هطول أول ( ياخوي )..!

[عبدالرحمن مازن العطاوي]

.
.


الغالي


نواف التركي


لاهنت على مرورك وصح كلك




تحيتي لك


.
.

[سلطان الرجاء]

.
.

السلام عليكم ورحمة الله وبركاته ،،
أسعد الله أيامكم وكل عام وانتم بخير

كلي شرف لتواجدي وإنضمامي إلى هذه الكوكبة الرائعه من الشعراء
مصافحة أولى بينكم ،،


ياخوي .!!





ياخوي كأنك تجهـل أمـور وأمـور=هاك النصائح واستمـع لـي دقيقـه
منتّه على بعض المخاليـق مجبـور=ولنتّه من اللـي يجهلـون الحقيقـه
إحذر.. تماشي لك من الناس مطيور=بعض البشر لازم تحاشـى طريقـه
خلك مع أهل العرف والطيب والشور=مـا للأنـيـق إلا ثـيـابٍ أنيـقـه
اللي لهـم عـزه وشـأنٍ ومنظـور=مافيهـم اللـي ذل يــومٍ رفيـقـه
وأصحى يخوك ارجوك من فتنة الحور=اللـي تبـي قربـك بـروحٍ رقيقـه
إن ماحصل شـيٍ بحكمـة ودستـور=وإلا عسـى غيـره رمـاد وحريقـه
دوّر على اللي تفهمك حسّ وشعـور=وجبهـا بصـكّ ومعطيـات ووثيقـه
كذا تجنـبّ درب الأوهـام والجـور=وتبقى السعيد اللـي مذهـبّ بريقـه
خابرك منته راعـي هيـاط وغـرور=ولالاتحـب اللـي تناسـى صديقـه
اللاعب إن صابـه لحـدّات وكسـور=ماظنتـي يقـدر يـفـوّز فريـقـه
والذيب يتقن لابغـى حاجـه الـدور=مـاوالله يلقـى لـه دروبٍ تعيـقـه
وأنته كمـا ذيـبٍ ولافيـك مقصـور=حـرٍ ولـد حـرٍ علومـك طليـقـه
الصدق صدق وتعرف الزور هو زور=إتحب شي .. وشـي منتـه تطيقـه
يعني تحب النور والنـور لـك نـور=تعشق صعود الشامخـات الشهيقـه
يجوزلك صالح .. ولايجوز محظـور=فاهم ونفسك ماهـي نفـسٍ غريقـه
نصيحةٍ خذها بـلا فلـوس وأجـور=جت لك من إلسانٍ طوى الحر ريقـه
خلك مع أهل العرف والطيب والشور=مـا للأنـيـق إلا ثـيـابٍ أنيـقـه


.
.

وسلامتكم ،،


صح لسانك وحياك الله في أبعاد

قصيدة رائعة تستحق القراءة

صح لسانك يالجزل

على هذه الرساله والنصائح المفيده للجميع


أخوك / سلطان الرجاء

[حنان محمد]

عبدالرحمن العطاوي

للحضورك نور مختلف

مكان جديد يجمعنا من جديد

فأهلا بكَ معنا

[هدى مصلح]

عبدالرحمن العطاوي
ياهلا ومرحبا فيك
قصيدة رائعة
محكمة وحكيمة

[عبدالله ثويني المانع]

..

** عبدالرحمن مازن العطاوي **

أهلاً وسهلاً بك في أبعاد أدبية
نتشرف بحضورك ونسعد بتواصلك

مصافحة أولى رائعة حملت نصائح
ومعاني جميلة ..

لك الشكر والتقدير
ودام تواصلك المميز

..

[عبدالرحمن مازن العطاوي]

.
.

الغالي

حسين الحوالي


لاهنت على مرورك وصح بدنك


تحيتي لك


.
.

[فارس مهدي]

عبدالرحمن


الابداع سمه لا تتواجد الا في قله انت واحد من القله المبدعين


اهلا بك في ابعاد

وصح الله السانك

[عبدالرحمن مازن العطاوي]

.
.

الغالي

نفاع العنزي


لاهنت على مرورك وصح بدنك


تحيتي لك


.
.