بوح المشاعر!..حديث الذات!

[فرج البلاز]

الزين مثل الدرر ياقـوت=ولا كما عقـود مرجانـه
الخد فيه الندى مفتـوت=والورد يذبل على اغصانه
بعيونها من سحر هاروت=والليل الاسود على امتانه
الورد في دربها مكتـوت=والخوخ يقطف على شانه
لا شفتها قلت انا بآموت=ياروحي الروح عطشانه

[فرج البلاز]

حتى صباح العيد شآحب بليآك = يشبه صبآح احزآن ( غزّه و يآفه )

آتنآسى الدمعة واحلم بلقيآك = واصحى على صوت الالم يا حسآفه

هآآآك القصايد انثر افرآحي هنآك = وخلنا نعآيد يا حبيبي..( المسافه )

( كل عآم وانت بخير ) يا درب ذكراك = اقسم ورب البيت كل عيد اخافه

[فرج البلاز]

عيد الامآني .. والمحبة .. والاشـوآق = يثيير من صدري غلاتك ويحييـه

لو انسي لحظة اذكر ( الحب ) واشتآق = واقول في كل عآم يالله تخليـه

مدري وش اسميك يا فجر الاشرآق = فجرن لمع بين الكواكب واراعيـه

( كل عآم وانت بخير ) دام الغلا رآق = تدري( فديتك ) هذا قلبـي وباهديـه

[فرج البلاز]

يالهفتي مشتاق لك قد البحر..!



قد النوآرس .. والاماني .. والشعر ..!



قد الحنين اللي غفى .. امس المسى ..!




قد الاسى..اشتقت لك مافي صبر ..!

[فرج البلاز]

الكـون كلـه يـوم غبتـي نسـانـي=وانتي احسـك كـون يحضـن حنينـي
ابيـك شـووق يضـم صـدر الامانـي=مليـت ظلـم الليـل وعتمـة سنينـي
فيني شهيق الحب يزفـر حنآنـي=وفيك اوكسجين الروح وينك وويني ؟

[فرج البلاز]

لا زهمـت الشعـر حيّـا وطـش العبـاة = والله اني علـى قولـه سخيـن رهـاوي

ان بغيتـو علـى الـردات ولا الـحـداة = وان بغيتو على شيلات (..عذب النداوي..)

اعسف القآف ليين القآف يمشـي ثبـآت = والمعآني لذييذه مثـل .. تمـر الحسـآوي

[فرج البلاز]

بـديت بسم الله بدع المثايل = الواحد اللي يسأله كل سايل

سبحان ربي خالق الكون والبشر = في اجمل التصوير واعظم وسايل

وانا احمد الله دولة الدين موطني = دولة هل التوحيد واهل الفضايل

المملكة عـز المواطـن وعزها = من عز روسن طايله كل طايـل

الديره اللّي راية المجد بأسمها = نفدى ثراها عن خطآ كل عايل

حنا مقابيس الوغى دون حدها = وحكامها آل سعود من صلب وايـل

اخوان نوره ذخرنا بعـد ربـنا = اهل المواقف والعطاء و الجمايـل

وكم دولة حلت عليها الكوارث = زلزال او سيل المزون الهمايل

بأسم الملك والدين والشعب والوطن = تلقى جسور الخير فيها حصايل

الله خلقنا نعمر الارض بالوفاء = ولا ثارت الهيجاء نشيل الثقايل

وختامها مني صلاة على النبي = شفـيع خلق الله يوم الهوايل

[فرج البلاز]

اسعد الله اوقاتكم بكل خير

صوت وصدى مع الشاعر عويد كسار العنزي ..







عينك تشوف أطباع روحك مع الناس=وكلٍ على أطباعه يشوف الخليقه
كانك صدا صديت لوبيدك ألماس=وكانك ذهب والــناس لمعة بريقه
دهامشه والنعم يامعرب الساس=من ورث أبوك وطيب جد العريقه
يزبن عليك الهم ماشاف الاتعاس=ويزبن عليك الضيق ماشاف ضيقه
يزبن عليك الفقر ماشاف الأفلاس=وأنت الطريقه بأنعدام الطريقه
وأنت الفخر فيك افتخر يرفع الراس=وفيض المشاعر بالبحور العميقه
وأنت القصيد اللي نبض كل الاحساس=وعز الصديق الياأعتزى في صديقه
مابغا أمدحك في بيت يبقى بكراس=قلبك ذهب والناس لمعة بريقه
كان الفرج بالارض يمشي مع الناس=انت الفرج من بعد رب الخليقه


صدى الشاعر فرج الدهمشي





الصاحب اللي خوته ترفع الراس =مثل الذهب في معدنه في بريقه
اللي بنا بيت القصيده على ساس =مثلك حرام يشوف شي يضيقه
يا صاحبي حذراك تشكي على الناس =الله كريم ولا قطع بالخليقه
شمس القصيد وصبح غيم بالانفاس=شاعر وضوح ومنهجه له طريقه
اللي ملا روح المشاعر بالأحساس =بحر من القيفان قاعه عميقه
ما هو بها مصنوع شاعر بكراس =لو ضاعت الشعار تسلك طريقه
نجم القصيد اللي ضوي ليل الادماس =مثل العسل والحرف زهرة رحيقه
يا صاحبي لاهنت يا معرب الساس =عز الخوي لا قيل مثلك صديقه