حجة النسيان ..!

[سالم الجهني]

السلام عليكم
خجلى ى
تتهادى لـ تعبر
ولكم الشكر / قبل وبعد


كلها جهاتي صلف وين آتدثر يالغياب = والمواري من على متني تعلّم غمرها
ادلـه وكــن غربتي تدله بي من بين الثياب = والوهن راهي ويزفرني غريب بقطرها
كل مانشّن لي على وجهه تهيالي سراب = وان تغشّتني مثل / ليلة شتا / ياكثرها
ماتنفسني في هودج هالشعور إلا العذاب = واللي طوّل في غيابه خوفي ينسى بإثرها
صاحبي والشعر يسولف للذهاب وللإياب = ذكرى وأوراقي تعزي للبقايا ذكرها
صوتها الباقي في صدري تلتمس روح العتاب = وسلة الأعذار تخلط عذرها مع غدرها
حجة النسيان عادي والغلا بصدر السحاب = واللي يشرع قالة الغيّاب يزيد لقدرها
حجة النسيان تطرق للتفاصيل ألف باب = والعذر عفواً ويطوي مامضى حسْب امرها
حجة النسيان ماهي بين الاحباب بجواب = وإن سرت بين البشر روحٍ وتوجب شكرها
ناسيه وألا تناسى والوفا كبد المصاب = وحجاجها في صفحة الغيّاب وحافظ عطرها
كل الاعذار آتقبلها وامرر للغياب = ألاّ نسيتك ماقدرت اقبل وامرر عذرها
بإختصار اشلون اطول اللي منع للاقتراب = والسنين الاربع اللي روّحتبي كثرها

[عبدالإله المالك]

الشاعر/ سالم الجهني

ألف تحية شعرية متمكنة باقتدار

تقبل مني تحايا لا تناهى

[عبدالناصر الأسلمي]

راقي متمكن اخي سالم
شاعرية الفلسفات تأخذ مجراها الرضي هنا
تحياتي اليك

[ميــرال]

كـل مانشّـن لـي عـلـى وجـهـه تهيـالـي ســراب
وان تغشّـتـنـي مـثــل / لـيـلـة شـتــا / يـاكـثـرهـا


حضورك الشعر نفتقده دائما
حجة النسيان
نص كصباحاتنا ربما الحزينه لكنها مطر

[عبدالله العويمر]

كبير ُ الحُضُور وكَثِير يَاسَالِم

شَاعر فاخِر

محبّتي يأغالي

[بدرية البدري]

الجهني ..
شكراً للشعر ،،
شكراً للعذوبة

زهرٌ مساك

[فايز بن جبيل]

صاحبـي والشـعـر يسـولـف للـذهـاب ولـلإيـابذكــــــرى وأوراقــــــي تـــعـــزي لـلـبـقـايــا ذكـــرهــــا

اوراقك وشعرك وذكراك تسولف لنا عن النبض العذب ياسالم

كل الود والتقدير

[أحمد الهايس]

ناسيه وألا تناسى والوفا كبد المصاب = وحجاجها في صفحة الغيّاب وحافظ عطرها
كل الاعذار آتقبلها وامرر للغياب = ألاّ نسيتك ماقدرت اقبل وامرر عذرها

مدهش يا سالم
لا تعليق هنا في حضور الشعر ...