مسجات الفجر،،،اليها

[عبدالناصر الأسلمي]

ياحلاة الحب والدنيا معاك
يا امير الحسن يا الله عليك
ياحلاة الهمس رفرف في شفاك
واغنيات الحب تسبح في عينيك
شوف حتى الماي من زينك هواك
واغتـسـل ياصـاحبي ما بين ايـديـك

 

[عبدالناصر الأسلمي]

ياصاحبي خفف على قلبي شوي
ترى المحبة مثل عذب النسانيس
والله قلبي فز لك يابعد حي
لانك حبيبي والهوى والاحاسيس

 

[عبدالناصر الأسلمي]

كنت انتظر منك
مسج ولا جاني
حتى ولو رنة
من مشترك ثاني
وينك ترى بعدك
زود لي جناني
الشوق ياحبي
موتني واحياني
ليش الهوى قاسي
ليش الحلو جاني
عهد المحبة ابد
ما مرة صحاني

 

[عبدالناصر الأسلمي]

عشتك وصال وعشتني ليل هجران
والأسئلة تحتار بين الحياتين
مدري شسولف لك عن اشجان واشجان
غطت على كل الألم بالشرايين
بس حن علي واجسب وصالك لي احسان
والا انت ما مو ماخذ على فعلة الزين

 

[عبدالناصر الأسلمي]

حبيت اصبح عليك واخذ اخبارك
واقول ياحي صوتك يوم صبحني
شارك حبيبي فؤادي بفرحته شارك
ما احلى صباحي بصوتك يوم فرحني
احس هالكون فيك يعايد يبارك
وصوت البلابل بهمسك يووووووه
يذبحني

 

[عبدالناصر الأسلمي]

يالزين ابي اكتب لك كلامن يونّا
وكلمة عتاب حايرة بقلبي سنين
اذكر معي ايام كنت اتمنى
لحظة وصال تكحل الخين بالعين
من بعد حبك صرت قيس المعنى
وما كان قيس بيوم ضمن المجانين
هذي دموعي شهود بشجونهنّا
تروي حكاية حب ما بين قلبين

 

[عبدالناصر الأسلمي]

محبط انا يا حب من كلمة (اغليك)
كنت انتظر منك تجي ( ياحبيبي)
مدري شسوي بقلبي اللي غرق فيك
ومدري انتظاري يطول ولا قريبي

 

[عبدالناصر الأسلمي]

لا تحزن حبيبي وخلني وياك
هذا الكون كله بفرحتك عندي
لا تنزل دموعك تكفى واترجاك
من تنزل دموعك يلتهب خدي