فقير ..

[محمد الكحلاني]

.
.
.

http://www.alrawnq.com/images/f8eer.jpg


وُلِد يتسائل /.. وينشد عن آخر بسمـة الأطفـال
___________ كساه الهم .. مِن عمر " البذور".. وماتت الحيره !

تصلب في شرايينه نهر يجري ../ مـن الأهـوال
___________ وجفّت .. معْ تلاوة صمتـه الآسـي .. مقاديـره

عصف فيه الطريق اللي سلْكه وضاقـت الأحـوال
___________ وكن الشمس تغرب عن سمـاه وتشـرق لغيـره

تعلم يبتسم للجرح .. ويصنع مـن ألمـه رجـال
___________ ويتجاهل من العالم عيـون ٍ مـا بهـا غِيـره !

لك الله يا فقير افـ/ هالزمن مالك سوى الترحال
___________ تشق الأرض وتشوف الظلام .. اهون من الديـره

انا ادري بالعجاف اللي تخاويهـا وتبْكـي رمـال
___________ تخبّي وجهك المنهـك .. علـى كثبـان تبريـره

تحوّر هالمآسي وتنتفـض شامـخ كمـا الأطـلال
___________ وتفتن بالملامـح كـل معنـى صعْـب تحويـره

شطرت الحزن / تتقاسم عناه / وتهدي المدخـال
___________ عسى ترأف بك الأبواب وتفتـح بـادي السيـره

شعر فيك الجماد وضاق صدره وانحنـى التمثـال
___________ تفتت فـي عيونـك قبـل مـا تدمـع اساطيـره

ولا حولك سوى ظلـك يسلـي وحـدة التجـوال
___________ يكـرر لـك حكايـة حظـك الفاقـد لتفسـيـره

فقير .. ويحتضن يده العفيفه عن شـرور المـال
___________ يخاف مـن المظاهـر تكتنـز وتخـون تقديـره

عزيز .. ونفسه اللي تحرمه حتـى مـن الآمـال
___________ مشت فوق السكاكين السنينه وقالـت " الخيـره "


لقلوبكم ..

http://www.alrawnq.com/wrd.gif

[أمجد الدبيسي]

حجز 1

يا شعر

[عبدالله العويمر]

ولا حولك سوى ظلـك يسلـي وحـدة التجـوال
___________ يكـرر لـك حكايـة حظـك الفاقـد لتفسـيـره

محمّد
ومَسَاكِن الشّعْر والشُعُور بِك لاتَشْكِي مِن الغِيَاب

فقِيْر
غَنيّ بِالنّبْض ِ والحَرْف

جَمِيْل يَامحمّد

[محمد الكحلاني]

الجميل / أمجد الجهني

بانتظار عودتك ..

http://www.alrawnq.com/wrd.gif

لقلبك

//

عبدالله العويمر

تشرفت بوجودك هنا أيها النقي
شكراً لك

http://www.alrawnq.com/wrd.gif

حفظك الله ،،

[سلطان الوثر]

أهلاً بك يامحمَّد

هذه الصفحة كثيفة بالشعر
ومرصَّعة بالإبداع

لك الشكر كثيراً جميلا

[فاطمة ناصر]

فقير .. ويحتضن يده العفيفه عن شـرور المـال
___________ يخاف مـن المظاهـر تكتنـز وتخـون تقديـره

عزيز .. ونفسه اللي تحرمه حتـى مـن الآمـال
___________ مشت فوق السكاكين السنينه وقالـت " الخيـره


الخيره
الخيره
كما عهدتك تسلب الجمال جماله يا محمد
حرفك نقي وبوحك متفرد بالطهر
صح كلك ياراقي
ودي و وردي
:34:

[فايز بن جبيل]

عصف فيه الطريق اللي سلْكه وضاقـت الأحـوال
___________ وكن الشمس تغرب عن سمـاه وتشـرق لغيـره

محمد صح كلك وشكرا على اشراقة هذا البيت وهذا النص

تقديري

[عبدالله صلال العساف]

الرائع الكحلاني
لقد كحلت مآقي الورق
بهذا الشعر الجميل
وهذا النص الراقي