بوح....ي ؟!

[عبدالله صلال العساف]

ابلوزة القطن مسروره؟؟
بكتّانها ذاب كتانه
نامت على صدر امّوره؟
من لعبة البرد ربحانه
في زاوية صدْر محصوره؟
تاكل وتشرب من اغصانه
تسها وتستعذب الصوره؟
وهالثغر كم لاكه إلسانه

[عبدالله صلال العساف]

اشّرت عالقمر قالت تشوف ال هناك؟
قلت اشوفه ..وقالت ماتحس اشبهي؟
قلت لوهو تشابه مع سناك وبهاك
انتي بأهداب عينك عالقمر ترتهي

[عبدالله صلال العساف]

صراحتنا بعين واحده
لاننا نطبقها على من نكرهه....فقط

[عبدالله صلال العساف]

تضاريسي تشابه مع جبل سنجار
واعرفك هم مثل سنجار يافايز
ابي اسألك ليه درب السفر مو بار
وليه حلم الفقارى دايمٍ عايز

[عبدالله صلال العساف]

مادامت الذكرى وطن للمقفين؟
ابيك تمسح هالوطن من حسابك
امنين ابدى في عتابي ولاوين؟
اتركني ساكت وإلإتحف في غيابك

[عبدالله صلال العساف]

حببك وين؟؟

سؤال ينقض اجروحي
وروحي اتعاتب ابروحي
حببك وين؟
اسال والجواب ايضيع
بن الونه والونه
وتتيه الدمعه بعوني
واتيه ابواقعي المجروح
تجي..؟؟
والا مع الاحلام يا اغلى حبيب اتروح
سؤالي ينثني بالروح
ولا القى صدى او رد
جوابك وين؟
كلامك وين؟
لاجزرك جرح جالي
ولا عانق اجروحي المد
وانا الل اهديتك ايامي ...بباقة ورد
اذا غيري سكن قلبك
خوذ اعيوني ال دربك
شموع ان اظلمت دنياك
حبيبي يامناي انته
اذا ليل الشتا زارك
خوذ اعيوني ابسكته
ولا تسال
انا بعدك شبي بالعين؟؟
خوذ اللي تب خوذه
انا كفيني اصير إلفرحتك نوته
تجرّحني
وتغنيني
والا إلموقد النسيان
ترميني
انا بس فرحتك بالدنيا تكفيني
حيره تنده ابحيره
واضل محتار
تبيني او تبي غيري
سكوتك ياحبيبي نار
حبيبي والزمان اهداب ....واهيونك عناويني
على أي جال رسيني
ابي ارتاح
لا تتركني بين وبين
صمت الناس يسالني
وروحي تسال اجروحي
حبيبك وين
لا تتركني للحيره
مثل دمعه نفتها العين
تراني انطرك للحين

[عبدالله صلال العساف]

كم واحدٍ في سكة البعد ماشيك؟
ولا مشا في سكة البعد قلبك
واللي تساما زيفهم في حسانيك
شف صدْقهم خجلان من صدق كذبك

[عبدالله صلال العساف]

اقصر اعنان السالفه بين اشافيك
ولا ترمي ابرحى الحكي كل حبّك
شوف ابمرايا الحرف صورة معانيك
وثم إلتقط مـن هالـثمر مايـعـجْـبك
قامت تفيّا هالسطور ابدواليك
والريح جت تاخذ هوى من مهبّك
ابدا الحكي والفضفضه وصب شاهيك
هالصبح زادت روعته من مصبّك
ماتغري اطيور الصباح الشبابيك
واغواها وأوغلبه صباح انـسكـبّك
تسها ويقطع طيف الاحباب وش فيك؟
تسها ويقطع حبل الافكار وش بك
توغل بك الطيبه وتضعف مباديك؟
وتفضح عون التجربه من هرجـبك
تفتح اربوعك موطنن للحواليك
وتنفيك عن مرباك ناس اسكنتبك
كم واحدٍ في سكة البعد ماشيك
ولا مـشا في سـكـة البعد قـلـبك
طيرك شلع والعش مابين اياديك
واليوم عوّدلك ابرفٍ غنصبك
ياطير حرفي لا تخلّي حباريك
أوغل بهن لعيون منهو غنصبك
نحث خطوات اللغه ابهالمساليك
ياحرف كل شاعر صحيح انعسفبك
ما فيك هذا الشعر مافيك ما...فيك!!
طالع مساحات الكلام ازهرتبك
واللي تساما زيفهم عن حسانيك
شف صدقهم خجلان من صدْق كذبك