رصيف الشمس

[رشا عرابي]

عساها جُمعِتَك خيره
ونور من الأمل يِغشاك

تِبَسّم وانفِض الحيره
ترى كِل العُمر يِفداك

[رشا عرابي]

على طاري الوله جيتك
بيديني من الفرح حفنه

خيالي مرافق بيتك
وداري بلهفتك، جنة
♡

[عبدالله صلال العساف]

يادرب العذر مريتك
ابعذر ن مستحي منه

ولو ماجيت تانيتك
هنا بضلوع ضمنه

[رشا عرابي]

ما جيتك أملا عيوني بشوفتك ضي
ولا جيت أبروي لك بقايا سوالف

جيتك فراغ (ن) يحتويك بكل شي
جيتك، خفوق (ن) ألجمته المخاوف

[عبدالله صلال العساف]

الشمس بعض احيان تحتاج للفي
ويحتاج لربوع السهل كل نايف

والدمع ميت بس له جسد حي
وأصبح من اكفان تلمناديل خايف

[رشا عرابي]

تملا طُيوفَك دنيِتي وألقاك بي " حيّ "
كلما التفَتّ ألقاك؛ والشوق وارِف

[رشا عرابي]

الأنامِل ملّت كفوف النّدى
مِرتِبك في راحِتي ايديني شَظاها

تِصرَخ بْصوتي ويِجرحني الصّدى
ما عَرَفت إن كان صوتي من صَداها !


http://www.7c7.com/vb/images/smilies/h27.gif

[عبدالله صلال العساف]

مالت اعيوني على برق ن بدى
من بعيد وحثت ابدربه اخطاها

سكة الاعذار ياسعها المدى
والرحابه ماتخسر من مشاها