درايش..

[منتهى القريش]

البارحه
شفتك حلم
صحيت أدورني عليك
ما لقيت
إلا بقايا لهفتي
ترسمني كلمه بين ايديك

[منتهى القريش]

حتى اتصالي ..
أصبح مجرد إحتمال
فيه شي؟
يااااااااااااااااه
اشكثر يجرح هـ السؤال
إيه فيه شي
مشتاقه لك ..
يعني اتصالي ما كان حي الله اتصال

[منتهى القريش]

ويش القصه
عيت تنتهي الغصه

[منتهى القريش]

تناديني!
تريد تسأل عن اخباري
ويش الطاري؟
أنا ما مت
ولا ظلمك قتل روحي
ولا بوحي
على الأوراق
يصور كل عنا اسنيني

تطمن
هنا طيفك .. معي باقي
صدى ذكرى
أكفنها بأمل بكره
وجثمان الهوى المقتول
شيعته بأشواقي
هنا باقي .. بأعماقي
تابوته شراييني ..

[منتهى القريش]

أبعتذر ..
وما تنفع أعذاري
على نفسي كثير اخطيت
ويا كبرها اوزاري ..

كل الذي سويت
ياما كثير اعطيت
ما كنت أتوقع
ابني انا سجني
واسكن انا وحزني
وتموت أزهاري

[منتهى القريش]

جرحتني
شكراً كثير
كل اللي أتمناه
انك تكون ابخير

[منتهى القريش]

علي اخطيت
وسامحتك
رغم الجرح
لا والله ما بعتك

[منتهى القريش]

هذي انا
كل العنا ابـ روحي
اضحك واتبسم
واداري اجروحي

ما اريد اتكلم
لو صمتي عذبني
اخفي الوجع والهم
والحزن يبعثرني
أحاول اجمعني
بين صمتي وبوحي