مصافحه اولى \\ لاتحسبينى عشت حبك بتمثيل

[صبــا الغامدي]

عقاب النهار



تراحيب المطر والازهار




اهلا بك بيننا

[متعب المضعان]

يسرى بى الهاجس مع ظلمة الليل=الى ذكر من هو زهى بالوصوفى
واسج واسرح فى سما حبنا حيل =ويغيب فكرى بس فيها يلوفى
يهل دمع العين مثل الهماليل= ان قال من حبه سكن وسط جوفى
باخر لقا حافظ كلامه بتفصيل=قبل السفر جتنى هذيك الحروفى
بغيب عنك ولاتفيد المراسيل= وانا ترى ما نساك منكم ياخوفى
تنسى زمانى باللقا والتعاليل=والكل منا فى حبيبه يروفى
يجيك منهو يشبه البدر وسهيل=وتقول عمرى ضاع كله حسوفى
هذى ترىطبع ٍ بكل الرجاجيل=نسمع ونقرا غير شى ٍ نشوفى
عطنى عهد عطنى وعد دون تحليل = ولانى بصدق من يزيد الحلوفى
حتى ولو قلبك مع غيرى ايميل =اعرف ترى ما انساك لو لى تعوفى
لاتحسبينى عشت حبك بتمثيل=دور البطل وابى الخلايق تشوفى
احيان لو تظرب فلا تشكى الويل = فى كل وقت وقت حسب الظروفى
ارحم ولاتسمع كلام ٍ بتفصيل=يجى على جرح ٍ كوا ما بجوفى
يابنت من جاله كثير المحاصيل=اللى دعوا له بالنعم ومعروفى
ماخاب منوا جاه باغى المداخيل =من ربع للفزعات دايم وقوفى
يا دعج غنج مالك شبيه ٍ بذا الجيل=ياعين ريم وقايده للخشوفى
ظامر بطن راكز نهد شعر ٍ مهيل =ظلما بلا قمرا غدى بالردوفى
ولك وقفة الظابط الى جاه تكميل=وخد ٍ كما القمرا وذيك الكتوفى
وشفايف ٍ كن العسل فيهن امحيل=وزاد الحلا ذيك الثمان الصفوفى
منساك لو تنسى العرب ركبة الخيل=ويقلب نفود الارض كله حيوفى
حبك مشى بالدم درو ٍ كما السيل= ونبت هواكم وسط قلب ٍ شغوفى
كتبت انا اشعارى وقلت المواويل=ما اشوف غيرك كنى فيك امعطوفى
علك تعودى بالليالى المقابيل=وكل هم فى شوفك تراه امخلوفى
اخوكم
عقاب النهار



الغالي

عقاب النهار


ياهلا ومرحبا مليووووون


وصح السانك الى ان تلامس آفاق الرضى


قصيدة رائعة جدا ً ولا استغربها

على شاعر ٍ بحجمك

فهي تستحق الاعجاب والاحتفاء


ولاعدمتك على الوجود

[صالح الثبيتي]

http://www.elwfa.com/vb/upload/uploads/f84c6c4804.gif


عقاب النهار

اسعد الله جميع اوقاتك بالخير والمسرات

امتعني كثيراً نصك الرائع بل الاكثر من رائعه

اهلا بك بيننا اخاً عزيزاً

لك كل الود والاحترام

دمت بخير


http://www.elwfa.com/vb/upload/uploads/a6ca447aa1.gif

[عبدالله ثويني المانع]

..

أخي الكريم / عقاب النهار .. أسعد الله قلبك

أهلاً بهذا الحضور الذي حمل الشعر وجمال الشعور


دام تواصلك

أرق التحايا لقلبك

..

[عقاب النهار]

طلال العنزى
كم اسعدنى مرورك
والف صح بدنك
ولاهنت
واحترامى لك وتقديرى
اخوك
عقاب النهار

[عقاب النهار]

حنين
كم اسعدنى مرورك
والف صح بدنك
ولاهنتى
واحترامى لك وتقديرى
اخوك
عقاب النهار

[عقاب النهار]

سعد سيف
كم اسعدنى مرورك
والف صح بدنك
ولاهنت
واحترامى لك وتقديرى
اخوك
عقاب النهار

[عقاب النهار]

وداد الجابرى
كم اسعدنى مرورك
والف صح بدنك
ولاهنت
واحترامى لك وتقديرى
اخوك
عقاب النهار