظها يشبـه لحظـك نحـوس=كلما جت عين زهرة لقـت فيهـا رمـد
شجرة الحظ ايبست عودها مليان سـوس=لاتـداوي يامـداوي ولاتشكـي لاحــد




لـ مهدي بن سعيد

[عبدالله العويمر]

سأتابع هذا المجلس بفرح

محمد

مهدي بن سعيد
اختيار جميل ياغالي

[محمد السالم]

وحيد يشعلك هذا الحزن..من أولك لأقصاك= ولا يشعر بنارك كل من يدفى على..مصابك
يحيرك الدجى ..مابين تغريدك وبين بكاك=شعور غامض..لاشبـت النجمات ينتابك
تأمل كل مابك.. منغلق لو تفتـح الشباك=تأمل كل مابك ..مكتئب لو ترخي أعصابك
سكوتك/قبر صوتك.. والسما مقصورة لمناك=تبي تتجاوز الدنيا..ومالك غير مشعابك
تفتش ......باللغة عن مفردة تتناسب ومغناك=تدور بـالسما عن غيمة..تحنو على تـرابك
وش الغربة سوى شعور يقول:إن الجسد منفاكوش الحيرة سوى إنك..يوم تسأل كيف تحيا بك
رغم كل السحاب اللي تمنى.....وما قدر يرقاك=يا ليـت إن الأفق ممكن.. يحس بوحشة عقابك
كثير من الوفا..... ما هو سبب حتى تقل عداك =وقليل من الذهب يكفي ..لجل تتكاثر أحبابك
ترى أصحابك قليل إحذر يغرك كثرهم وياك=تراك بأي لحظه..ممكن إنـك تخسر أصحابك
يأس منك الطرق اللي تعود يصغي لممشاك=يأس منك الرفيـق اللي..عجز لا يفهـم عتابك
يأس منك النهار اللي شهد(ياما) ارتباك خطاك=يأس منك الظلام اللي .جلس (ياما) على أهدابك
ملايكتك تحدك تغفر لهذا الزمن ما جاك=وشياطينك تحدك..تبرز لهذا الزمن نابك
تأكد لو هي بتحسم جنون المعركة شلفاك=ترى هالناي ..ماله أي قيمة عند مخلابك
محمد لا تـسافر للزمان المظلم الفـتاك=محمد..لا تـمزق قبل تحيا عيـدك ثيـابك
محمد ما مداني أطلع العالم على معناك=محمد..تو عناقيـدك تحاول تلفظ أعنابك
وحيد تنثرك صحرا قريـش و يجمعك مـولاك=ويتوجك.. الإمام المعتكف وحدك بمحرابك
حرام إنك تفارقني تقول إن الـحياة هناك=حرام إنك تبرر بـالنهـاية ..طعنة غيابك
حـرام إنك تكسر كل حلم صاغته يمناك=حرام اللي.. بنيته ينهدم عاليه باسبابك
حسافه لو تـموت و ما تلاقي وافي ينعاك=على مرأى من عيون الخلايـق يسقط شهابك
حسافه لو تموت و كل شخص يدلهك ينساك=ولو كان بحياتك كل شخص..يحسب حسابك
تـمـوت و لا خليلة تنثر الدمعات في فرقاك=تـموت و لا خليفة ..يكمل الباقي من كتابك
رقيـت الغيم لين اعتدت صولاتك ورا الأفلاك= نزلت الارض لين أدركت ....بأن الطين أولا بك
بعد ما كنت تشعر كل هذا المال ما كفاك= رغم أنفك بترضى كل هذا الدود يرعى بـك
تحس إن القضى قد له ليال يدور حول حماك=قرب موعد خريفك قبل لاهي تنبت أعشابك
على نغمات موسيقى حزينة تندثر ذكراك = و مصير أسود..متلـهف يوقـف على بابك
قبل لا تـوصل لذيك المدينة تنتهي دنياك=و عادك بأول الصحرا ..حرام تـنـوخ ركابك



لـ محمد المرزوقي .

[محمد السالم]

سأتابع هذا المجلس بفرح

محمد

مهدي بن سعيد
اختيار جميل ياغالي



عبدالله

أنت عزيز وغالي حتى لو ما تابعت


مرحبا بك هنا أيها القلب المنشرح بالحب والفرح

[محمد السالم]

آه ياللي شفت فيك امسي
وناداني بوجهك (وجه جرحي)
ليه جيت 000؟؟؟
آه ياللي كنت مثلك 00 فيك لوني
فيك حزني 00فيك طولي 00
فيك تجريح السنين0
كنت مثلك (طفل)
مايفهم 00ولايدرك 00ولايدري
عن اسرار الزمان0
كنت مثلك (طفل ضايع)
عمره اكبر من سنينه بالف عام 0
كنت اشوف الضحكة احلام
وخيال
وشيّ مثل المستحيل 0
كنت ادراي دمعتي عن (عين غيري)
وابتعد لا راودتني 0
وكسرتني 0
واتعبتني0
وعسرتني 0
ثم خانتني وطاحت (قوة اعصابي)
وطاحت دمعتي/ آه 00 غلبتني0
كم وانا كبرك نساني(عيدي)
وعدى على غيري
وخلاني وحيد00
كان يوم وكل طفل ٍ فيه يلبس
فرحته قبل الجديد
وكان لي ثوب0ولي احلام 0واماني
بس 0مالي مثل كل الناس 0يامثلي
(هنا نشوان) بالعيد السعيد0
كان حلمي ينتطرني
بالمفارق والدروب
ومن قدم رجلي يضيع الدرب واصرخ
وين حلمي0؟
وين عيدي0؟
وين امل روحي 0؟؟
واطيح من التعب وابكي واذوب !!!
كنت (نبتة طيب) حاصرها الضما
من كل صوب0
كنت طفل اضحك ثواني
ثم اعاتب ضحكتي واسكت واتوب0
كنت اسافر في خيالي 00عن زماني
علي ّ آصل مابعد عمر الطفل
وسنيني اصغر من سنيني
واكتشف عجزي وجرحي
واقبل الواقع ولو كنت مغلوب 0
آه ياللي تشبه عيونك عيوني
وانكسار الضحكة العذرا على وجهك
من اللي حطك بدربي 00؟؟
من اللي قابل الثاني00؟؟
من الثاني 00؟؟
من اللي ينتظر منا خويه بالدروب 0 0 ؟؟؟؟؟


لـ علي المفضي

[محمد السالم]

تـــــد ري وش اللي مضــا يقني ومقلــقني =انـك تـنـحا مـن الضــــــيقــــه عـلى اورا قــي

الى متــى وانت هوجــا س ٍ معــــلقــــــني = وســـرب القـصــايد يموت بداخل اعـــــما قي

مـا بيك نـهـــر ٍ بطيبــة قـلب يغـــــرقنـــي =هــذا الـعطــا الـلــي يــوهــقني مع اخلا قي

احـرمني القاك لين الشـــوق يحــــــر قني =خل القصــــــــيده تجي في صــف خفــا قي

ان شــفتني جاي رح قــدمي وشــــو قني = وان شــفتني رحت هــل ا لـدمع لـــــفراقي

بيــن لي انك عــلى وصلي تسا بقـــــــني =اهــزم عــنا دي بد معه وا ترك الـــــباقي

ان كـــذبت عـــيني الــد نيا تصـــــد قني =وان اظــلم الكون صــر ت النور واشراقي

ابيك عــن كـــل شـــا عر حـب تـفـرقـني =يا مــنتهى الحب هــذي غــــــيمة احدا قي


لـ جهز سيف العتيبي

[ميــرال]

رائع يامحمد هذا المجلس الــ شعر
متابعه
وايضاً ســ اعود لرائحة الزعفران

[محمد السالم]

رائع يامحمد هذا المجلس الــ شعر
متابعه
وايضاً ســ اعود لرائحة الزعفران


مرحبا بك شاعرتنا المميزة

وجودك هنا هو زعفران المكان

[نواف التركي]

تـــــد ري وش اللي مضــا يقني ومقلــقني =انـك تـنـحا مـن الضــــــيقــــه عـلى اورا قــي

الى متــى وانت هوجــا س ٍ معــــلقــــــني = وســـرب القـصــايد يموت بداخل اعـــــما قي

مـا بيك نـهـــر ٍ بطيبــة قـلب يغـــــرقنـــي =هــذا الـعطــا الـلــي يــوهــقني مع اخلا قي

احـرمني القاك لين الشـــوق يحــــــر قني =خل القصــــــــيده تجي في صــف خفــا قي

ان شــفتني جاي رح قــدمي وشــــو قني = وان شــفتني رحت هــل ا لـدمع لـــــفراقي

بيــن لي انك عــلى وصلي تسا بقـــــــني =اهــزم عــنا دي بد معه وا ترك الـــــباقي

ان كـــذبت عـــيني الــد نيا تصـــــد قني =وان اظــلم الكون صــر ت النور واشراقي

ابيك عــن كـــل شـــا عر حـب تـفـرقـني =يا مــنتهى الحب هــذي غــــــيمة احدا قي


لـ جهز سيف العتيبي


مبهر دائماً
سواء كـ شاعر
أو كـ متذوق

[محمد السالم]

مبهر دائماً
سواء كـ شاعر
أو كـ متذوق



الجميل شعرا وخلقا / نواف


مرورك هنا مشكاة للسعادة


مرحبا بك في كل شبر

[محمد السالم]

ما تشبع من السؤال وكثر تكراره =عن ضيقي المستديم وعقدة حجاجي



وين ابتهج واتعدى الضيق واسواره =إلا أنت عطني سبب يستدعي إبهاجي



عندي من الضيق ما يستعصي إضماره =لو تكتمه بسمتي يحتد في اوداجي



ينتابني الحب وانا الحاقد الكاره =ويحيط بي الخوف وانا المؤمن الراجي



خايف ومرتاب كني ف أول الغارة =والناس تقتل وراي ووحدي الناجي



عايش على اعصابي أخفي الضيق وآثاره =كني انتظر شي ياتي عجل ومفاجي



آزج ( نفسي ) بتأويلات محتارة =وأرمي على ( الآخر ) إشكالية إخراجي



لو شفت لي طفل يلعب ف آخر الحارة =يدور في بالي إنه يقصد إزعاجي



هذي السكينة مجرد معطف فاره =تخفي ضياعي وفقر ايديّ واحراجي



بيني وبين الشغب شباك وستارة =لو هبت الريح عرت خافي أدراجي



وتجي وتطرح سؤال كثر تكراره =لا بالله إلا باضيق وباعقد حجاجي


لـ عبدالله السالم

[محمد السالم]

جس نبض الباب قبل الطرقتين .. وجس لوحـه=قال يا كثر اليدين اللـي تقـول الـدار خالـي
ما صحا فالباب .. بعد الطرقتيـن الا الملوحـه=والغبار اللي على الدرفـه حثـا وجـه الليالـي
صاح ياهل الدار.. واشعل فالفراغ الشرس بوحه=وانمحى في دمعتين وحس شي مـن التعالـي
في يدينه كان مفتـاح الغيـاب يشـد روحـه=للغبار وخندق الجـدران حـول البـاب عالـي
قال غاب الدار مدري غاب عني في وضوحـه=هو انا اللي جيت صوب الدار والا الدار جالـي
والغبار اللي على المدخل تقضب فـي جروحـه=ما لفيت الا علـى ريـح تـذره فـي سؤالـي
اسمع ايام تردد مـن وراء البـاب السموحـه=ما نعرفك .. من تكون .. وليش ثاير وانفعالـي
كم ذبل فالروح نجم وضاقت النفس الطموحـه=والحياة اللي طوتك هنـاك صلفـه مـا تبالـي
وانمحت فيك الدروب وصارت الخطوة شحوحه=وجيت لا حادي ولا خيـال مظهـرك ارتجالـي
هز راسه في برود وصمت واوغل في نزوحـه=قال يلقى الـدار بعـد الطرقتيـن احـدٍ بدالـي
كان وجه الباب راكـد مـا عليـه الا الملوحـه=والغبار اللي على الدرفه يقـول الـدار خالـي



لـ عواض العصيمي

[محمد السالم]

اه يـا شبـاك ريـم اللـي مقابـل للحديقـه=كل مانامت عيـون النـاس صحينـاك معنـا
تستلـذ بهمسنـا المجنـون ويبللـك ريـقـه=تحتمل نار العتاب وتوجعـك دمعـة وجعنـا
كم غسلنا وجهك النعسـان بالدمـع وحريقـه=كم على عيونك تقاسمنا الوصال ومـا شبعنـا
وكم رسمت احلامنا في قلوبنا صدق وحقيقـه=كم صدقنا في مواعيد الغـرام وكـم رجعنـا
اه يا شباكها الغرقـان فـي العيـن الغريقـه=كيف مرت خطوة العمر الجميل ومـا سمعنـا
وكيف طاح الليل في كاس الوصل واخفا بريقه=وكيف نفس الموعد اللي قد جمعنا مـا جمعنـا
منهو اللي خان من غير عن احبابـه طريقـه=أنـت ياشباكهـا ولا بــداوة مجتمعـنـا !
او انا او هو زمن( مهدي )حبس وجه الطليقه=ليـن كفّنـا بقايـا أحلامنـا فينـا وطعـنـا
اه ياشباكهـا فرقـى الحبايـب مـن يطيقـه=ومن يطيق الحب لاضاعت مواعيده وضعنـا
واه ياشباك ريم اللي شـرب وجـه الحديقـه=ذبلت زهور الغرام وضاعت الاحـلام معنـا




لـ عبدالله عطية الحارثي

[نواف التركي]

آآه يا شبّاك ريم

شبّاك ريم مرّ بكل القلوب فقط الأسماء تختلف ويبقى الشبّاك واحد والشجن واحد

واصل ياخي واصل

[محمد السالم]

آآه يا شبّاك ريم

شبّاك ريم مرّ بكل القلوب فقط الأسماء تختلف ويبقى الشبّاك واحد والشجن واحد

واصل ياخي واصل


ما دامك هنا يا نواف الظاهر أني با واصل لين تقوم الساعة


بس لا تغيب فتقوم ساعة أخوك :)

[نواف التركي]

عل طاري الغياب

يقول مشعل دهيّم :

يا أول بدايات الغياب وحنينه
ياكحل بنتٍ خالط الدمع وإنساب
إلاّ الغياب وسوّي اللي تبينه
ماعاد فيني قلب يستحمل غياب
يكفي بعمري عشت غيبة مدينة
غيّبت فيها .. أهل وأقراب ,, وأصحاب
كم يغري المرسى إنتظار السفينة
وأنا أنتظرتك لين ليل السهر شاب

[ميــرال]

جس نبض الباب قبل الطرقتين .. وجس لوحـه
ـــــــــــ قال يا كثر اليدين اللـي تقـول الـدار خالـي
ما صحا فالباب .. بعد الطرقتيـن الا الملوحـه
ـــــــــ والغبار اللي على الدرفـه حثـا وجـه الليالـي


اعجبتني يامحمد لحد ادمعة عيني والله

رائع يامحمد

[محمد السالم]

عل طاري الغياب

يقول مشعل دهيّم :

يا أول بدايات الغياب وحنينه
ياكحل بنتٍ خالط الدمع وإنساب
إلاّ الغياب وسوّي اللي تبينه
ماعاد فيني قلب يستحمل غياب
يكفي بعمري عشت غيبة مدينة
غيّبت فيها .. أهل وأقراب ,, وأصحاب
كم يغري المرسى إنتظار السفينة
وأنا أنتظرتك لين ليل السهر شاب


سبقتني على المدهش مشعل يا نواف

وانا كنت محيّد له وقت لجل أغوص في أغوار سحره

شاكر لك يا بو تركي

[محمد السالم]

جس نبض الباب قبل الطرقتين .. وجس لوحـه
ـــــــــــ قال يا كثر اليدين اللـي تقـول الـدار خالـي
ما صحا فالباب .. بعد الطرقتيـن الا الملوحـه
ـــــــــ والغبار اللي على الدرفـه حثـا وجـه الليالـي


اعجبتني يامحمد لحد ادمعة عيني والله

رائع يامحمد


الغالية ميرال مانتي بوحدك أشتركنا كلنا في هذا الأحساس


لك التحية

[سـ/ـماء غازي]

خـدود الرمل بشـت بالحيا من حـبة الهمـلول =و انا تحـت المطـر ما بلّ غـير دموعـي ردوني


و مر العشب فـ أقـدام السحاب المقفيات خجـول =رحـل فـصل الربيـع و مادرت بـه زهـرة جنوني


سألـتك لـين ما جـف النـصي و انشـق للغـرمول =شـفاة مـن هـجـير الصـيف والعـربـان ملوني


سألتك لين ماشاب الكحـل في حاجـر العطـبول =وطلـق هالحـنين .. إبله هـمـل في غـفلة عيوني


سألتك لحـظـة ٍ بيـضا حـبـيب وحـاجـبٍ مفـلول =و صـدقٍ ٍ يعـتق ابهام النـدم مـن عـضـة سنوني


انا المنثور فوق البيد تجمعني تعب ونحـول =وتسـأل عـرقـي اليابس مـتى عافـتـني غصوني


تكلم طال صـبري فـي انتظار المـر والمعسـول =تكـلم لين يخـدعـني اليقـين وتـصـدق ظنوني


حبيبي شالوا عـيوني هَـلي والراحـلين حمـول =و قـفوا مابـقى لي غـير قـلـبي داخـل جفوني


الا يا الله كان اللي مضى لي يشبه المجهـول =تـــيّسـر لـي عـدو ٍ ما عـليه اشـباه مضنوني


غدا يشبهني في الساعة عبث هالعقرب المشغول =اعـد اللي رحـل بي وان وقـفـت بيرحل بدوني

(بدر بن عبدالمحسن)

شكراً وشعراً يامحمد ..

[نواف التركي]

بين رغبـة بقا..وانيـاب ريـح
هيجن الملح..لعيـون الحصـاد
وجال بالصـدر خيّـالٍ جريـح
إرتمى من عيونـي للرمـاد..!
سيدي..والـدروب إلهـا فحيـح
وانت في كل درب ولـك بـلاد
مافقدتك..! واذا تبغى الصحيـح
آتخيّـلـك بوجـيـه العـبـاد
وانت وصلك مثل قّـدك شحيـح
تصخي الهجر وتحـب العنـاد!
علقم الصبر بضلوعـي طريـح
وهدّ حيلـي ولا بانـت سعـاد!
وانت ترقص على آهـة ذبيـح
موطنه بين طيشك والرشـاد..!
ولا يفـلّ الجمـال الا المديـح
وحرفي:الضبي..واوصافك:حماد
بسـم ربّـك تثنّـى يالملـيـح
ووجهك:الصبح..وعيونك: هجاد
من السهر خطوتك كنّـه تطيـح
في عيونـي وتحرمهـا الرقـاد
وشاعرٍ يزرعك في منفاه شيـح
كان ما أطربـك جعلـه للنفـاد
من حكيتك غدى هرجي صريح
وسال حرفي عقب ماهو جماد..!
ون نسيتك ترى ماهو صحيح..
آتخيلـك بوجـيـه العـبـاد..!


لـ فهيد العديم

[نواف التركي]

ما عـاد ينبت قصيد .. وماتت أعشاب
والقـلـب مـا عـاد تاسعـه المحـاني

يغيب هذا الفضـا .. وتسكـر أبواب
والصمـت يتبعني بـ صمـت وأعـاني

من غبـت عني وكل الناس غِـيّـاب
بعـدك ولا فيهـم اللـي ما نسـاني !

بعدك وأنا ما بقى لي حـي مـا غـاب
ولا بقـى حـرف ينطـق به لسـاني

من غبت .. كل البلد بعيوني تـراب
أحجار .. لـو كـان سمّوها مبـاني


من غبت .. كن الحفر بعيوني تـراب
أحجار .. لـو كـان سمّوها مبـاني


من غبت ..والقلب يركض لك ولا شاب
يضوي لك أقمار .. وأحلام .. وأماني

مـن علمك تقفـل الدنيا ورا الباب ؟!
ما غيـر طيفـك غرستـه في مكاني

كنّـك تسمّرت واقف بين الأهـداب
طيفـك معي .. لإتجاهاتـك خذاني

دورت لك في خبايا ربـع وأصحـاب
في بحّـة الناي .. في حـزن الأغـاني

في ضحكة أمي .. وفي همسات الأقراب
في كـل حـزن الصحـاري والمواني

طيّرت لك من حمايم روحي .. أسراب
حطّـن .. ولا فيهـن اللي ما بكـاني

لك سيرة الغيم .. والصحرا لك كتاب
لك سحـر يملا الوجـود إحساس ثاني

كل المدايـن لشوفـك ترخي أرقاب
ودروبهـا كلـها تبكـي عشـاني

يا غايب ارجع جفوني ربع وأحباب
والشعـر مـلّ الكتابـة والمعاني

ما عـاد باقي بقلبي نبض ما ذاب
لله در انتـظارك .. والثـواني

لله در الغـلا لـو ينبت أعشـاب
يمديك تعشـب وتزهـر بـ المحاني


لـ عايض الظفيري

نص قاب قوسين أو أدنى من الدمع
فقط إقرأه بقلبك

[سعيد الموسى]

اه يـا شبـاك ريـم اللـي مقابـل للحديقـه=كل مانامت عيـون النـاس صحينـاك معنـا
تستلـذ بهمسنـا المجنـون ويبللـك ريـقـه=تحتمل نار العتاب وتوجعـك دمعـة وجعنـا
كم غسلنا وجهك النعسـان بالدمـع وحريقـه=كم على عيونك تقاسمنا الوصال ومـا شبعنـا
وكم رسمت احلامنا في قلوبنا صدق وحقيقـه=كم صدقنا في مواعيد الغـرام وكـم رجعنـا
اه يا شباكها الغرقـان فـي العيـن الغريقـه=كيف مرت خطوة العمر الجميل ومـا سمعنـا
وكيف طاح الليل في كاس الوصل واخفا بريقه=وكيف نفس الموعد اللي قد جمعنا مـا جمعنـا
منهو اللي خان من غير عن احبابـه طريقـه=أنـت ياشباكهـا ولا بــداوة مجتمعـنـا !
او انا او هو زمن( مهدي )حبس وجه الطليقه=ليـن كفّنـا بقايـا أحلامنـا فينـا وطعـنـا
اه ياشباكهـا فرقـى الحبايـب مـن يطيقـه=ومن يطيق الحب لاضاعت مواعيده وضعنـا
واه ياشباك ريم اللي شـرب وجـه الحديقـه=ذبلت زهور الغرام وضاعت الاحـلام معنـا




لـ عبدالله عطية الحارثي





عبدالله عطيه الحارثي , مبدع في كل شئ ,


اشتقت لقصائده , وغيااااااابه طال عن ساحة الشعر


بل طال جداً جداً يامحمد ,


وشوقتني لابا هديل يامحمد , ^_^



سأتابع مجلسك , وسأحرص على الإستلذاذ برائحة الهيل ^_^

[محمد السالم]

خـدود الرمل بشـت بالحيا من حـبة الهمـلول =و انا تحـت المطـر ما بلّ غـير دموعـي ردوني


و مر العشب فـ أقـدام السحاب المقفيات خجـول =رحـل فـصل الربيـع و مادرت بـه زهـرة جنوني


سألـتك لـين ما جـف النـصي و انشـق للغـرمول =شـفاة مـن هـجـير الصـيف والعـربـان ملوني


سألتك لين ماشاب الكحـل في حاجـر العطـبول =وطلـق هالحـنين .. إبله هـمـل في غـفلة عيوني


سألتك لحـظـة ٍ بيـضا حـبـيب وحـاجـبٍ مفـلول =و صـدقٍ ٍ يعـتق ابهام النـدم مـن عـضـة سنوني


انا المنثور فوق البيد تجمعني تعب ونحـول =وتسـأل عـرقـي اليابس مـتى عافـتـني غصوني


تكلم طال صـبري فـي انتظار المـر والمعسـول =تكـلم لين يخـدعـني اليقـين وتـصـدق ظنوني


حبيبي شالوا عـيوني هَـلي والراحـلين حمـول =و قـفوا مابـقى لي غـير قـلـبي داخـل جفوني


الا يا الله كان اللي مضى لي يشبه المجهـول =تـــيّسـر لـي عـدو ٍ ما عـليه اشـباه مضنوني


غدا يشبهني في الساعة عبث هالعقرب المشغول =اعـد اللي رحـل بي وان وقـفـت بيرحل بدوني

(بدر بن عبدالمحسن)

شكراً وشعراً يامحمد ..

مرحبا بك يا سماء

والله لقد منحتينا سماء من شعر

فشكرا لك على هذه الذائقة النقية السلال

[محمد السالم]

بين رغبـة بقا..وانيـاب ريـح
هيجن الملح..لعيـون الحصـاد
وجال بالصـدر خيّـالٍ جريـح
إرتمى من عيونـي للرمـاد..!
سيدي..والـدروب إلهـا فحيـح
وانت في كل درب ولـك بـلاد
مافقدتك..! واذا تبغى الصحيـح
آتخيّـلـك بوجـيـه العـبـاد
وانت وصلك مثل قّـدك شحيـح
تصخي الهجر وتحـب العنـاد!
علقم الصبر بضلوعـي طريـح
وهدّ حيلـي ولا بانـت سعـاد!
وانت ترقص على آهـة ذبيـح
موطنه بين طيشك والرشـاد..!
ولا يفـلّ الجمـال الا المديـح
وحرفي:الضبي..واوصافك:حماد
بسـم ربّـك تثنّـى يالملـيـح
ووجهك:الصبح..وعيونك: هجاد
من السهر خطوتك كنّـه تطيـح
في عيونـي وتحرمهـا الرقـاد
وشاعرٍ يزرعك في منفاه شيـح
كان ما أطربـك جعلـه للنفـاد
من حكيتك غدى هرجي صريح
وسال حرفي عقب ماهو جماد..!
ون نسيتك ترى ماهو صحيح..
آتخيلـك بوجـيـه العـبـاد..!


لـ فهيد العديم

أبو تركي مرحبا بذائقتك السلسبيل

ومرحبا بأبو فياض / بيرق الشعر فهيد العديم

[محمد السالم]

ما عـاد ينبت قصيد .. وماتت أعشاب
والقـلـب مـا عـاد تاسعـه المحـاني

يغيب هذا الفضـا .. وتسكـر أبواب
والصمـت يتبعني بـ صمـت وأعـاني

من غبـت عني وكل الناس غِـيّـاب
بعـدك ولا فيهـم اللـي ما نسـاني !

بعدك وأنا ما بقى لي حـي مـا غـاب
ولا بقـى حـرف ينطـق به لسـاني

من غبت .. كل البلد بعيوني تـراب
أحجار .. لـو كـان سمّوها مبـاني


من غبت .. كن الحفر بعيوني تـراب
أحجار .. لـو كـان سمّوها مبـاني


من غبت ..والقلب يركض لك ولا شاب
يضوي لك أقمار .. وأحلام .. وأماني

مـن علمك تقفـل الدنيا ورا الباب ؟!
ما غيـر طيفـك غرستـه في مكاني

كنّـك تسمّرت واقف بين الأهـداب
طيفـك معي .. لإتجاهاتـك خذاني

دورت لك في خبايا ربـع وأصحـاب
في بحّـة الناي .. في حـزن الأغـاني

في ضحكة أمي .. وفي همسات الأقراب
في كـل حـزن الصحـاري والمواني

طيّرت لك من حمايم روحي .. أسراب
حطّـن .. ولا فيهـن اللي ما بكـاني

لك سيرة الغيم .. والصحرا لك كتاب
لك سحـر يملا الوجـود إحساس ثاني

كل المدايـن لشوفـك ترخي أرقاب
ودروبهـا كلـها تبكـي عشـاني

يا غايب ارجع جفوني ربع وأحباب
والشعـر مـلّ الكتابـة والمعاني

ما عـاد باقي بقلبي نبض ما ذاب
لله در انتـظارك .. والثـواني

لله در الغـلا لـو ينبت أعشـاب
يمديك تعشـب وتزهـر بـ المحاني


لـ عايض الظفيري

نص قاب قوسين أو أدنى من الدمع
فقط إقرأه بقلبك

أبو تركي

عايض هو من قرأ قبولنا قبل أن نقرأه

شكرا لك حدّ السماء

[محمد السالم]

عبدالله عطيه الحارثي , مبدع في كل شئ ,


اشتقت لقصائده , وغيااااااابه طال عن ساحة الشعر


بل طال جداً جداً يامحمد ,


وشوقتني لابا هديل يامحمد , ^_^



سأتابع مجلسك , وسأحرص على الإستلذاذ برائحة الهيل ^_^


الغالي سعيّد موسى


مرحبا بك أيها الحبيب

قريب جدا جدا سيعود أبو هديل ان شاء الله


لك التحية

[محمد السالم]

جت بأول الشارع و(جفنى) بين سجْده واعتدال=ومرت وذابت بى قبل.. تسجد من الجفن شعره

تجر..ثوب.. الغطرسه.. والعنجهيه.. والدلال=تمشى تقل تمشى على.. شىٍّ تخاف تكسّره

ساق يعزم ساق /وخصر/ ان مالت السيقان مال=ينثر (عناقيد الغنج).. والشوف.. يتليه بشَرَه

حتى ( الرصيف) استانس لخطواتها فوقه..وطال=كل ما وطت حجر.. (غمز).. للى وراه.. يبشره

شربت زمزم حسنها.. حتى سكرت من الجمال=مثل الذى ما شاف خير..او شاف.بس استكثره

وظليت( لا نايم) واقول:.. اسرفت يا حلم بخيال=ولا واعى اشهد غيرها.. ما خلّفت (حوا) ..مرَه

تكلّفت .،.عبث،.. تبى تستّر...(بغربال)..شال=ولا كلف الله.. نفس ذاك الشال... فوق المقدره

وجهٍ.. تنفس به صباحٍ.. من صباحات الشمال=اصفى من الطيبه بياض..ان ما تنرفز.. احمره

تفاحتين..ليا ضحكن،.. قل مات سوق البرتقال=وليا بكن،..توردت مكانهن.. الف ثمره

وتوتٍ.. طغى..واستفحل..وعاث بشفايفها زلال=تستطعم.. ليا بلّته ( بالريق)..نكهة سكره

و(ثغرٍ).. يحج الشوف غصب لقبته من غير بال=الله يرحم.. من لمس ركنه.. ومن حب حجره

و(جفن) ان تثاوب زلزل العقل ونفش عهن الهبال=تقوم..بالروح القيامه... قبل ما.. تستغفره

وهذا لحال ، ..و (قدّها) المنحوت من جوهر لحال =سبحان من قال..( لعجينة طينها).. كن جوهره

تقفى..( بردفٍ ).. ما تقول الا تقل ينده .. تعال=وتقبل..( بصدرٍ )..ما تقول الا..من اللى زرّره

والثوب ..ما كنّه مصدّق..تلبسه..ابن( ال..حلال)=حتى.. حضنها حضنةٍ..يا( علّ ربى).. يقهره

حسنٍ سفك.. دم الانوثه..وانتهك..عرض المحال=ومن( كفّها الغض).. انتهض.. نورٍ...تكاسل اكثره

جت بأول الشارع.. ولا ادرى.. عقبها من لا يزال=ما يلقط انفاسه..ولا عقله..ولا... غض بصره

هذا وانا.. ما شفتها الا..بين.. سجده.. واعتدال=من جفن.. يقسم غيرها..ما شافت عيونه.. مَرَه


لـ نايف الرويلي

[محمد السالم]

في عز ماكنت اهوجس فيك وافتح لك =ابواب قلبي خذتني رجلي لبابك

وجيتك وانا مذكر اني كنت رايح لك=بس اذكر اني كذا لاطول غيابك

ياما ترددت مدري كيف بشرح لك =اجيك وارجع ابيك تقول وش جابك

يابن الاوادم ترى مليت المح لك =انا اعزك واحبك واعشق ترابك

لاضقت اضيق ومتى ماتفرح افرح لك=ولاغبت اموت ومتى ماشفتك احيا بك

ان كان ودك ترسيني على كحلك =لميت عمري وخاويتك على اهدابك

لكن قبل تنجرف حبيت اوضح لك=مستقبلي في يدينك واعمل حسابك

لو ضاع مستقبلي مانيب سامحلك =يكفيني الماضي اللي ضاع باسبابك





فهد المساعد

[محمد السالم]

اسبانيا والحـزن والمشـوار=وأمجادنا اللي تجهل التمجيـد

وأصواتنا اللي ملّت التكـرار=وأصدائنا اللي تعشق الترديـد

والمدخنـة والمدفئـة والنـار=والجمر والجرح القديم جديـد

ومظلتي والليـل والأمطـار=والكرسي الهـزّاز والتنهيـد

والنافذة ويـدٍ تزيـح ستـار=وبخار أنفـاسٍ تزيحـه ايـد

والمعطف اللي له ثلاث أزرار=وقصة وشاح وخصلتين وجيد

والشمعـدان وطاولـة فُخّـار=والهـم والساعـات والتنكيـد

وأوراق مكتوبٍ عليها اشعار=واسمي و(أحبك أنت بالتحديد)

وكاظم يغنـي رائعـة نـزار=(ممنوعةٌ أنتي) وأنـت بعيـد

والقصر والبستان والأسـوار=وأيامنا اللـي مابهـا تجديـد

والشرفة اللي كلهـا أزهـار=منظر يذكّرنـي بيـوم العيـد

والغابة الخضراء والأشجـار=وعصفورةٍ ما ملّت التغريـد

ومدينةٍ تزهى بهـا الأنـوار=والريف وكروم العنب والبيـد

والقُبّة اللـي تلفـت الأنظـار=والضيقة اللي كل يوم تزيـد

رغم الغياب وقسوة اللي صار=هذي دمـوع العيـن للتأكيـد

قرّب هنا قرّب بدون أعـذار=ما دمت أحبك أنت بالتحديـد

ليتك تجي مدريد بإستمـرار=وأشوفك بعيني (وأجيب العيـد)

وأقول لك: سلامـة الأسفـار=وأقبّلـك ونحـط ايـد بإيـد

ونجلس بقرب المدفئة والنـار=لو كنت أنا وياك في مدريـد

http://video.tiscali.it/canali/truveo/493_4286493162.html






عنان عامر الدحابيب

[محمد السالم]

تلطم الريح صدر النـافذه وتْهَـدا=ويستمر الضجيج بداخلي ما يحـيد

كن هالكون شـباكٍ يرد الصـدى=يكسر الريـح لكن ما منعـها تزيد

يالشبابيك ضيـّعتي زجاجك سدى=شوفي الريح تمرح في بيوت القصيد

بين حسن النـوايا واعتـماد الردا=ما خطر في حسابك منهو المسـتفيد

اصرخي ريح ..مادام الخريف ابتدا=اعبثي في الدفاتر والبثي في الجريد

ارهـبي هالـنوافذ كـلها ما عـدا=شـرفتـيـنٍ هدبها يسـقي البيد بيد

اصرخي واثبتي لي كيف مالي جدى=غـير املّ الكـتـابه واتأمّـل بعيد

اثبتي:العـمر ماله غير قولة(غـدا!)=كنه الـعيد مالـه غير قولة (سـعيد)

واثبتي: الـليل لاقبل صار ماله مدى=كل ما راح نـصفه يبـتدي من جديد

غنـي الـحلم جعل الواقـعيـه فدا=لثغة الريح لا مـرت بـشاعر وحيد

خلف حسد النوافـذ واقفٍ مـا هدا=يرسم الجيد عقد ويرسـم العقد جـيد



لـ فهد المرسل

[نواف التركي]

هناك شاعر كسر البيت ليستقيم المعنى ..!!

أيّهم هو ؟

قناعته بـ أن الساحة والمتلقي أقلّ من أن تستقيم له ..

يقول صديقي : هذا هو الشعر وسحقاً للمتنطعين ..

ويقول صديقي الأخر : تأخذنا العزّة بالإثم فنقتل الأجمل ليستقيم الجميل ..

في مقطوعة تفعيلية للبدر ..
خرج عن تفعيلته بإرادته لـ يكون الأجمل هو الحاضراً
هي مغناة بصوت أحد الفنانين ..

بعد شد وجذب
إتفقنا
إن كان البدر من فعلها فهو يخبرنا أن لا عزّة أعلى من الشعر
وإن كان الفنان من أضافها كـ إتمام للكوبليه فقد إرتقى مرتقاً صعباً بروحه .

[محمد السالم]

هناك شاعر كسر البيت ليستقيم المعنى ..!!

أيّهم هو ؟

قناعته بـ أن الساحة والمتلقي أقلّ من أن تستقيم له ..

يقول صديقي : هذا هو الشعر وسحقاً للمتنطعين ..

ويقول صديقي الأخر : تأخذنا العزّة بالإثم فنقتل الأجمل ليستقيم الجميل ..

في مقطوعة تفعيلية للبدر ..
خرج عن تفعيلته بإرادته لـ يكون الأجمل هو الحاضراً
هي مغناة بصوت أحد الفنانين ..

بعد شد وجذب
إتفقنا
إن كان البدر من فعلها فهو يخبرنا أن لا عزّة أعلى من الشعر
وإن كان الفنان من أضافها كـ إتمام للكوبليه فقد إرتقى مرتقاً صعباً بروحه .


ربما مع أني لم أعثر على ماعثرت عليه

وربما إنه مثل ما أتفقت عليه أنت وصاحبك يابو تركي

[نواف التركي]

شِمْ ياحبر..عن كل مايخدش حيا الصفحات شم

..........................، ياما..إساءة فعل...تاتي..من ورى أمن العقاب





مسبارك الحشمة..ومسيارك لروسٍ ..تنحشم

.........................لا ترهي الشرهة على عيونٍ...تَهَجَّاك..إرتياب





هل غادر الشعراء...صبّات الحماية...والدشم

.........................[.ومجمعات الشعر.]..للإرهاب عرضة والخراب





باطلال خولة ريحة المعمول والجرح استشم

.............................واضيق منه بخلوتي واقول أمام الناس طاب





يادار ميّة...كان فيها بنتكم..[.رزّة.]..خشم..!

..............................اعناقنا....قولوا لها...يامي...تعلو...للسحاب





نقرا الوجوه...وندرك اللكنة...ولا حنّا غشم

.........................وندري البسوس أسعد كثير بموت ناقتها سراب





لاطالت..ايدينٍ.... يلوح بها من الظاهر وشم

...........................ان كان به..تذكار..قلبٍ...له من الوانه نصاب





وياليت هند...إمْـفـَهّـمـَهْ..إن.[.العتب قد العشم.]

.............................ولجل..العشم معدوم..قطعآًَ يلتغي مبدا العتاب





ودّع..هـ ـريرة..وانت شامخ مثلما الطود الأشم

.............................مادام حتمي ياخذك...درب الحسوفة...للغياب





شِمْ ياقلم عن كل مايخدش حيا الصفحات شم

...........................عند البسوس أجمل خبر تصويب ناقتها سراب


لـ نديم الفرقدين

مصعب الشمري

[محمد السالم]

شِمْ ياحبر..عن كل مايخدش حيا الصفحات شم

..........................، ياما..إساءة فعل...تاتي..من ورى أمن العقاب





مسبارك الحشمة..ومسيارك لروسٍ ..تنحشم

.........................لا ترهي الشرهة على عيونٍ...تَهَجَّاك..إرتياب





هل غادر الشعراء...صبّات الحماية...والدشم

.........................[.ومجمعات الشعر.]..للإرهاب عرضة والخراب





باطلال خولة ريحة المعمول والجرح استشم

.............................واضيق منه بخلوتي واقول أمام الناس طاب





يادار ميّة...كان فيها بنتكم..[.رزّة.]..خشم..!

..............................اعناقنا....قولوا لها...يامي...تعلو...للسحاب





نقرا الوجوه...وندرك اللكنة...ولا حنّا غشم

.........................وندري البسوس أسعد كثير بموت ناقتها سراب





لاطالت..ايدينٍ.... يلوح بها من الظاهر وشم

...........................ان كان به..تذكار..قلبٍ...له من الوانه نصاب





وياليت هند...إمْـفـَهّـمـَهْ..إن.[.العتب قد العشم.]

.............................ولجل..العشم معدوم..قطعآًَ يلتغي مبدا العتاب





ودّع..هـ ـريرة..وانت شامخ مثلما الطود الأشم

.............................مادام حتمي ياخذك...درب الحسوفة...للغياب





شِمْ ياقلم عن كل مايخدش حيا الصفحات شم

...........................عند البسوس أجمل خبر تصويب ناقتها سراب


لـ نديم الفرقدين

مصعب الشمري


كريم يا بوتركي على هذه الإضافة المثرية بالفعل

لهذا الشاعر الفحل


شكرا لك حدّ السماء

[محمد السالم]

ياللـي تقـول اسكـت وانـا بقـول =صبرك علـي لـو تختلـف الأقـوال

سافـر معـي للـواقـع المجـهـول= مجـهـول للعـقـال والـجـهـال

واسمح لي اطلع بـك مـن المعقـول= لكن هـو الواقـع علـى ايـة حـال

والسالفـه ماهـي مــن المنـقـول= مـاكـل مايسـمـع كــذا ينقال

علـى العمـوم اقبـل مـن المقبـول= وماطال يقصر غيـر طـول البـال

وكـان الحكـي حكيـاً بـلا مدلـول= يقـل ملـح الهـرج لامـن طــال

لاقـصـة العنـقـاء ولا بـالـغـول= قصـة رفيقـا لـي ماهـي دهـوال

فعايلـة منـهـا العـقـل مـذهـول= وسوالفـه تضـرب بهـا الأمـثـال

مـاهـوب لاسـائـل ولا مسـئـول= وان قلت فيـه اهبـال فيـه اهبـال

يـقـول لامـنـه بـغـى ويـطـول= وان مابغى قصّـر عـن اللـي قـال

الى زهمته عـرض جـا لـك طـول= ياحـي ذا الفـزعـة وذاك الـفـال

قلبـة جسـور وسـاعـدة مفـتـول= في الهوش تنطـح بـه ميـة رجـال

يصيـر لـك كالجنـدي المجهـوول= واذا لقـى الحيلـه عليـك احـتـال

يبـدأ الحديـث بهرجـه المعـسـول =وينهـي كلامـه مادريـت اشـقـال

كنـه علـى درب الوعـر مجـبـول= تلقـاة فـي غيـر الـقـدا يجـتـال

يصول دايـم فـي الخطـاء ويجـول= واذا نصحته قال : كيـف الحـال؟

لو صحت في اذنه قال : ويش اتقول ؟=مايسـمـع النـاصـح ولا الـعـذال

راسه مـن اجنـون الطنـخ ماهـول =لو كان مافي الجيـب ربـع اريـال

عليـه يقبـل حـول واقفـى حـول= والحـال ماهـو للصديـق بـحـال

يقـول : مـادام الجـمـل معـقـول= ليـش اتـوكـل واعقـلـه بعـقـال

عـود , يـردد بالـنـدم لاحــوول= ضـاع الجمـل بالحمـل والجمـال



لـ زيد الحسناوي

[محمد السالم]

تقول مريم عسى لك بالليالي مقام = وأقول كان إستجد الوجد ماني مقيم

يا مريم إن كان ما تطرب غصون الحمام = فلا تهزّين عذق الذكريات القديم

في قلبي جروح وفـ / عيني بقايا كلام = وإنتي رميتي وجتني رميتك بالصميم

فإن طحت سترك علي عن الشّمت والملام = ماني بناقص عيون الشامته والخصيم

لا فزّ قلبي عليك ولا جفيت المنام = ولا تبعتك ولا هب الصبا والنسيم

العابرين بفضاء الله قومٍ كرام = لذا فـ / كف الزمان بغربلتهم كريم

لو يسكنون الأراضي روسهم فـ / الغمام = متوحدين الشعور بـ / هالزمان السقيم

دعيني أدعو ثلاث أيام عدّ وتمام = وأقلب ردائي وأناجي علّ تمطر بديم

وإلا إسقي عروقي الذبلى بكاس الغرام = وأنفخ لك الروح في عظم الكلام الرميم

وإن قلتي الدرب شام أقول ماهو بشام = ولا مقامي معك بين الرُكن والحطيم

جيتي من الـ لا مكان وجيت عبر الزحام = ولا أنتي العذرا ولا آنا النبي الكليم

أنا فقط شاعرٍ يهوى يصب المدام = فـ / قلوب تثمل على كاس الشعور الحميم

فإن خيّم الليل كنت النور عبر الظلام = وإن طال مسرى تعكّزت الغنى للسديم

معي معي لين أحط قلوبهم في سلام = وأسلّم الصبح ذنب البارحه وأستقيم

فيني من الغي شيٍ ما ينوش الحرام = وفيني من الخشيه الشي الكبير العظيم

ربي عساني أكون لمتّقينك إمام = وأعوذ بك من لواء أهل الشعر للجحيم

قد كان يامريم بصدري مواجع كلام = وأخترت يبقى وجعها في ظلوعي مقيم

فإن إستدرتي فـ / هوناً كلنا للعدام = وإن إستخرتي فمن عرض البشر والحريم





لـ نواف التركي

[محمد الغشام]

خبزة احساس الفقير.. لشاعر خلف الكريّع..
:

علمتني المترفه : وشلون احس اني ثري
_____نصبّتني عرشها ،، ونصبّتها عرش الحصير
بس انا .. علمّتها بصدقي واصالة جوهري
_____كيف يحتاج الغنّي .. لخبزة احساس الفقير
اشعلي يا نجمة العشاق ليلك – واسهري
_____امشي بنفس الطريق .. وجرّبي نفس المصير
وبلّغي صادق تحياتي / لحزني ، وقهري
_____يوم كان الشوووق لا يرحم .. ولا عندّه ضمير
وان تعبتي من دروب العشق واضناك سفري
_____اذكريني .. تستريح : الريح / ويطيب : المسير
واذكري .. تاريخي الموؤود بانقاض دهري
_____شهقة : الخطوه ( الأخيره ) طيحة :الحلم ( الكبير )
رحلة آمالي .. فتات اوراقي .. اطلال صوري
_____سكرة اشعاري .. رماد ضلوعي .. احساسي الوفير
وغدرك اللي .. ما احترم صدري ، ولا صان ظهري
_____وطعنة ٍ من يومها ما مرّت ايامي بخير
طيري بسرب امنياتك .. واوصلي للمُشتري
_____وانثري خواطرك في واحة الليل الضرير
اذبلي .. وتساقطي .. وتكسّري .. وتبخّري
_____وامطري على جدار الذاكره / كحل وعبير
سولفيني للبنات اليا تقصّوك خْبري
_____لا صدح ضحك العذارى وجلسن حول الغدير
كان .. يا ما كان ..... / وتغصّ الحروف ، وتنقري
_____ ( سالفة حزني ) بصفحة خدك : الدمع الغزير
كان شاعر – غير – لا ابو الطيّب ولا البحتري
_____كل ما قال : آآه .. جمهوره من الفرحه يطير
كانت افكاره : كنوز ٍ توهب وما تنشري
_____يجتمع على موائدها المشرّد ، والأمير
اصبعه لا من كتب على ال/ ثَّرَى .. يُصبح / ثََرِِي
_____كيف اجل لو ينظم ابياته من خيوط الحرير ؟
كان .. يا ما كان ..... / ويسافر سرابك لنهري
_____وتشهق بصدرك طيوفي من ورا ضلع ٍ كسير
فارس ٍ باسه شديد ، ويسكنه قلب ٍ جري
_____ولا رزَقه الله حصان ابيض ، ولا سيف ٍ شطير
سولفيني وان تغشّتْك الدموع ، اتذكّري
_____يوم كان الحلم نهر .. وكانت عيونك هدير
ويوم كنت آخاف ما يعجب عيونك مظهري
_____وانحني منشان ما يفضحني الثوب القصير
اسألي كل الشوارع ، والحدايق ، واظفري
_____كيف كنت بكل يوم اهديك ( باقة ورد ) غير ؟؟
كنت اوقّف بآخر الشارع .. واراقب .. واحتري
_____لين يهدا الجو .. وانتقّى لك الورد النظير
كل ما امر بْرصيف يقول : خلّصت زهري
_____وكل ما اقطف ورده .. اللي جنبها / منها : تغير
اسألي شباكك الوردي .. وش اردى بنظري
_____لا قعدت الف قبلة بيتكم كني غفير
كنت احاصر غرفتك بجيوش عيني وبصري
_____كن لي عش ٍ بشباكك وكن العين طير
آآخ .. لو عشتي انتظاراتي ، وشفتي منظري
_____لا سألني جاركم : وش بك هنيّا تستدير ؟؟
و المصيبه – دايماً عذري : مضيّع دفتري
_____يبتسم ، ويروح – وانا مصدّق انْ عذري خطير
و ، بس يدخل .. اسمعه يضحك بصوت ٍ مُزدري
_____( حنّا بالعطله ، وصاحبنا على الدفتر سهير )
اسألي الجدران .. عن خط ٍ عجز لا ينقري
_____علّم الجدران ( مالم تعلم ) فبوح الضمير
اسألي امي .. عن كدر بالي وضيقة خاطري
_____لا سألتني: يااا وليدي وشبك ؟؟ .. ورد الزفير
السواد اللي على جفوني من آثار سهري
_____لو عرفتي كيف كحّلني به .. الليل المرير
كنت لا جا الليل .. قلّطته على الجفن الطري
_____لين نصّبني السهر لعيون خلق الله سفير
وان نفاني للسهر يا مترفه – حكم قدري
_____هالسهر يا ما نفى لي من ضحاياه الكثير
والبياض اللي تشوفينه تنامى بشْعري
_____من مظاليمه : هلال اعرج / ونجم ٍ مستجير
يا رُفات الطيش في تابوت الاحلام البري
_____من خذلني بالبدايه .. كيف اصونه بالأخير ؟
ما بقى لك غير بعضي .. واستميحك باكثري
_____ضاع .. مثل النور لما ضاع عن عين الضرير
مثل ما ضاعت عصافيرك عن اغصان شجري
_____مثل ما ضاع الامل عن صبح شباكي الصغير
وما بقى لك غير سالفتي .. وشعري ..وصوري
_____سولفيهن للشموع الحمر .. والفرش الوثير
للستاير .. للأساور .. للحاف السكّري
_____للهدايا .. للتحف .. للمزهريّه .. للسرير
واوعدك .. وقت الحصاد .. اتجاهل الجوع / العُري
_____بس لاجل اكتب حروف اسمك بحبات الشعير
ولاجل اعلّم هالزمان المستبد العنصري
_____كيف يحتاج الغني لخبزة احساس الفقير !! :
: