بعض العرب في لسانه ياكله حكـــــــــــه

[فهد محمد الدوسري]

بعض العرب في السانه ياكله حكه=والى هرج هرجته زوراً وبهتــاني

يبني كلامه على الحيلات والشكه=يضحك بوجهي والى قفّيت يقفــاني

حتى لو أني مسافرناصي(ن) مكه=يقول سافر يبــي كـــازا ولبنــــاني

وانا ماجبت الثقه من مجلس الدكه=ولاني بحاجــه لمــدح فــلان وفلانــي

عيني مراتي واعرف الطيب له سكه=وامشي على درب ابوي ودرب جداني

ولالي هوايه مع اللي يلعب الاكه=ميــدان لعـــب الورق ماهـــوب ميـــداني

أنابـرايـي اعقــد الحبــل وافكــه= احســب احســـاب الخـــوي واقـــدر العـــانــي

وباب النصيحه من اهل الطيب ما اصكه=ان جت من ابعيد وان جتني من الداني

واللي كلامه يجي كالدبس فالعــكه=مااقبــل كلامــــه ولـــو حتـــى من اخـــواني

الله خلق فالجزيره ناس مشتكه=والاصــل مــابين قحـطــانـي وعــدنـــانـي

المجلس اللي يجيب الضيق والتكه=اصد والقـا بدالـــــه مجلـــس(ن)ثـــانـــي






فهد محمد بن دمشق الدوسري

[عبدالله العويمر]

فهد




صح لسانك







دمت بخير

[أسمى]

ياسلااام ياروعة حكي الرجال الرجال.




صح لسانك أخوي.

[نواف التركي]

وباب النصيحه من اهل الطيب ما اصكه
ان جت من ابعيد وان جتني من الداني
واللي كلامـه يجـي كالدبـس فالعكـه
مااقبل كلامه ولو حتى مـن اخوانـي
الله خلـق فالجزيـره نـاس مشتكـه
والاصـل مابيـن قحطانـي وعدنانـي
المجلس اللي يجيـب الضيـق والتكـه
اصـد والقـا بدالـه مجلس(ن)ثانـي




الله يبيض وجهك


وصح لسانك


رائع يا فهد

[عبدالله ثويني المانع]

..

فهد الدوسري .. أهلاً بك
نص محكم البناء شكلاً ومضموناً
يسمو بفكر قارئه إلى الحكمة
والمعاني الطيبة التي تعطر بها هذا
المتصفح ..

فهد .. لك الشكر والتقدير



أرق التحايا لقلبك

..