هُدُوْء !

[سعيد الموسى]

شفايف الورد : تتّرقب !
ــــ وإيدين صدري على خدّي !
أحيك الحب وأتنقّب !
ــــ ويزهر موعدك [ يدّي ] !

 

[سعيد الموسى]

تقول:
الرِمش مايكذب
وأقول :
الرمش [ زهراني ] !
فقير
وحافي / وحالك !
ولكن
داخله [ غيمه ] !
تقول :
الوصف ذا
مُسرِفْ !
وأضيف :
الرمش ذا
مُترفْ !
ــــــــــــــ *
ترد / بغطرسة طِيبه !
أحس إنك
تغازلني !
وارِد بزفره / ونفثه !
صباح الخير ... من بدري !

 

[سعيد الموسى]

تقول [ الفاصله /, ]
مبدأ !
وأقول النقطه .
[ الأنثى ] !
تشاغبني
تقول إسكت !
وأقول : إكتملت الصوره !

 

[سعيد الموسى]

لو كان لي حيل
ياغيمه
ماقلت لك عانقي
صدري !
محتاج لي صدر
متزمزم !
في شفتي لحن
يترنّم !
ودي أقوله / ويتبخّر !
وش قدّ هذا الكون
متكوّن حكاي !
ماكنّه إلا شيخ يستجوب
الناي !

 

[سعيد الموسى]

في ذمتّي
ماقد جبرتك على شيّ !
وأكبر دليل
إني أحبك وساكت !
أذكر نسولف
يومنا نسرق الضيّ !
قلتي أحبّك
طحت
والناس شافت !

 

[سعيد الموسى]

تهزّني
دمعة طفل
يشحذ الما
ويهزني منظر
عجوزٍ سقيمه !
تبيع
من لبس السنين [ الحسافه ]
في حلقها عار ٍ
تبي تستر إيديه !
يهزني
منظر فقارى بسيطين
يتقاسمون الخبز
من فمّ نمله !
.
.
جزء من النص [ مفقود ]

 

[سعيد الموسى]

تبيع من الدفا
شمعه !
من اللي يشتري دمعه ؟
ترّبت
كتف بسمتها !
تطبطب لعنة الدنيا !
تنادي بالبشر : هيّا
تعالوا وأشتروا مني !
فـ إني أُشعِلُ الدُنيا !
فهلّا تشتروا مِنّي ! ؟
تجوب الشارع / القامع !
وجوه الناس : تصفعها !
تكرّر لتغة الـ حاجه !
تنادي بالبشر : هيّا
تعالوا وأشتروا مني !
فـ إني أُشعِلُ الدُنيا !
فهلّا تشتروا مِنّي ! ؟
كأن البرد / يجلدها
كأن البرد / يحضنها
كأنه يقترب منها
وبـ آخر آه
يحملها !
كفى ياطفلتي هيّا !
تعالي وإتركي الدنيا !
.
,
وتُطفى بالسما نجمه !
وماتت طفلة
الشمعه !
وقالوا : هذي الطفله
مضت بالأمس
تستنجد
أنا كبريتي الأجمل
أنا كبريتي الأرخص
تعالوا وأشتروا منّي !
ولكن !
ماتت الطفله !
وكبريت الحزن : معها !

.
.
هوامش:
[ بائعة الكبريت قصة من الأدب العالمي أعتقد أنها للكاتب الدنماركي : هانس كريستيان أندرسن ]

 

[سعيد الموسى]

*
ـــــــــــــ

أدوّر وجه
يشبهني !
زُجاج الوقت [ يخدعني ] !
مليئ بعتمة الأسما !
رصيف [ النافذه ]
فارغ !
.
.

.
.
[ أكمِل الفراغ التالي كـ الآتي : ........... !