والله كبرت وجوا بناتي خواطيب

[نفاع العنزي]

للصديق اللدود ( كما يحلو له )
محمد حجي الحربي

يشرفني مروركم هنا



يا محمد اسمع .. كان تبغى المواجيب = ( واللي خلق ) لاعطيك مفتاح بابي
السالفة عدت ضيوف ومعازيب = السالفة .. وصلت حدود العلابي
ودام التواصل بيننا .. بالمكاتيب = تعال أفسر لك طلاسم كتابي
صارت مجالسنا لحش العراقيب = وسفيهنا في كل حزة يبابي
والا أنت ذيب وطالعٍ من ظهر ذيب = ومثلك يا ابو حجي ذهابه ذهابي
والحمد للي صان نفسي عن العيب = والفضل للي للمعالي رقابي
ودامه كبر راسك وترسل مناديب = وصرت اتعمد يا عضيدي عذابي
انا كبرت وجوا بناتي خواطيب = وأنا أحسب إني في بداية شبابي
أضحك على نفسي وأنتف من الشيب = وأزين الكشخة ... بكشخة ثيابي
وما دام في عينك صوابي عذاريب = والله لتبطي .. ما يجيلك صوابي
ودام الحقيقة خالفت منطق الريب = والقافلة سارت معاها ركابي
ودامي كبرت ولاح بالعارض الشيب = قدّر كبر سني .. وحسّـب حسابي
واترك كلامٍ .. لا يودي ولا يجيب = لا امحاك والله من فهارس كتابي


.

[ماجد العيد]

بلاغة شعر و الكلمة تقف في مكانها في ميزانٍ عجيب
لهذه القصيدة علوّ في كل شيء
و شكراً تتسامى لك يا نفاع

[عبدالله العويمر]

إسْقَاطَات ُ الحِكمَة فِي قَالب شِعْر ٍ أصِيْل ومُحكَم

نفاع
سَلِم فِكْرُك ، وحَرفُك

دُمت بِخير

[سعيد الموسى]

مليئة بالحكمة قبل أن تكون قصيدة عتاب ..
هذا البيت حقيقة ً وقفت عنده كثيراً ..
انا كبـرت وجـوا بناتـي خواطيـب
وأنا أحسب إني فـي بدايـة شبابـي
مؤلم جداً هذا الإحساس ...
.
.
القصيدة كمشتل الورود باإمكاني أن أقطف منها ماأشاء , كل الأبيات جميله يانفّاع وتتوغل داخل القلب والعقل ..
أعذب الشعر أصدقه والله ... وقصيدتك إثباتٌ لهذا الشيئ
شكراً يانفاع شكراً كثيراً

[نفاع العنزي]

بلاغة شعر و الكلمة تقف في مكانها في ميزانٍ عجيب

لهذه القصيدة علوّ في كل شيء

و شكراً تتسامى لك يا نفاع



الغالي ماجد

ما نثرته ـ أنت ـ هنا من كلمات يفوق جمال القصيدة يا بعدي


شكراً من الأعماق لكل حرف نثرته هنا



ثق ان لك بالقلب مكاناً يليق بك


.

[بندر الصقر]

الله عليك يا نفاع ,,

نص وافي .. من الوزن الثقيل , أشكرك عليه .

[عبدالإله المالك]

نفاع العنزي ..

سلمت وسلم بوحك..
لا فض فوك ..

ناهيك عن الجزالة والعرامة والفحولة في الشاعرية الألقة ..

هنا نجد احترافية الشاعر الخبير المتمرس .. صاحب الباع الطويل

دمت ودام صوتك العذب شعرا

[محمد البدر]

الحكمة انتثرت هنا
والابداع تجلى شمخا
رغم قسوة النهاية
صح بوحك

[صالح الحريري]

كبيرٌ أنت بشعرك ...
قصيدة معطرة بالحكمة واللغة ...



سلمت يا الغالي ..

[أنثى جموح]

حبيت القصيدة !

حبيت الفكرة الجديدة ، رغم تكرارها في كل يوم إلا أننا العاديّون لا ننتبه لها
وأبشركم : شيّبت من دون ما يكون عندي بنات ، ولا يكون عندي زوج من الأساس :)

اللي أبي أقوله :

بعيداً عن تقييم النص ... الـ قيّم جداً
لا تحاتي يا نفاع ، على الأقل عندك شي تتحجج فيه عند شيباتك !

وأضيف :

آنا كبرت وجوا بناتي خواطيب
ـــــــــــــــــــــــــــــــــــــــــــــــــ وانا احسب اني في بداية شبابي

ممكن تطلع لي شيبه جديدة الليلة من تفكيري في بيتك هذا !


وأخيراً ..

تحية لصديقك الـ(ـلـ)ــ(ــو)دود محمد الحجي