مسجات الفجر،،،اليها

[عبدالناصر الأسلمي]

ما نوّر اسمك حبيبي اليوم جوالي
مدري وتساءلت ليش اليوم ما نوّر
من عادته كل صباح وكل مسا ، جا لي
مية مسج من بعد مس كول يتكرر

[عبدالناصر الأسلمي]

عودتني تتصل دايم على رقمي
ولو يوم تنسى ترى تتبعثر ارقامي
دونك انا ضايعن ومضيعن اسمي
وبس تتصل ترجع لذاكرتي احلامي
http://www.muddn.com/vb/images/smilies/01.gif

[عبدالناصر الأسلمي]

انسى انساك وانام بغير حلمك
كافي بالحلم انا اشوفك والتقيك
مو حرام يكون غيري يشيل همك
لو تبي ثاني يقولبها عليك
http://www.muddn.com/vb/images/smilies/01.gif

[عبدالناصر الأسلمي]

متعمد ٍ والله ما أتصل فيك
ابي اشوف اتدق او ما طرالك
هذا مضى يومين والقلب يرجيك
ناطر تفرّح لهفته باتصالك

[عبدالناصر الأسلمي]

اوصفي لي نومتك يانايمة
هي مثل ما اظن والا كيف هي
اعتقد بك هالليالي هايمة
والنجوم تصيح من غيرتها " وي "
حتى هالفجر العذية نسايمة
مبتهج في نومتك واكثر شوي

[عبدالناصر الأسلمي]

اليوم الحلو شلونه
فديته وافدي عيونه
احبه بكل ما فيني
من اقصى العقل لجنونه
يا مـ احلى سهرة البارح
من اول ما بدا سارح
لغاية ما سحر قلبي
لغاية ما اشتعل لونه
فديت اللفة واللهفة
وفديت الخد والشفة
وفديت العين والكحلة
وروعة مسكر عيونه

[عبدالناصر الأسلمي]

شفت الغيوم وقلت والله استحالا
بين الغيوم وبين ماطا رشا فرق
لمست طارف غيمة من شمالا
ومثله جنوب وغرب واخرى من الشرق
لكن جسد خلي تباهى وتلالا
ومن نظرته هالغيم كف واحترق حرق
يافضة الوقت وذهبه اشتعالا
ياعيونج اللي مو فتوقٍ ولازرق
زيدي هالوى بالله حتى الثمالا
غرقيني وباشهق والوّح من الغرق
وبالله زيديني وصالك دلالا
واخذيني من دنياي حلٍّ لك السرق
وش قال محسن يوم جاه الخيالا
قلت برشا فوق اللي قاله من الطرق
مبسم هيا ؟؟ بس مبسمٍ له تلالا ؟؟
مبسم حبيبي يسحر الغرب والشرق
...... ...... .......
اعصر كفوفك في كفوفي وصالا
وزيد الوصل زيده تراها غدت برق
وكثف هميلك ما اطيق احتمالا
القلب فز لطلتك عرق من عرق
ما هي حكاية محسن ان قال لا لا
هذي حكايتنا لها بالهوى فرق

[عبدالناصر الأسلمي]

يسلم لي هالمنطوق يازين حرفه
ويازين كلماته ويازين معناه
اكيد يازينه اذا كان وصفه
نبرة حلا حبي وهمسة شفاياه
كن الذهب في حلو الاحساس حفه
يبهج احاسيسي والاشواق وياه