هُدُوْء !

[سعيد الموسى]

هاللي رموك لثغر فاسد ومغتّم !
ـــ يبي لك تمضمض يديهم عجافاً
المسأله ماهي بـ تهتم وأهتّم !
ـــ ياما عقول ٍ ساكنه في ردافاً !
قل طزّ يامليون طز ٍ وتمْ تِمّ !
ـــ من عادة الأسخف يجالس سخافاً !
.
.
شفت السما ؟
لــوني ...
وأنا قلبي الماء !
حتى يديني
مغدقه بالكرامه !
وش عاد لو قالوا
وأنا كلّي
أسماء !
أسماء واجد
ـ ماتساوي جبيني !
ماني بقايل إني أكرم
أبد ــ لاء !
لكنّي آبلل بزمزم
يديني !
هذي يديني من ثرى طهر
مكّه !
أنا كذا مبدأ
وأنا أصل مبدأ !
إن كان بسكت ماهو لأجل
حاجه !
الباسق المثمر ـ ترا دوم يُرمى !
بسكت عشاني مثمرٍ
بالكرامه !
أنا ولد ناس ٍ عظيمه
عزيزه !
رح قلهم : كانوا ذيابه ... [ ذيابه ]
فـ أنا معشّي الضان
ثمّ الذيابه !
بالمختصر أدري ـ وأدري
وأدري !
لكني أنظر للسما
ياذيابه !
أخايل الغيمه وعيني كريمه !
لا ماألتفت
يم النمل لاقرصني !
يبقى مكانه حدّ ظفري
ورجلي !
المسألة أكبر ـ
وأعظم ـ وأكرم !
ودي أعلمهم
معاني [ الرجوله ]

[سعيد الموسى]

لملم بصمتك
حكايات السكات !
وأستثير من الحكي
صوت الشتات !
وجهك اللي
يرسمك
بــ احلى الصفات
صوتك المبحوح ياسرب
الشقى !
صدرك الطيّب
وقصّة آه ..
هات !
هات يــ ثقل العطايا
والهبات !
ودّك إنك تملك الدنيا
... شجر !
ودّك إنك تعطي الطير
الثمر !
ودّك إنك ....
آآآه
ياطيب الصدر !
والله إنك كم
تود لهالبشر !
يشهد الله الكريم !
كم حلمت
أصبح عظيم !
لجل غيري ـ إيه غيري !
كم أقدّم وجه عني !
وآتمنى , وآتخطى !
كل حاجه
ـ أي حاجه ؟
قل رميت ألفين
ـ غصن !
والثمر
في فمّ غيري !
.
.
أي شخص ٍ داخلك ! ؟
واي هـّم ٍ
يوجعك ؟
وألف وجه ٍ يخنقك !
وإنت
ياااااا
طيحة يدك !
لملم بصمتك
حكايات السكات !
هالحكي في داخلك
طفلِ يبات !
.
.
وإن صدفت الناس
إضحك !
وإن وجعك الصوت
إصحك !
لاتبيّن ـ ماانت هيّن !
إنت تسوى
لك بلد
وإن غدر بك هالزمن !
وش عليك ؟
وذي يديك !
إنت أكرم ـ إنت أطهر
والله أكبر !
يازمن !
يعطي كفوفك ـ حزن !
خل هذا الوقت
يفهم
وش كثر كنت الرجل
في زمان
اللا رجوله !

[سعيد الموسى]

أبيك
إن قلت لك لبسك
جميل
وطلتّك أجمل !
تمر يومين وعيونك
تناظر وجه فستانك !
أبيك ان قلت لك : عِقدك
يزين بلبسته جيدك !
تشيلينه من رقبتك
ويسكن راحة إيدينك !
من الفرحه
تشوفينه
يساوي كل هالدنيا !
أبيكِ لو ندهت إسمك
تقولي
ياحلوووو إسمي !
.
.
أبيك
تكوني الأجمل
إلى من قلت لك : أجمل !

[سعيد الموسى]

الشعر دون موسيقى كالشجرة دون ثمر !

[سعيد الموسى]

عندما تتحدثين ستجدينني مُنصتاً لعينيك ِ . !

[سعيد الموسى]

[ بطريقتي الخاصه ]
*
ـــــــ
*

أحبك
مثل عصفورٍ
جلده الما
وهو يشرب
أحبك
كلمة ٍ عُظمى
تُقال
وفعلِها [ يُتعِب ] !
أحبّك !
أول الفكره ـ
وآخر ماأنكتب
[ يُشطب ] !
*
*
مثل
ماعينك الأطيب !
تمد الموج
وأتشّعب !
مثل ماغيمتك تمطر !
وأنا في خدّك
أتبلل !
*
*
لنا صوتين
والأغرب !
نقول : وهالثغر [ واحد ] !
.
.
أحبك : كان هذا الماء
يبي يجرحني
ــ أتسرّب !
أحبّك !
قلتها وحدي !
قبل هذا الحكي
يهرب !
أحبك
والحكي طفل ٍ !
ركض حتى
وقف
مُتعب !

[سعيد الموسى]

الشِعر ليس مولوداً جديداً . المولود في الشِعر هو الشاعر.

[سعيد الموسى]

إذا جعلت من أحداً عدو لدرجة الكراهية فلقد أنتصر عليك , لأنه بكل بساطة شوهك من الداخل .