بوح....ي ؟!

[عبدالله صلال العساف]

صاير بقايا منك بس يابقاياي
متى تجمّع هالشتات بسلاسه
ادوّرك وايد هنا وانت جوّاي
دوّر ع ابوتمام بأرض الحماسه
تضحك وتوعدني ورى العيد بيباي
واثري الوعد نكتة دلع في سلاسه

[عبدالله صلال العساف]

اشوف الطاوله عانت من التقنين؟
ورى المقهى تقلّص والهوى جبلي

[عبدالله صلال العساف]

لا توقظ الناي ...خل الناي لاشجانه..؟
مادام كل مابكا ..ماحزّلك خاطر..!
البارحه والكفوف البيض بردانه..؟
وهتّان هذا السهر برْباه متقاطر..!
راحت تحرّا الدفا بقلوب خلاّنه..؟
ولا لقت للاسف بفياضها ماطر..!

[عبدالله صلال العساف]

نامت اعيون اصحاب واقراب واحباب؟
وتناسو اعيونن غلاهم يهمّه
مامرّت اكفوفك على اخصور الاكواب؟
وقامت اكفوف البعد في هالمهمه
الطاوله تشره على كرسيس ذاب
والورد دوّر عن شذا من يشمّه؟

[عبدالله صلال العساف]

صاحبك حن الطريق ..إل خطوته
هلّت الوحشه على اطرافه..وبكاك
جى وراح وهالملا ما خلّته..
كن لسان احوالها يصرخ..هذاااك
اصبحو منديل ينطر دمعته
كنّها لكن فضحْه...الارتباك

[عبدالله صلال العساف]

مدري من الفنجال..او..من عيونك؟
يشرب شعاع الشمس..صوت العصافير
آآآذوبّ..بك كل ماتلعثم اجفونك؟
منّي خجل لا قتل...صبّحت بالخير

[عبدالله صلال العساف]

في عيون الشماته من اقترحْك.؟
اكتمل هالنّصاب ..ابدمعتين..!!
كل ماتاثق ابواحد جرحْك..؟
كنّهم عالرّدا متواصيين..!
حلْم غزه تحطّم في رفحْك
فييك فاشل نظام الدولتين..!

[عبدالله صلال العساف]

حبيب عمري لا جفنّك اراضيك؟
تعال ..تلقالك وطن في عيوني