أخاديد الحرف.!

[خالد العزاب]

احب خشم الطيـب واحـب راسـه=واحب روح الشخص لا صار بسلوب
واحب كل انسان مـن بيـن ناسـه= متواضع وطاهر وصادق و حبـوب
الفعل واضـح مـا يبيلـه فراسـه =ومن لا فزع حطو به الناس عذروب
قلبتهـا مابيـن كاسـه و كـاسـه =ولقيت بعض الناس ياحسين منكوب
الهرج واجـد والخساسـه خساسـه= الله يقطع شخص ماعاش بسلوب .!!








اعتقد ان الابيات السابقه فيها استطراد لشئ ما ،وقد تكون المحاكاه للذات اكثر من انها لشقيقي حسين ..
الجميل والغير مرضي للقارئ هو الإيضاح ، احب خشم الطيب واحب راسه اعجبني التشبيه لخشم الطيب
وراسه رغم انه لا يحق لي اعجابي بما اكتبه ، ليس الا رضاء ذاتي فقط وقد يكون تجسيد إلى خلقُ عظيم ..
وشكر كثيف واطناب غزير الى كل حبوب يقيمني و احب خشمه وراسه بالموده والعرفان لا عدمتكم يارب

ورده ..

[خالد العزاب]

محتاج افضض لكعن احساس فيني =محتاج ابشكي لك عن الهم و الضيق!
ياوينك انتِ آآه ياالنور ويني !!=فيني جروحً بالصدر فوق ما اطيق !!
هم خبروك الحين!! لو ماتبيني =باكر تذوق من الزمن لين ما تفيق!
رح قلهم بعد البطى لو ماتجيني=ماتت مشاعر روح شاعر و عشيق!
لو خانت الايام والناس فيني=يكفي رفعتك فوق كل المخاليق!!

[خالد العزاب]

يقولن ان الزمن هذا زمان الحب والاحسـاس= وانا مادري عن اسباب الكـلام الـي يقولونـه
وانا اقول الزمن هذا زمان القـرش والألمـاس= زمانً فيه اخلاصك يجونه مـن يخونونـه .!!
زمان الحب ماهو حب ولكن شي بيـن النـاس= كأنه قصة البير وكثيـر الخلـق يردونـه .!!
وانا !! لين الأمل يطرد بقايا الحلم والقرطـاس =واحس ان الهوى مثلي جريح وشابت عيونه.!!

[خالد العزاب]

انا حلم الربيع وصرخة الوادي وكـذب النـاس =انا مثل الأمل يسرق مـن احلامـي مثـل كذبـه
انا واحـد بـلا صاحـب ولا خلـن ولا خنـاس =مجرد عابدً زاهد دعـى ربـه دعـى ربـه .!!
طلبتك ياعظيم الشان تجردنـي مـن الاحسـاس =واصير انسان ما يثـر عليـه ان فارقـه حبـه
انا اصلاً بقى فيني بقى جمـره علـى قرطـاس =تلاشى حرها بقلبي واشواقـي هـي السبـه .!!
معي تكبر مثل ما أكبر يطيح من الالـم هالبـاس =واشوف انه دنى يومـي غريـقً بـأول الغبـه
انا مثل الأمان وشرهـة الغالـي ودأب اليـاس =انا شاعر رقى عالي رقـى ليـن السمـا هبـه
بدى يشرب من المزنه يصب الكاس بثر الكـاس =ثمل حتى روى طيشـة صبـاح البـرد ويشبـه
عرف وقت الفراق وضيقة الخاطر وحطب الفاس =تعب مـن يـوم ماشافـك جيـوش الغدرمنكبـه
نهاية حلم بداية موت.!! جروح الحب كذب الناس =سكن بحساسها قلبي واشواقـي هـي السبـه!!

[خالد العزاب]

لو إني ما أبي هرجك وترنيمة اشواقـك =ما كان أصلاً نطرتك لين مالصبح داهمني



مثل السَّحَرْ في غـب الايـام دالـه =على رفيف الحرف والحب مثلك .!!
مثلك ملاك الطهر .. و النور جالـه =يطلب رضاك وحالف يعيش لأجلك !!
او كنك اللي .. محتمي فـي خوالـه =فريس قوم وسمعت الطيب لأهلـك !
او كنك الـي كـل شـي استوالـه =الله عطاك الملك واحسـاس فعلـك
مثلك يعيـش انسـان كامـل دلالـه =دام المزن من جود ماه انسكبلـك !
ومثلي يعيش انسان يبغـى وصالـه=من طعنة الايام عاش وكتب لـك !!

[خالد العزاب]

"
أعلم ان كل من سمع نبرة" الألم في قصيدي
أو قرأني بها يقول شاعر " يخلق الألم لنفسه.!!
وهم لا يعلم أن الألم خلق "لشاعر
وكأن الأقدار تنتقيه.!!



"سئلني الصديق الأريب نواف العطا عن سبب ذالك ذات يوم
لم استطع اجابته بجد لم استطع "





جننتنـي ياخليـف انـت و مشاعـرك =عجزت اشيلك فـوق واتطيـح بالقـاع
الي نـواك بسـوء ماهـو مشـاورك= سباع الخلا يا خليف ما تموت جِيَّاع .!!
لسانك مصيبه .! يقرطك باسفل الـدرك =كلمه تجيبك مثل مـا تصغـي اسمـاع
خبرتهم يـا خليـف منهـو يخبـرك =ان قليل الفهـم وعيونـك وسـاع .!!

[خالد العزاب]

فلانه و اسمعي قولي قبل نبدا نصيـر احبـاب =ترى هالكذب مايمشي وانـا عـارف تواليهـا
انا شاعر .!!كثير الناس عرف من خالد العزاب =علـى كيفـي اذا ابغـى اعديهـا اعديهـا .!!
احب الصدق ياحلوه ولا أداني تـرى الكـذاب = على وضح النقاء فعلي وانا افعالي ما اخليهـا
نعيش احباب او انا نصير اغراب عند اغـراب =على كيفي ومن كيفـي اذا انـي بمشيهـا !!

[خالد العزاب]

الورد ذابل في كفوفك وانا اشـوف=ماهو خطـاي إلا خطـاك وتحمـل
شوف النقط وإملا الفراغات بحروف=يمكـن تعيـد السالفـه وإتجـمْـلْ
علمتني وش لون لو يقرب الخوف=علمني ارحل عن حياتـك واكمـل