رصيف الشمس

[عبدالله صلال العساف]

تسير عكس الاتجاه
بعض الحروف الموغله

قدامها يصبح وراه
لما الشعور يجفّله

[نورة القحطاني]

والعمر مايعرف أناه
يمضي وخطوه يشغله

ياكم تعلمنا الحياة !
نبض يجاوب اجمله

[عبدالله صلال العساف]

الناس ماتذكر خطاه
وهذي الدروب محمّله

ومناجل احلام الرّعاه
تشره عليها. السنبله

[رشا عرابي]

ﺳَﺄﻟﺘﻚ !
ﻟﻜﻦ، ﺇﺣﺴﺎﺳﻲ ﺟﻮﺍﺏْ ﻣﻮﺍﻓِﻖٍ ﺻَﻤﺘﻚ

ﺳﺄﻟﺘﻚ !
ﻭﺍﺟﺘَﻬَﺪْﺕْ ﻣﻦ ﺍﻟﺤَﻜﻲ ﻛُﺜﺒﺎﻥ .. ﻭﺃﻇﻤﺎ
ﻭﻣﺎ ﻋَﺮﻓﺘﻚ !

[عبدالله صلال العساف]

الورد دايم بالغلا ظالمينه
كل ماتلاقينا بغلا نقطف الورد

[رشا عرابي]

بين اللّقا والصدّ ضيّع سنينه
لعبة أماني وسايِس الحظ في [نرد]

[عبدالله صلال العساف]

ياما ذبلت بكفوفنا ياسمينه
وساعي بريد الورد متنطّر الرد

[رشا عرابي]

ساعي البريد إنسان خبّا أنينه
بين الدروب ينوب ما ضرّه الصدّ