قصيدة الورده

[محمد الشهراني]

الوردة اللي تشتكي صفرة المـوت=
قولي لهـا باكـر تحـن السحابـة=
وقولي لها تشمخ ليا حست الفـوت=
اجمل شعور انـك تمـوت بمهابـة=
وقولي الممات اسعد اذا الريح تابوت=
وقولي الحياة اتعس اذا هـي نهابـة=
وش فايدة عيش على دمع مكبـوت=
تهلـه عيـون السحـاب برتـابـة=
وان كانها يا بنت ما ردت الصـوت=
وساد السكون و بان وجـه الكآبـه=
فادري انها ماتت وفي موتها قـوت=
لأفكـار شعـار الخيـال الغلابـة=
اللي يمر اهدابهـا النـوم ويفـوت=
مـا كنهـا تعنـيـه - ياللغـرابـة=
واذا حزنتي لأجل وردة تبي تمـوت=
وحياتهـا رهـن بمـوت السحابـة=
فيا كم ورود تموت والعالم سكـوت=
يخطف شذاها الموت ما احد درابـه=
واذا الكلام بحضرة الموت ممقـوت=
فالصمت نوع من العزا والصبابـة=
ولامن بكيتي لأجل وردة تبي تموت=
قولي لي اكتب - وابشري بالكتابـة=

[نوف سعود]

فيا كم ورود تموت والعالم سكوت ... يخطف شذاها الموت ما احد درابه

صح لسانكـ مدد يالشاعر / الشهراني محمد ...
فاخرة مخملية نسجت بالدرر ...
تقديري وتحية ...

[عبدالعزيز العميري]

هنا معزوفة جميلة
شكرا للشعر
رائع

[ماجد العيد]

محمد الشهراني ..
هذا النص لا يحتمل إلا أن يكون جميلاً ..
إذ أنه يحمل الفكرة الجميلة المغايرة شعراً ..
أشكرك جداً على ما أسلتَ ..

[محمد الشهراني]

سيدة القلم
حضورك كان يحمل الكثير من النبل
شكرا لك ايتها النبيله

[محمد الشهراني]

عبد العزيز العميري
وشكراً لك انت ايضاً

[محمد الشهراني]

ماجد العيد
ومرورك هنا لا يحتمل الا ان يكون انيقاً
شكراً لك على ما اطريت

[محمد الشهراني]

شكراً حمد الرحيمي لاعادة تنسيق القصيده ...

[محمد فرج]

وقولي الممات اسعد اذا الريح تابوت

صورة بالغة الدقة
ووصف موفق
شكرا على هذه المعزوفة الفريدة يا محمد...

[نايف الرحيمي]

وقولي لها تشمخ اذا حسّت الفوت
أجمل شعور انك تموت بمهابه !!

راائع يا محمد .. وجميل .. وأكثر
صح لسااانك ودام حضورك .. وتقديري

.

[محمد الشهراني]

محمد فرج
شكرا لمرروك العاطر

ممتن لك

[محمد الشهراني]

نايف الرحيمي
صح بدنك
و مرورك هو الرائع واكثر

دمت سامياً

[ممدوح الراوي]

قولي له يكتب تكفين
فكم نحن بحاجه لهكذا كتابه
لله درك على هذه الدره!

[محمد الشهراني]

ممدوح الراوي

مرورك يشبهك ... مميز
اهلا بك