بوح المشاعر!..حديث الذات!

[فرج البلاز]

فعل الخير للآخرين ليس واجبا، بل متعة.

[فرج البلاز]

http://img03.arabsh.com/uploads/image/2012/10/31/0d34414a60f10c.jpg

[فرج البلاز]

http://img02.arabsh.com/uploads/image/2012/11/01/0d34414261f50c.jpg



المشاعر في غيابـك غييـم والدنيـآ شتـآ = واثلجت بأقصى الحنآيا قلت وينك يا غرامي ..!

ارتجفت وقلـت وينـك يا حيآتـي لامتـى = ما اخبر انسان غيرك بالشتآ يدفي عظآمـي

[فرج البلاز]

لا زهمـت الشعـر حيّـا وطـش العبـاة = والله اني علـى قولـه سخيـن رهـاوي
ان بغيتـو علـى الـردات ولا الـحـداة = وان بغيتو على شيلات عذب النداوي
اعسف القآف ليين القآف يمشـي ثبـات = والمعآني لذييذه مثـل .. تمـر الحسـآوي





يا قلبي اللي بالهوى لاعبن دور= ياللي على كأس المحبه اساسي

لو ينجرح بالحب والله معذور = ياليتني من عقب فرقاك ناسي

ذاك الحبيب اللي جبينه من النور = حورن عيونه ذابلات ٍ نعاسي

الشعر ليل ٍ بين الامتان منثور = فائق على كل الجمال القياسي

كنت احسب اني بعدها غارق ابحور = واحس اني واقع ٍ في مآسي

وين انت ياعطرن من ورود وزهور = يادنيتي يا كل ربعي وناسي

مشتاق لك في حالة احزان وسرور = شوق الصحاري للمطر بالدماسي

يا نبضي اللي كله احساس وشعور = ياليلة الشعار بأحلى الاماسي

يا اجزل قصيده قلتها بأجمل الحور = واروع قصيده قلتها من حماسي

بيت الغزل برموشها ماخذن دور = (..هي ملهمة شعر الغزل من اساسي..)

لك شاعرن ماحط بأبياته كسور = مثل الجبل يبقى مع الوقت راسي

[فرج البلاز]

ماني بمدح الناس مجبر وملـزوم=لولاه مدح ٍ في ربوعـي وناسـي
دهامشه محزم ليا صرت مضيـوم=لا ضاق صدري قلت يا تاج راسي
دهامشه فيها بطـولات وعـزوم=اقوالهم مثـل القـرار الرئاسـي
دهامشه للمجـد عنـوان ونجـوم=امجادهم فوق الجبـال الرواسـي
دهامشه يوم العرب غزو وهجـوم=جيش ٍ على صف المعادين قاسي
ما دينهم هرج وسواليف وهـدوم=دين ٍعلى منهج وسنـه وساسـي
يا عنك ما عن جارهم ينقص لزوم=نبع الكرم والطيب مع كل راسـي
في زينة التاريخ مانـي بمليـوم=الصيت شمس ٍبالمجاليس ماسـي
كم مجلس ٍ عامر ٍعلى دايم الـدوم=عطره جديد البن طـب العماسـي
كلام ٍ بجـزل الدلايـل ومختـوم=ماهو مثل هـرج ٍ بليـا مقاسـي

[فرج البلاز]

http://img02.arabsh.com/uploads/image/2012/11/15/0d33464e6df00d.jpg




المهرة اللـي مازعـم عسفهـآ = تذبح برمش عيونها كل من شآف

[فرج البلاز]

بسم الله الرحمن الرحيم

السلام عليكم ورحمة الله وبركاته


بمناسبة عودة خادم الحرمين الشريفين الملك عبد الله بن عبد العزيز آل سعود حفظه الله ورعاه ..








يا مرحبا حييت يا منبع الجود = يالقائد اللي شوفته يوم محسوب

عودة ملك ماهي شعـارات ووعود = عودة حبيب الشعب بالخير مصحوب

عودة ملك دايم على شعبـه يجود = من طيب ساسه صار للشعب محبوب

عودة ملك بقلوبنا كان موجود = رغم الغياب اللي به الوصل محجوب

اللي بنى مجده على شامخ الطود = اللي بشوفه جمر الاشواق مشبوب

باسم الوطن نهديه باقات وورود = ونكتب قصايدنا هجيني ومسحوب

نبني صروح الحرف لاهبت النود = ونرسم ملامح صورته نبض وقلوب

الحب جنه والغلا نبضه يزود = شمس الوفاء في شوفته مالها غروب

شعبك يحبك يابو متعب بلاحدود = وبيرق غلاك بقمة العـز منصوب

يا سيدي بوجودك الخوف مفقـود = سيف الشريعه بين غالب ومغلوب

يالحاكم اللي لك مواثيق وعهود = لا ضاعت الحيلات والحق مسلوب

انت الحكيم اللي بالافعال محسود = وانت الحليم اللي بالاسلوب مرغوب

انت الزعيم اللي على القمه يسود = وانت الكريم ليا غدى الطيب عذروب

وسلامتك يا سيدي منبع الجود = عسى الُولي يجعلك الآجر مكتوب




نشرت في جريدة الرياض
الجمعه


13 / 4 / 1432 ه

18 / مارس / 2011 م


شعبك يحبك يابو متعب بلاحدود


http://www.alriyadh.com/2011/03/18/article614785.html

[فرج البلاز]

http://img04.arabsh.com/uploads/image/2012/12/03/0d32454265f10c.jpg






ياحمـود شـب النـار زود لهايبـه = واحمس لنا بن ٍ مـع الهيـل ذايبـه

مع تمرة ٍ مرباه فـي نقـرة الحسـآ = وصفر الدلال اللي من البن رايبـه

بأرضٍ كساها الزين بالعشب ربعت = والديم يسقي وسمها مـن سكايبـه

وريح الخزامى والنفل عبقه أنتشـر = وفآح الشذا عبر النسيـم وهبايبـه

مع رفقة ٍ دايم على الطيب عزهـا = تجمع رفاقـات الخفـوق وقرايبـه

هذي مناة الروح عنـدي وشفهـا = تنسى الهموم اللي على الصدر صايبه

ياالله ياللي خالـق الارض والسمـا = تفرج هموم اللّي شكا من مصايبـه

والحمد للي بأمـره الأرض ربعـت = وخلا عليها الغيث تمطـر سحايبـه