( هدوء مُتناثر ) ..!

[مرضي البلوي]

قبل اعرفك ساهي ولاهي بدنياي
. . لو ماعرفتك كان ساهي ولاهي

( تغيرت أشياء ، وأشياء جواي )
. . من يوم ما شد الجمال انتباهي

شفتك وحبيتك وجيتك من أقصاي
. . كل شي عيني شافته فيك راهي

قلبي تصوب وابتدت يمك أخطاي
. . وصار الهوى لعيونك امر وناهي !

[مرضي البلوي]

:
لو داوت جروحي ما كنت .. اتألم !
إلى متى واشكي لها من جروحي

( الصمت ، لو يحس فيني تكلم )
وشلون ماحست على كثر بوحي ؟

[مرضي البلوي]

أحياناً ابكي على شانك من الفرقآ
وانام بـ الليل ودموعي على خدي !
:
ذكراك ياشينها يـ الجادل الطرقآآ !!
( ياليتها مـثل ماعديتي .. تعدي )

[مرضي البلوي]

أحطها في داخل عيوني السود
( واغمض عيوني بقوه عليها ) !

حبيبتي .. حُبي لها ماله حدود
متى يديني بس تلمس يديها !

[مرضي البلوي]

يا اجمل من الشعر واجمل من قوافيه
يفداك شعري وماخطيته . . بدفتري !

( شاعر ، واحب الأناقه والرومانسيه )
واحب فيك الجمال الجاير ، المُفتري !

[مرضي البلوي]

لو بس تدرين بعدگ وش حصل فيني ،
قليله إن قلت لّگ .. من بعدگ اعاني

لـ لهم ، والشوق ، والضيقه تركتيني ،
صرت أكتب اشعار واسمع دايم اغاني

[مرضي البلوي]

♡ ^ [ http://7fth.cc/besy3 (http://7fth.cc/besy3) ] لقائي الأول

[مرضي البلوي]

يا مهاجره / والأماني فيك مربوطه
ماعاد أفكر . . إذا في يوم نتواجه !

دام إنك بخير ، وبنعمه ، ومبسوطه
[ خلاص مابي من الدنيا ولا حاجه ]