في الهامش تسكن قصيدة [ نور سالم ] a r c h i v e

[نور سالم]

نور سالم ولـ قصيدتي هامش
يتكوّر كالحزن ، يتمدد كالبُكاء ، يقسـو كالصبر.

http://im30.gulfup.com/2012-07-10/1341899691214.png

الشِعار ضمن مجموعة رائعـة / تصميم فوتوصوت المبدع : فيصل العبدالله @Faisal_Allah

[نور سالم]

http://p.twimg.com/At7FY95CEAM_avY.jpg:large

[نور سالم]

http://p.twimg.com/AkWmVwTCMAAoQ8B.jpg

[نور سالم]

http://p.twimg.com/AkWoBcPCMAEGEDl.jpg:large

[نور سالم]

http://p.twimg.com/AkWVwzpCQAIooSL.jpg

[نور سالم]

http://view.stern.de/de/picture/1504198/Schatten-Nadel-Faden-to-run-Weiss-Junge-Fotografie-510x510.jpg

ستـــــرة الحب
خياطة : نور سالم

اسمك كذا لا مـَر بي كنـّـه [ ابره ]
والقى بأثر مرورك بصدري [ ثقوب ]
احس قلبي [ يشبكـه ] عرق جـره_
_عن الهوى واحس به [ ينشبن ] نوب
بين الألم والوجد يخيط صبره
ويعيش [ يرقع ] في الأمل حلم [ مشذوب ]

والذاكرة [ تغزل ] من الشوق [ مكره ]
اشعر بعقلي [ خيط ] واهن ومسحوب
أن جيت [ اشّده ] يقطعه حد فكره
ولا ارخيت شدّه للوجع دمع مصلوب
يا ليتني [ طرّيت ] للجرح صدره
يمكن [ اشقق ] سيرة [ الوخز ] واتوب

مليت و [ اخرز ] في المواعيد بكره
و [ ازر ] في حلق المعاذير مطلوب
ليتك [ تخيّط ] [ ستـــــرة ] الوصل مره
او ليتني [ صوف ] الجفا [ اقرضه] [ ثوب ]
ولو كان من شق الوفا فض سره
هالقلب عذره بالوفا كان [ مرتوب ]

[نور سالم]

نص : [ ركض ] / نقلا ًعن : تذكرة حـِلم مؤجّل
بإلم : نور سالم

http://www.discoverlivesteam.com/magazine/41/BSC_W-Ad_small.jpg

صوت الظُهر كنه هَدير القِطارات
اللّي خذت في رَحلها ناس وعيون
فـ بلادي اللي تعتصر هالمسارات
امشي واوجاعي معي عمر يمشون

كم هي وجيه الناس تروي ازدراءات
وحديثهم صوت الضجر فيه مشحون
كم هي سوالفهم تشيل الممرات
تركض بها في كل معنى يقولون

وأنا مثل باقي القلق في المحطات
اجلس اعد اللّي مشوا واللّي يجون!
مؤجله احلامي ف كل « رحلات-
-عمري » وكانت وجهتي ناقصه : كون

كنت احلم أني في الوطن اخلع الذات
ويصير هو من ينتمي للي : بدون
وكنت احلم اني انتشل هالمعاناة(ت)
عن شعبي. وقالت: بلادي ( بلا جنون )

[نور سالم]

هَلوسـة مُعتـادة
بـ ألم : نور سالم
/

في موسم الصمت بذر البرد لو يزرع :
سنابله شمس ، ما ندفا ونحكيها
نوشك على الإقتطاف ولو كذا نهرع :
لحقولنا نكتشف أن موتنا فيها

نقتات خبز الكلام ونكتب ونذرع
سطور شوق ٍ تفرّغ للهوى فــِيها
احلامنا وامنيات القلب لو تطلع :
في ليل نعسـان ياخذنا ويخليها ..

يا آخر الشمع لا يتنفسك اسرع
الصبح لا اجتاح اضواءك يطفيهـا
مثل الحزن لا هجد عين ٍ تبي تهجع
ما يمسي الاّ من الراحـــة معريهــا

يا حكايتي يا كذا .. مقطع : بأثر مقطع : //
يا هامش يلمّــها ويتيـــــــــــــه يرويهـا
لو قلت صوت الوجع لـجدارهـا مَرجِع :
ضاعت وهي من سمعها راح ينسيهـا

/.

[نور سالم]

http://farm3.static.flickr.com/2325/1655995100_158dca3783.jpg

ظُنـُوُنْ
رواية أعمى مُبصر ربما
لـ / نور سالم

العالم يمر في عيون الزمان بثقل
والمشهد احيان ابلغ في ظنون الضرير

بلاد تزرع ذُعر / وبلاد تذرع وجل
شوارع تموت/ وخيول طرحتها سرير
الناس تقتل جثث/قبور تنزح كسل
ثلوج تحت البحر/ كثبان تنسج حرير
النورس اسود/ وظهر الحوت خف لجمل
والشاطئ اعزب/ وهذا الرمل له مستثير
الريح شعر يتشابك / والشمال تغزل
سوالف تقوم من تحت التراب وتسير
الورد يكذب / طيور تعيث/ هذا نمل:
يسرق فتافيت جنحان الفراش ويطير..

العالم يمر في عيون الزمان بثقل
والمشهد احيان ابلغ في ظنون الضرير

[نور سالم]

http://3.bp.blogspot.com/_idOpYwRp8Mo/SzXY440g3PI/AAAAAAAAAOk/b4ZCgnew5rM/s320/i+watched+you+with+sad+eyes+while+the+earth+burned .jpg

وكَبُر السؤال
نص / لـ : نور سالم

هاتي لي _ الكوب والكافين
والنور : وطي لي من ضيـّـه
وأن دقت الفاضيه : نسرين
قولي لها ماني ابـ فيّــه
والباب اخذيــه بل ايدين
ايديني اليــوم مو هيــّه
ابرتشف وحدتي : من حين
مالي سوى وحدتي ليــّه
ان رحت منّي بروح لوين ؟
وان جيت أبلقاني : هنيـــّه
نفسي / ونفسي بها ضدين !
لائي تنازع بيّ الـ / ايــّـه .
يمكن رضخت لحدى الوضعين
واصبحت افرض على النيّه !
يمكن تعثرت بين وبين
واحترت فـ الشمس ! والفيّـه !
يمكن خذاني بكى كهلين !
وانحزت للــطين والميـّـه .
ومروني الناس مغتربين !
أجناب / واصحاب / وبنيـّـه
كانت تقول الوطن من وين؟
كانت تفتش عن احجيــّـه !
وكنت ارسم لجوعها صحنين
واطعم سراب الحكي = غيــّـه


من يومها /

و السؤال ! سنين

تكبرني

وانحني بيــّــه !

[نور سالم]

موت مُعتاد
نَص لـ/ نور سالم

بلادي لا يجي باكر وحنا نتيـه
بباكر ونتأمل لو تجينا بلاد
تعبنا ندخلك : نُخرج ! وأنتي ليه ؟
خرجتينا من الداخل وصرنا بعاد ؟

عشان الحلم ؟ قولي حلمنا وش فيه ؟
عشان الوعد ؟ خونينا ونجي ميعاد
عشان الرزق ؟ اخذي صحننا امليه !
عشان الأمن ؟ ارمينا ونطيح اوتاد

لنا ضيق ٍ من الضيقة يشد ايديه
لنا صبر ٍ من ثيابة خرج ما عاد
لنا صوت ٍ تكوّر في سكوته فـِـيه
لنا حزن ٍ تكّفن دمعتيـــــه حداد
/
بلادي والبقى فيما بقى باقيـــه ..
من اللّي ما انتهى من موتنا المعتاد

[نور سالم]

http://www.g111g.com/9war/uploads/df0971845d.jpg


ايه اذكرك في شوارع موتك تموّل
حكايتك والمسا يتكي على اهدابك
صادفت حزنك مقيم وكنت متجـوّل
في نفسك وكنت قد ضيعت ابوابك

غريب ترقا جحود الناس وتحوّل
من يعرفك صد ، من لا يعرفك هابك
متشتت ٍ في ضياع اقصاك ومعوّل
خنوع روحك لـ جفو ٍ مد بـ اصحابك

تقول طيب .. تعبت ! وقلت من أول
أن ما بقى شي ما تعّبك ما طابك
طوّل بك الضيق ؟ ضيقك فيك قد طوّل
إن راح يهرب عثر في كذب اعتابك

لا ما تغيرت .. دمعك بس متســوّل
في عيونك فراق لبلادك ولـــحبابك

[نور سالم]

http://www.an3m1.com/public/entries_images/3995f17ef16c614a6348a254a1164224.jpg


سِنيـــــــــِـــــــــــــــــــــــــــــــــــن ْ
نص لـ / نور سالم




يلعب مع أخواني وعينـه عليّـه
اذكره خجل وكنت منه اتسحــّـــى
كم قال : لا اشوفك معاهم هنيّـه
كم قال لي لا جى غريب اتنـحـّـى

ذكرت يوم أنـّـه مسك لي يديـّـه
وقال : لا يدرون والصوت بحّـى
ذكرت يوم اسقتني ايديه مَــيــّـه
من قبل لا حتى بشوفه يشحـّـــى

كبر وأنا بعدي صغيره وشقيـــّـــــه
ولا انتظر اكبر معه .. ليه ضحّـى ؟

ماتت سنين وصدفة اليوم حيـّــــــه
شفته ! وليت اللي اشوفه يمحــّـــى
شفته بعد عمرٍ يلاعب بنيـــــّـــــه
وحبيته أكثر يوم شاب وتلحـــّــــى

[نور سالم]

مُــُروُرْ


سحبت ليل الوهم لين انكشف صبحـه
واسدل علي ليل ثاني يشبه الأوّل
يوم لمعت في عيوني نجمةٍ وضحه
دريت أن النهار بعيد ومطـوّل

جلست ما في سكوتي طايل ٍ شرحه
مشيت ما في كلامي قول ويقـــــوّل
الصدر مثل الأواني بالوجع نضحـه
والراس فوقه يغرف الظـن ويمـــوّل

ليت المحاجر ترّد الدمع عن فضحـه
او ليتها تشربه من قبل لا يحــوّل
اسقت شفاه ٍ يبل لسانها قرحـه
اظمت لسانٍ شفاته فوقها تجـوّل

ما للهواجس كتاب واقلب الصفحـه
واطوي طواري تطوّى طي متطوّل
البال لا مَــر بين امراره ومرحـــه
اظلم على ما يمـر ومــَــــر ما عوّل