( هدوء مُتناثر ) ..!

[مرضي البلوي]

جيت ثاني بعد رحلة هالسفر !
قلت يمكنك تجي تستقبليني

ريحتك .. شميتها وسط الممر
زال عني الشك واتغلب يقيني

من حضنتك قلت لك بالمختصر
[ آآه ليتك بس دايم تفقديني ]

قلتي مالك عن دفا حضني مفر
قلت من بكره ماراح تحصليني

بكره اسافر عن احضانك شهر
لجل من حضن الدفا ماتحرميني

ابتسمتي [ وابتساماتك زهر ]
وقلتي اتحداك تصبر ماتجيني

[مرضي البلوي]

وداعك .. حطم أسوار المشاعر
بكيتك غصب وخفيتني دموعي

تحبيني .. مهو لأن بس شاعر !
[ ولأنـي حر مابين خضوعي ]

[مرضي البلوي]

حتى لو بوجهي .. قفلتي معابر
عشان أحبك لاآزم اعبر طريقي !

لاآزم عشان أوصل لـ قلبك اثابر
مو مشكله لو نشف الحُب ريقي

[مرضي البلوي]

حبيبتي ممكن طلب ؟!
إذا رجعتي .. لا تجين

مليت أعاتب والعتب
ما فادنا آحنا الـ ( 2 )

[مرضي البلوي]

وينك كثير أشتاق لك في غيابك
اربـع سنين . . ادورك مالقيتك !!

وينك او وين الوقت عني غدابك
على كثر مادورك . . ما رئيتك !!

لو ادري أن الوقت يأخذ جنابك ؟!
( من قبل لآ يأخذك مني خذيتك )

[مرضي البلوي]

سـبايب الجرح من صدك . . وهجرانك
كل عام والجرح في صدري يغني لك !

لو لا المسافه ، ولو لا ابوك ، وخوانك !!
( ماعايدك في مسج في بيتك اجي لك )

[مرضي البلوي]

الحُب .. لاقدي ولاهو قدك !
الحُب أكبر من تفاهة بوحي

تبي تروحين او تبين أردك ؟!
واقول بتروحين عني روحي

[مرضي البلوي]

حذاري الهم ، يستوطن معاليقك
إنتي وانا .. كلنا رحنا ماصدقنا !

تراني أضيق بغيابك مثل ضيقك
[ أحباب كنا وفي لحظه تفارقنا ]