نجوى: لفيصل خالد.

[عادل بدر]

.




أغنيَة من مساء/ وأغنيَة من صبَاح
ـــــــــــــ هَات لِي نَاي فيني جَرح ما ينكتِبْ


الكُؤوس تْتَارع {مفعمة بالجراح}
ــــــــــــ والرؤوس الشّوَارع ، ريثَما: تحتطبْ


فيصَل ليا غدَت بعض الهدايا رِمَاح
ـــــــــــ وش يقول الّذي ينثر ظلوعه لُعَبْ؟!

[فيصل خالد]

يَامُودّعْ طَرَبْ : دَاخِلْ ضلوعَهْ / نَوَاحْ
ـــــــــــــــــــــ مَرْحَبَا : عِدْ مَا مالَتْ غصُونْ العِنبْ


دِهنْ عُودْ الثّلاثْ بيوتْ [ غَنّا وَفاحْ ]
ــــــــــــــــــــ في لَيَاليْ المدينَهْ ثَامل ٍ مُغتربْ


كِلْ طير ٍ عَطَاهْ الله مِنّهْ جَنَاحْ
ـــــــــــــــ وأنتْ حر ٍ : نبي منك الهدد والطربْ

[عادل بدر]

.


كل غُصن تلاعبهْ.. الهوى والرياح
ـــــــــــــ ينثني لك مودة من خفوق مُحبْ


جيت أغني وأنا اللي ممتلي بالكفاح
ـــــــــــ وأنت شاعر على متنه وسام وْرُتَبْ


إن قلبنا سموم / المو.. مسا: للفلاح
ـــــــــــــ لين صار اللحم كيلو يعادل شنب!

[عادل بدر]

.

المعذرة



إن قلَبنا سموم/ المو..مسا: للفلاح
ــــــــــــــ كيف صار اللحم كيلو يعادل شنَبْ.؟!



كذا صح.

[فيصل خالد]

ياوجودي وجود الشيخْ وسط المِـلاحْ
ــــــــــــــــــــــــ لاهو اللي قضى وطرهْ ولا به شغبْ

وأنتْ يَاصاح مالكْ فـ الطويل المباح ْ
ـــــــــــــــــــــــ جرّة الخمرْ ، منها كاسْ يكفي نَخبْ !

إفرشْ الظَلْ حَتّى يُسْتساغْ الوِشَاحْ
ــــــــــــــــــــ وأغرقْ الماءْ حَتّى يعطش اللي شربْ

[عادل بدر]

.



ياوجودي وجود اللي نوى بالمراحْ
ـــــــــ راس لكنّه بليّا / رْجُول وْ رُكَبْ.


القضيّة.. لو تْفسّر شَرَبنا ذَحَاحْ
ـــــــــ بين شرهة خَويّ وبين غلطَة {..بْ}


ما مزحنا.. لأنّا مهتوين المزاحْ
ـــــــــ بَل لأنّ الوفاء أصبَح لسان اللّهَبْ


مثلما هو يؤدي الضيق للإنشراحْ
ـــــــــ قد تؤدّي بك الراحة لعُمق التعبْ.






أستاذ يافيصل أستاذ