أخاديد الحرف.!

[خالد العزاب]

الشعر لايحتاج إلى أكاديميه ومدارس تربويه ؟


هي فطره ربانيه يضعها الخالق فيمن يشاء وله حكمته .!!


الاكاديميات التي نراها بين الحين والآخر ومن سنوات اين هم شعرائها ؟



ليس كل من تعلم تفعيلات البحور ومسمياتها اصبح شاعر !


اتاني احد الشباب المجتهد عرض علي ابيات لابأس بها إن كان على حد قوله يكتب الشعر من سنتين فهي لمثل تجربتة ليست سيئه " اوضحت له خلل في اخر الابيات وقلت له هنا حروف زائده اثقلت ابياتك والثقل يكسر البيت وزنً ايضاً البيت الرابع والخامس لايوجد ترابط فكري فيما بينهم "
قال بالعكس هذا صحيح فأنا خريج الاكاديمية الفلانيه للشعر النبطي وعلَّمونا بأن الحرف الزائد يكون بحرية القارئ :(

وكيف نضع فكرتين في قصيده مثلا ان ننتقل من الغزل إلى الفقر والحنين حتى وان حدث فجوه فهي حياكه حداثيه للشعر الحداثي ؟

ياحبيب ألبي انت يابو الحداثه



قبل ما يقوله لي هذا الشاب فـ/أنا مؤمن كامل إيماني بأنها لاتنفع شروى نقير مثل هذه الاكاديميات والمدارس ؟

قد تثقف في الشعر كـ/معرفة واطلاع ولكن لاتصنع شاعر جيد ولاحتى أقل من ذالك "





هم شددو له قبـل مايسبـر الغـور=من قبل مايفـرض علينـا نظامـه
هيهـات ياهيهـات يابنايـة الـدور=حطو على ظهـر البعيـر وسنامـه
قدامهـم حاكـم وساقـي وناطـور=وقصرً عظيم من الذهـب والفخامـه
يوم حظروا عاشو به سنين وشهور=وصاروا مثل تاريخ زرقاء اليمامه .!

[خالد العزاب]

تجهم ياحسين الوجه صافح بسمتين ونـاي=على الله يا معنيني وانا ما تبت عن حبـك
يلوذ الصمت في وجه الفقير ويحتزم بخطاي=وانا حالف الين اموت قسم بالله مـا أكبـك
احبك كثر ما مليت من حلمي وكذب الجـاي=احبك كثر مانسنس نسيم العشـق وِيِهبْـك
احبك كثر ماغنيت في شعري وصوت غناي=احبك كثر ماعادى خفوقي شخـصً يسبـك




طعنتيني وانا غافل عسى الله لايديمك حب
تردى خافقي ينزف وانا ماكنت متوقع َ!

[خالد العزاب]

جيتك على درب الغلا شوق وعتاب=جرح الغياب اللي جرح عمري سنين
جيتك وأنا في محجري دمعة أحباب=ماتت قهر من حر ما شافت العيـن
جيتك صويب وهدني قول منصـاب=مستبشر الفزعة وأنا خاطري شيـن
عانقت طيفك والعزى منـك يرتـاب=وسمحت في جرحن خذا منك جرحين
جرح الوفاء .. وبلسمه ما بعد طاب=ينزف حزن والويل ما بـه تلاحيـن
وجرح الكرامة لعن أبو الحب غلاب=ساد الشيوخ وسايرولـه سلاطيـن
قتل الأماني حـزن للـذات ينسـاب=وصرحك حياه وهمشتنـي عناويـن
أستيقظ بطيفك !! و أنا منك طـلاب=وأغفي و حلمي تحتويه الشياطيـن
استلطفك غيمه ..... تهملع بترحاب=وأستنشقك عطر ونسيـم الرياحيـن
ذابل وصوتي والرجاء كـان جـذاب=هو ضيعتي من أول الوقت للحيـن
تايه وأنا اطـرد بهـا خافقـن ذاب=وأطوي على طول المسافة تخاميـن
الفاتنة.. ودرب الغلا شوق وعتـاب=طول المسيرة و أرسمتني تلا ويـن
مستبعده قربي على شرفـة البـاب=ومستغربه رحلة عمر بين قوسين !










النص مغنى بصوت الفنان :تركي العبد الرحمن


http://net.arabsh.com/images/download.gif (http://arabsh.com/e06vkzb56vbs.html)



"

[خالد العزاب]

طيب لي متى ؟

لا قادر اضمك ولا قادر أبعدك
..........متعلقً مابين بينك وبيني .!!




حاولت أبنسى وأتناسى ولا أذكرك
حاولت !

لكن دمع عيني فضحني .!!




البعد جمر احساس والشوق طاريك= يغمر هدب عيني وأطالع وأناظرك
وأشوف قلبي فز من قبل يدعيك=ترك خفوقي وإرتحل لك وسافرك
مر الديار وشاف ماخطت ايديك =على جدار الطين اصدق مشاعرك .!!
هذا انا من يوم زلت حراويك = ماغير ابعثر في خيالي وابعثرك
يقطعك ياقلبي ويقطع مباديك = اسرفت في امسي وخونت باكرك .!!
جرحي وجرحي شي ماضن يخفيك = وانا رهيف احساس تبت مشاعرك

[خالد العزاب]

عندما يكون الوفاء عمله نادره
نستل من أعماقانا حسً دافئً لجوج يماري بين أكفنا ونغرق في صمتً خجول "
نبتسم للأوفياء المقربون "فقط لانهم انقياء ولانهم يحملون لنا اكثر مما نحمل لهم

رابح الغضيان أحد أولائك الشعراء الطاهرين القله "




الغرس بجوف الارض يحتاج للمي =والطيب بالتشجيع يثمر زياده
والناس ماتشكرعلى الموقف السي=وتعطي على طيب الفعايل شهاده
واللي فعوله في ظلام الدجى ضي=نشيـدفيه ويستحق الاشاده
ياخالد العزاب يامنهل الري=من روس قومن كاسبين الرياده
ثابت مثل عرنان شامخ مثل طي=ياسيدي وان كان بالطيب ساده
واضيف يالعزاب بيتن ماهو لي=بيتن من العرفان هذامفاده
من لايحطك تاج راسه وهو حي =عساه لفراش المذله وساده


رابح الغضيان

[خالد العزاب]

الشعر صوت احساس واحساسك الفي= يامكثرك لو احسدك بالعماده
والطيب معدن طهر ما يقبل الغي = فيه الصدور تهيم لحظة هداده
أهديتني طيبك وحملتني شي = أعضم من الاخلاص عند القياده
بيني وبينك روح ماتنكر المي= اسقيتها من كوثرك من براده ..
علمتني وش لون اغليك ياخي= وكبرتها في منطقي في فؤاده
سموك رابح وانت رابح ومَمْلي =حرً يجيب النافله من حصاده
فرقت عن جيلك وجيلك ولا شي= عند الرجوله والكرم والرياده

[خالد العزاب]

الكحل لامن سال لا تمسحينه = خلي مدامع هالنظر تكتب احساس
خليه يكتب للصدور الدفينه = فوق الخدود الطاهره حب وقياس
واليا سئلك الشوق غني سنينه = وانا معك لاقولها بَ أوسط الناس
هي طفلتي هي روح قلبي" حنينه= صوتي وشعري تاج عالي على الراس
هي مهجت سنين الغلا هي يدينه =لامدت ايهام المشاعر والأوناس
هي رقة المبسم وهي ياسمينه = لافاح ريح الورد من بين الانفاس
احبها حب الحضـر للمدينـه = عجزو يعيشون الفيافي والاطعاس
صوت الفقر حلق الضماء والغبينه= استدركوا برج الطويلات نبراس
مثل المغازي في كلام الفطنيه = يذعن لها شيخن وفارس وقباس
وكم واحدً في جوف صدره كنينه =هيجن وخطوا كل شعره بالأطراس؟
ذاق الفراق وشاف دمعه بعينه =على الهنوف الي لها كل نوماس
ان كنها بالصدر الله يعينه = جمره وتحرق كل شاعر وحساس
وان قالها زَوَدْ من البل طينه = عدو عينك لو تشمت به الناس
ياصاحبي ياسعود وسعود وينه =يابن العواجي وانت حرً وقرناس
لك صاحبً ياسعود مادري تعينه=اليا انتخاك ونخوتك مالها قياس
قلبي رجف ياسعود رجف المكينه=واضحيت انا ياسعود من دونه افلاس
ابو ثمان الثلج والخد تينه = موسم ربيع الشام وعيونه انعاس
والعنق عنق الريم عنق الذهينه= مابين قصر وطول والقد مياس
والشَّعْرْ كنه بالليال الثمينه = يوم الولد يدحم على الجمع وإيقاس
ياسعود شفني بين رمشه وعينه = دب الوجع في خافقي وانتشى الياس
لاوهني اللي يقبل جبينه = ويذوق من خمر الشفايف ربع كاس .!

[خالد العزاب]

بخاطري ودي اقول؟









ودي اقول ان الأمل ماله احساس
.....................لاعاش في صدري وقَبَلْ حنيني

ودي اقول الناس يامقشر الناس
.....................الي تصدق كذبة العدو فيني .!!ْ