استنــــــــــــــــــارة و إنــــــــارة ..

[نادية المرزوقي]

ما يجرح الليل
إلا دمعات
السهر
و الحزن معطف فوق ايديه ...
ينثر من خيوطه
الضجر
لو لا الفجر...

نــ...

[نادية المرزوقي]

يزلزلني الغياب أشلاء
كيف اختال بحضورك؟!

يموت الحس بالأشياء
و يزود موتي شعورك

... إذا ليلي دموع و داء
بدونك/ ضقت ببدورك .

21/مارس
ن..

[نادية المرزوقي]

ما نسيتك،
جملة ما تعني : فديتك
يمكن أنك جرح معقد
و غاير في المحاني
كنك الوعد الكذوب ...
كان يثرثر و وقت نزفي و احتياجي:
صرت خيبة
و ما لقيتك ..



نــ...

[نادية المرزوقي]

أنا اشتريك /مثلي نوى مع الله تجاره رابحه
و أنا أخجل أقدامي اعجزت تاصل بأي موقف سماك
لني عسل قلبك قبل كل الخطايا تسامحـــه
و أنا دوا روحكــ لو احلامك جفت أزرع نماك
... منت أي طموح، تخسا، و هي لمثلك نوايا طامحه
لمتى ثراها تستحل دموع عينك في ظماكـــــ


ن..

[نادية المرزوقي]

يا نفسي
لو كنت احبك
او ابيك
او شوي انا خايف عليك
ما كنت تستقبل جروح ...
العمر يمضي بك /يروح
و الي يبي نفسه يجيك
وقف بعيد
اشفق عليك
كلن يبي نفسه يجيك
مين الي بايشفق عليك؟!
متى بتشفق لك عليك؟!
ن...

[نادية المرزوقي]

قمة العلم: لا أعلم.

قمة التقوى: الله أعلم.

نـــ...

[نادية المرزوقي]

لو اني لك خير و جيت اقبالتي خير
تلقى بي :
" قرآن " و سجل أوراد و سجاده

ما غير " يا الله" و "استغفرك " ما لك غير
تسأل ظما الروح عن خيرات عُباده


أبغي أعمر بيت و الدعوه لك : "share"
و الناس تثبت: الهدم نيات وراده


نـــ ....

" اللهم حببنا بالإيمان و زينه في قلوبنا و كره إلينا ا لكفر و الفسوق و العصيان، و اجعلنا من الراشدين
" و ارزقنا الرفقة الصالحة في الدنيا و الآخرة. و اجعلنا منهم أجمعين.:)

[نادية المرزوقي]

رافق البعد
و ارتاح فغيابك
و الأنين الي وشى بك،
ما درى بك،
و لا هو أوجع م الحزن
غير
اغترابك.

يا جنابك.


نــ ....