ذااائقة ... عبدالله

[عبدالله الجودي]

.
.

‏يسحرني أسلوبك ونكهة كلامك
اللي ترد الروح وتفرّج الضيق


حتى ملامك يا عذوبة ملامك
عسل على قلبي قبل فكّة الريق


.
.

[عبدالله الجودي]

‏.
.

تاخر الليل لكن جيت في بالي
دخلت اسلم على عيونك واغطيها


بتنام يالله عسى لانمت ياالغالي
احلامك اسعـد من الدنيـا ومافيها

.
.

[عبدالله الجودي]

.
.


‏ما قلت لك
إنك زمن ولحن وحنين
وتبقى أجمل أشباهك الاربعين

ما قلت لك
إنك هوى وإنك دوا وإنك شجن

وساعه معك
تكفي سنين


.
.

[عبدالله الجودي]

.
.

‏حاصريني صمت من كل الجهات
وأذبحيني بوح في نظرة ... عليل


وأسألي غدر اليدين .. (الناعمات)
عن ثلاث طعون في صدر القتيل


.
.

[عبدالله الجودي]

.
.

‏رص المشاعر بالحبر ياقلم رص
بعد المشاعر باقي الحب رصه


قلبي يعاني وانت بالحب مختص
انت الذي عقلي بالافكار خصه

.
.

[عبدالله الجودي]

.

.

‏ماكل خاطر نبي نتبع .. مراعاته
بعض الخواطر م يصير انك تراعيها


واللي يقدّمك عن كل .. اهتماماته
حاول تقدّم له الدنيــا بما فيها


.
.

[عبدالله الجودي]

شكرا شكرا للجميع ع المتابعه والاهتمام
وشكرا لكل من يقيم مشاركاتي
احب اني اشارك معكم واقيم مشاركاتكم لان الكثير منها يعجبني ويستحق التقييم ولكن ايقونة التقييم عندي معطله وراسلت الاداره بس ما احد جاوبني وأتمنى ممن يقراء مشاركتي هذه ويستطيع حل المشكله اكون له من الشاكرين
سعيد بكم يا ابعاديين وبروحكم الحلوه والجميله
ودمتم سالمين

[عبدالله الجودي]

.
.


‏ما كان حبك رغبتي واختياري
وحتى بعد .. ما كنت مختار فرقاك

اللي مضيعني معاك ..انتظاري
متى اكون اكبر من الشوق وانساك


.
.

[عبدالله الجودي]

.
.

‏الله حسيبه وين شميت عطره
في ليلةٍ عطره على الجو طاغي


ما رش لي من علبته غير قطرة
لكن بقت في كفي وفي شماغي


.
.

[عبدالله الجودي]

‏

...

رجّعك قلبك عقب طول .. العنا
يطرق ابواب المشاعر باب .. باب


مارس غيابك مع غيري .. انا
مبطي احساسي تعوّد ع الغياب


.
.

[عبدالله الجودي]

.
.

‏وش فيك هالليلة كئيب الملامح
ياخي ابتسم خل الزعل لايغطيك


الهم لايلعب بعقلك . . وبالك
خل ابتسامتك درع وواصل أمانيك


.
.

[عبدالله الجودي]

.
.

‏من علّم الورد يجرح كفّ محبوبه
ومن علّم الحظ ينساني و يفتكره



يقهرني مْكابره .. أغلاطه .. إسلوبه
وأشيل في خاطري وإن جاني آعذره

.
.

[عبدالله الجودي]

.
.

ليه الغلا يفرض على واقعك شخص
شخصً تفرد بين حب وصداقه



مير الوكاد ان غاب تحس في نقص
و يعز من بد الخلايق .. فراقه

.
.

[عبدالله الجودي]

.
.

ما غاب حبك ، ولا طيفك ، ولا ذكرك
حتى لو إنك بعيد مسجل حضورك


إن زاد فيني الحنين ارش من عطرك
لو انه ما يشبهك بس يشبه شعورك


.
.

[عبدالله الجودي]

‏
.
.

لـك گل آلگـﻵم ولـك گل آلشعـور
يا آجمـل شيء نفسـي حبتـه


.
.

[عبدالله الجودي]

.
.

عشّت معك .. أغرب مراحل في حياتي
كنت أبيك ~ جيت أبيك ~ ورحت أبيك


.
.

[عبدالله الجودي]

‏.
.

وش رايك .. الليله نقضّيها سهر
وخذني معك لِـ آخر الليل العتيم


منّك ابي الليله فقط .. ما تعتذر
مشتاقلك مشتاقلك والله العظيم


.
.

[عبدالله الجودي]

.
.

كلّك صباح وطلّتك خير لـ الناس
صوتك سعاده وإبتسامتك فرحه


شوفك تراه أحساس ما مثله أحساس
يا حظّ منهو إبتدا فيك .. صبحه


.
.

[عبدالله الجودي]

.
.

ممتلي بالناس .. لكنك وحيد
واسعد اللحظات صارت تتعسك


ذا شعوري يوم اشوفك من بعيد
اشوفك بعيني ولا اقدر اقربك


.
.

[عبدالله الجودي]

.
.

‏كلما سجد وجهي لرب السموات
أدعي عسى ربي يخلي لي .. أمي


يـمّه فداك اللي بقى والذي فات
من غيرك اللي ساكن بوسط دمي


.
.

[عبدالله الجودي]

.
.

ياغايبه وأنا أنتظاري يحتضر
القرب يحيي الروح والفرقا ضنك


أصدّق أحساسي إذا طيفك حضر
وأكذّب عيوني .. ووقّف وأحضنك


.
.

[عبدالله الجودي]

‏
.
.

لا تحسب إني م امتلك بالزمن شي
أنا أمتلك كل شي لاصرت أشوفك 🎼
.
.
.

[عبدالله الجودي]

‏
.
.

وجهك المملوح للدنيآ صبآح
انت كل الخير وآجمل مآ يقال


.
.

[عبدالله الجودي]

.
.

‏مريت عابر سبيل وفيك شفت السبيل
تعبت من سكـة النسيـان .. يا طولهـا


أسرتني والغريب انك بسيـط وجميـل
أثـر البساطـه يأثـر حيــل .. مفعولهـا


.
.

[عبدالله الجودي]

.
.

اما تجي بـ الفعل تثبت غرامك
والا السوالف كل أبوها عوافي


.
.

[عبدالله الجودي]

.
.

تدري ربي ليه عوضّك بقلوب
لانّ قلبك كثر ما ذمّوه طاهر


.
.

[عبدالله الجودي]

.
.

ياما سرينا ليل واقفى بنا ليل
ياطول مسرانا ولامن حصيله


ياما تعبنا نعدل الحظ ويميل
والكل منا شاف بالوقت ميله


.
.

[عبدالله الجودي]

‏
.
.

مخنوق بـ غيابگ .. وذابحني غلاك
وأخذ من أعماقي نسم وأتنفسك



مابي يضايق حضرتك هذا وذاك
حتى بـ حزني ماقدرت أحسسك


.
.

[عبدالله الجودي]

.
.

يفضحني الشوق مهما عنك خبيته
تضمك ضلوع صدري قبل يديني


.
.

[عبدالله الجودي]

.
.


لو حطوا الدنيا بكفي لاجل احب غيرك
رميت الكف والدنيا وجيتك .. قاطعن كفي


.
.

[عبدالله الجودي]

‏
.
.

علميهم وش هو يعني الكبرياء
فهميهم كيف ترويض الصبر


إشرحي للي جهل أن الاكتفاء
من صفات الحب ماهو من كبر


.
.

[عبدالله الجودي]

‏
.
.

لاضاق صدرك وبالك ضاق
وحسيت في الضيق بزياده


منته بمحتاج ناس اخلاق
تحتاج مصحف وسجادة


.
.

[عبدالله الجودي]

.
.

مــر في صوتـكك ابتجدد معاه
وكرر أحبك على اسماعي وزيد



( أنــت ) كل اللي أبيه .. من الحياه
لا إسألوني شـ أمنية عامي الجديد


.
.

[عبدالله الجودي]

.
.

كل ما ضاقت علي اضحك واقول
اجمل .. الايام ..( لم تأتي بعد )


.
.

[عبدالله الجودي]

.
.

صوتك دفى وانفاسك تضيّع البرد
اما عيونك سالفتها .. طويله


.
.

[عبدالله الجودي]

.
.

لو حصل من بيننا صد وجفا
شمس حبك في عيوني ما تغيب


وفي حنانك يا بعد عمري ... وفاء
فيك معنى الحب يا روحي يطيب


.
.

[عبدالله الجودي]

.
.

في غيابك غيمة الميعاد شحت
ما بقى فيني سوى جرح و حنايا



صاحبي وان طحت و عزومي تنحت
لا تبث الملح وجروحي .. عرايا


.
.

[عبدالله الجودي]

.
.


‏ادري تبيني حيل وتموت .. فيني
وادري وجودي غير عن باقي الناس



وتدري مكانك بين رمشي وعيني
وحبك توزع بين دمي والانفاس


.
.

[عبدالله الجودي]

.
.


استسلمت حورية الحسن للنوم
يابخت مفرشها ويابخت الوساده



سريرها يحسب متى اخر اليوم
عشان يحضنها بشوق و سعاده


.
.

[عبدالله الجودي]

.
.

محتاج لي أنسان طيب ونساي
قلبه لبوح الجرح والحزن مرسى



وأعلمه عن كل جرح بدنياي
والفجر يمسح دمعتينه وينسى


.
.

[عبدالله الجودي]

‏.
.



إن شانت اخلاق الرفيق وعلومه
نصد صدة عفو من غير تجريح
⠀

.
.

[عبدالله الجودي]

‏'
'
'
'
'
'
'
.
.



ودي اسولف عن غلاك ومحبتك
لكن جبرني الوقت اغليك بسكات



.
.

[عبدالله الجودي]

.
.


‏تعالي نقهر الواقع تعالي نكسر الروتين
تعالي نرسم الخط المبين لعالم العشاق



تعالي نوقد الليل البهيم ونروي الروحين
نرتاح من وجد الفراق ولوعة الاشواق


.
.

[عبدالله الجودي]

‏.
.



خل المساء يبوح لك باللي تبيه
إلا علوم قلوبنا لـ .. قلـوبنا



البرد يامحبوب لاتشره عليه
إشره على موت الدفا بإسلوبنا


.
.

[عبدالله الجودي]

.
.


ماعشقت من القصيد إلّا غزلها
ومالقيت إلها مكان إلّا .. عيوني



الهنوف اللي هوىٰ قلبي .. عزلها
عن جميع الناس واغراها جنوني



.
.

[عبدالله الجودي]

.
.


اي والله اني مشتحن واموت فيك
يا أغلى ثالث النآس عقب امي وابي



في ذمتي لو تدري بشوقي عليك
لو ماتجيني مشي بتجينيَ .. حبي


.
.

[عبدالله الجودي]

‏.
.


من يهدي عيوني حكايات ونعاس
تعبت اطبطب فوق .. كتف اختناقي




الصبح وغيابه وخذلان الاحساس
اكثر ثلاثه يحترون .. احتراقي

[عبدالله الجودي]

.
.



طبعي غيور وفيني حُب التملك
يعني حبيبي .. حبيبي لحالي




.
.

[عبدالله الجودي]

.
.


ياليتني دكتور في مهنة الطب
واعالج اللي مشكلتهم صعيبه




واول مريض اعالجه صاحب الحب
اقف بجنبه لين ياصل حبيبه



.
.

[عبدالله الجودي]

‏‎.
.



كل حاجه يا أنيق فـ إحتياجك
الأماكن والمشاعر والكرامه



ياحلـو جـوّك ويالبـى مزاجـك
أصلاً اسمك يعطي الأفخم فخامه



.
.

[عبدالله الجودي]

.
.


فكيني من الشوق وافكك من بيوت العتاب
يعني بدون نطول بهالسالفه فكي .. وافك



.
.

[عبدالله الجودي]

.
.


‏اشتقت لك اسمع صدى صوتي يبيك
يا ناسي حبي وش اللي مشغلك



كم ألف عبره .. شالعه صـدري عليك
أُوَّاه لو إنك تحس .. بـ اشتقت لك



.
.

[عبدالله الجودي]

‏.
.


فيني حكي جدًا حزين
عيّت حروفي تذرفه



مدري حكي و لاّ حنين
حتى الشعر مايعرفه



.
.

[عبدالله الجودي]

.
.


يـاوقت … لاتبحث خـفايا المخاليق
ماعـاد نبغى منـك … غير السلامه




انـا الـسعيد اللي ملا صدره الضيق
وانا الحزين اللي بكـى بـ أبتسـامه



.
.

[عبدالله الجودي]

.
.


انعش عروق الغلا فـي مد فنجالك
يازين هيـل الغــلا ويازيـن معمـوله



أقدع بـ شــوفك وأبل الريـق بدلالك
وأصبح وأمسي وأنت للقلب معسوله



.
.

[عبدالله الجودي]

.
.




‏كبرنا صح
وصرنا نكذب
وعادي اذا نجرح
ونشرب دمعنا
ســــادة
ويمر الوقت
وكالعادة
نرد نمثل ونفرح
طبيعي كلنا نبدع
إذا كان الزمن مسرح




.
.

[عبدالله الجودي]

.
.




‏منّك صباح الخير عشرة صباحات
كل صُبح فيه .. من الفرح عُمر كامل




.
.

[عبدالله الجودي]

.
.




‏سواليفك مطر تجبر ثرى صدري على الاصغاء
وسواليفك سنين ترد عمري في بداياته




.
.

[عبدالله الجودي]

.
.




يـا حـزن انـا ما عاد ابغـى سعاده
ابـغـاك تـخدمنـي لـو السد ما باح




ابغـى الجـروح تكـون سكـر زياده
عشان احــس ب لذة الدمع لا طاح




.
.

[عبدالله الجودي]

.
.




اذكر اني يوم واجهته ضحكّتْ
و اذكر انه يوم واجهني بكـا




قال عندي هرج مخفيه و سكّتْ
و راح و دموعه تسيل .. و لا حكا




.
.

[عبدالله الجودي]

‏.
.






مال عمري دون وصلک اي حلاھ
اعشـقـک مـن دون لا ادري وليش




شوفتک عندي ترى مصدر حياھ
لا تغيب ان كان تبغاني اعيش






.
.

[عبدالله الجودي]

.
.




من قال احبـك لا تصــدق كلامه
حتى تشوف من المواقف براهين




جــرب تشــوفه فـ الزعل والملامه
يشري وجودك او يبيعك على مين




.
.

[عبدالله الجودي]

.
.




‏دعـي عينيك
تخبرني عن الدنيا وما فيها
وكيف الرمش يحفظها وكيف الدمع يرويها




وكيف السحر
يسكنها ويسبـح في مآقيها
ففي عينيك أغنية أعبرعن معانيها




.
.

[عبدالله الجودي]

.
.




أجاذبك شوق وأثر الشوق طاغيني
أجتاز حد الكلام ولعثم لساني




من قاصي الوجد يالهفة شرآييني
صدر المولع يفيضك شوق و يعاني




.
.

[عبدالله الجودي]

.
.




‏لك الحبّ ولك العمر ولك الأشواق
أموت لـ ضيقتك ولـ ضحكتك أحيا




إذا ما أشتاق لك قلبي لمن يشتاق
يـ أوّل وآخر أحبابي .. بهـ الدنيا




.
.

[عبدالله الجودي]

.
.




تغيروا يا أشباه
الاصحاب عادي
حتى أنا أصلاً
مزاجي تغيّر
أهم حاجه
لا تصيرون أعدائي
ما أحب أشوف
اللي أحبه صغيّر




.
.

[عبدالله الجودي]

.
.




‏يهونون البشر ماهنت
يـ غـيـمـه كلها مـاطـر


يلوموني بصباحكـ وانت
صباحً(ن) يشرح الخاطر




.
.

[عبدالله الجودي]

.


.




‏مـن ( يـذم الناس ) ويحب الكلام
قل عقـل .. وقل علـم .. وقل ديـن






والله إن أسـمى معـاني الاحترام
إحـتـرآم الـذآت قبل الاخرين




.
.

[عبدالله الجودي]

‏.
.




ليتك ردي و أقول ماهي غريبه
لكنك أطيّب من عرفته بدنياي





.
.

[عبدالله الجودي]

.
.




إنسان يحفـظ لك حقوق العلاقه
إحفظ غلاه وخاطره وين ماكنت




في هالزمن وصل الحبايب شفاقه
واكثر قلوب الناس صارت من اسمنت




.
.

[عبدالله الجودي]

‏.
.




لا تستهين بـ ( نيـة تنوّيها )
دامك تنوّي الخير فـ انت بخير




وجمايلك فـ الناس .. لا تطريها
خل الجمايل بسم ( فاعل خير )




.
.

[عبدالله الجودي]

‏.
.




جوّ ( جدة ) اليوم مـا هو بعادي
جنّ وجنونھ يشبھ جنون الاشواق




أول صباااحه كان ممطر وهادي
والحين يغري كل عـاشق ومشتـاق

[عبدالله الجودي]

.
.




تدري وش اكثر شي لارحت يجرح
اني ما اعرف ابووح لـ انسان غيرك




.
.

[عبدالله الجودي]

‏.
.




لاني بضايق ولا هم يحزنون
لا تفسّر وحدتي بـ اللي تبي




انطويت بـ عزلتي ابغى سكون
من صخب واقعهم المرّ الغبي




.
.

[عبدالله الجودي]

‏.
.






يسعد صباحك ياصباح السعاده
يااحلا سواليف الخفوق وسكوته




القلب طفلٍ .. وسط قلبك مهاده
ماتك غلا واحساس محدٍ يموته




.
.

[عبدالله الجودي]

‏.
.




يالي تبيع الورد لأهل المواعيد
عندك لقاء للبيع و اشريه كله




.
.

[عبدالله الجودي]

.
.




‏ﻋﻼ‌ﻗﺘـــﻚ ﻛﺎﻧﺖ ﺃﻣﺎﻧـــﻲ ﺑـ أﻣﺎﻧــﻲ
أﺻﻐﺮ ﻣﻦ ﺃﺣﻼ‌ﻣﻲ ﻭأﺻﻌﺐ ﻣﻦ ﺍﻟﺸﺮﺡ




ﺩﺧﻠﺘﻬﺎ ﺑـ حـﺐ ﻭﻃﻤـــﻮﺡ ﻭﺗﻔﺎﻧـــﻲ
ﻭﻃﻠﻌﺖ ﻣﻨﻬﺎ ﺑـ كم ﺻﻮﺭﻩ ﻭﻛـﻢ ﺟـﺮﺡ




.
.

[عبدالله الجودي]

.
.




الليل موحش
واللي أوحش من الليل


صبح الخميس
ليا تنفْس
بدونك




.
.

[عبدالله الجودي]

.
.




ماطلبتك وبل مطلوبي .. رذاذ
تنتشي به نفس .. عاشت بك ضمى




.
.

[عبدالله الجودي]

.
.




بعض البشر مثل العسل والجواهر
مهما وصفته بالحلا ماله اوصاف




بعض البشر طيبه على الناس ظاهر
مايختفي مثل القمر دوم ينشاف




.
.

[عبدالله الجودي]

.
.




يوم قفى ظن مافيني حنان
ينتظر مني أنادي له و أنوح




مادرى اني باقي بنفس المكان
منصدم منه وأردد .. مايروح




.
.

[عبدالله الجودي]

.
.




في زينها ناهيه واحساسها ناهي
يستأذن الحرف قبل يمر خـاطرها




من كثر ماهي جفول وحسنها باهي
تخاف من شعرها لا ناش خاصرها




.
.

[عبدالله الجودي]

.
.




‏انتي ملاك الزين محدن يجاريك
فيك الجمال و فيك سكر زياده




يا سعد حظه منهو الي يخاويك
وجهك مضاد لشيءٍ اسمه نكاده




.
.

[عبدالله الجودي]

‏.
.




هاتي رقم شايبك الله يعافيك
ولا ارسلي رقم العجوز برساله




بشكر معاليهم على انتاجهم فيك
يا نعنبا شايبك ... محلا عياله




.
.

[عبدالله الجودي]

.
.




‏قالوا .. بأن الليـال إتـدور
إصبـر ولـو ما هـو بــودّك




غيبتـك طـــالت ثلاث شهـور
ما أشتقت لي .. إنت من جدّك




.
.

[عبدالله الجودي]

‏.
.




يـاعواذل لا احدٍ منكم يعذب روحه
والله ان حبه على حب العباد مدبّل




والله انه ساكن وسط الضلوع بروحه
واحد حكيه إشفاقه والوصوف تهبل






.
.

[عبدالله الجودي]

‏.
.




بين ابيك وما ابيك الفين مدري
وكل مدري شايله كومه عتاب




.
.

[عبدالله الجودي]

‏.
.


،


على مهلك اذا باقي حزن بالدور
انا من حقي استمتع .. بْـ احزاني




مثل ما مرّ من قلب الزجاج النور
يمر طاريك من قلبي .. و وجداني




.
.

[عبدالله الجودي]

‏..





يا فارقه عن مجمل الخفرات ربات الجمال
با صارحك وأخشى من الغيره وعد ما تزعلين



لابد اكلم شيخ من عامين في بالي سؤال
اللي خذا حورية الدنيا بقى له حور عين





.
.

[عبدالله الجودي]

‏.
.




أنا الغلطان وأدري لاتصارحني
ولا تعدد لي اخطائي وتشرحها




تماديت بجروحي فيك سامحني
ترا مرات حتى نفسي أجرحها




.
.

[عبدالله الجودي]

‏.
.




والله ان ( الأم ) منزلها عظيم
ينحني كل الحكي قدامها




بِر فيـها كـان ودك بالنعيم
يكفي الجنه تحت اقدامها




.
.

[عبدالله الجودي]

‏.
.




علموا بنت الحمولة وانصحوها
تحتشم لاتتبع أسلوب التطوّر




علموها تحترم { شيبات ابوها }
لاتهينه في سناب ولا تصوّر




.
.

[عبدالله الجودي]

‏.
.


أحبك كثر ما ينبش غيابك حزني المدفون
وأحبك كثر حبي لـ السهر و القهوه الساده


.
.

[عبدالله الجودي]

‏.
.




تعال لي كل ما مرك حزن أو ضيق
ترا أجمل شعور أني لك .. الملجأ




.
.

[عبدالله الجودي]

.
.




‏حاولت احط لغيبتك عدة اسباب
مستبعدٍ منها غرور وتجافي



من عادتك(ت ش ت ا ق) والشوق غلاب
الله حسيبك طول البعد كـــــافـــــي




.
.

[عبدالله الجودي]

‏.
.




مهما حكوا فـ الحُب
او مهما ذُكر :


انا في فصول الحُب
حتماً قد رأيت


ان المحبه ... حيثُ قال ابو بكر :
شرِب الحبيبُ المصطفى حتى ارتويت




.
.

[عبدالله الجودي]

‏.
.








ليته مثل ما جاء غريب .. أقفى غريب
ما راح قد له في الضلوع إسم ..ورسم




.
.

[عبدالله الجودي]

.
.




‏احبك والحنين ان زاد ما جابك
وبقى طيفك يمر لدمعتي هازم




تموت الذكريات ان طول غيابك
وانا ودي تغيب اكثر من اللازم




.
.

[عبدالله الجودي]

‏.
.




غير حبيبتي ..
من لي أنا يا حاسدين .. سواها؟




أنا كل إحساس جميل مسني
ما كان إلا بعض .. بعض هواها




.
.

[عبدالله الجودي]

.
.




‏مَا كساك البُعد بـ أشواق الرجوع
ولا نويت تسأل أبد عن .. عاشقك




.
.

[عبدالله الجودي]

‏.
.




ياغاية الأحلام واغلى من ألعين
هاتي كلامك معْ عذوبة سكوتك




من قبل لانغفى وانام .. وتنامين
بضمّ ( أحبّك ) واتغطّى بـ صوتك




.
.

[عبدالله الجودي]

‏.
.






سلفوني نعاس وحلم ابيض بنام
ماني قد الحنين ولاني قد السهر


.
وجه هالليل باهت والإغاني حرام
والحرام اني اسهر بين شوق وقهر




.
.

[عبدالله الجودي]

‏.
.



استلذيت الغياب وتركت اللي يبيك
مادريت إن المفارق بدايات العنا


كل حاجه في غيابك على حطة يديك
الحزن والجرح والحب والضيقه وأنا


.
.

[عبدالله الجودي]

‏.
.




قل لمن يحمل همًا
إن همّك لن يدوم


مثلما تفنى السعادة
هكذا تفنى الهموم




.
.

[عبدالله الجودي]

‏.
.




كلهم طاحوا من عيوني بـ ليله
و عادتي من طاح منها مـا يعوّض




لكن انت من البشر مـا فيك حيله
لا بغيت تطيح من عيني أغمّض




.
.

[عبدالله الجودي]

‏.
.




مر عطره وانكسر صبر الحليم
ليت يرجع من خذا القلب و رحل




ودي ابكي بس والله العظيم
ما بقى لـ الدمع في كمي محل






.
.

[عبدالله الجودي]

‏.
.




راقي وعـذب ونادر وصادق وذوق
وأروع مشاعـر شفتها بك فديتك




إن شفتني جيتك فأنا جيت من شوق
شوقي جبرني لجيّتي لك .. وجيتك



.
.

[عبدالله الجودي]

.
.




‏قلي الصراحة عتاب الحب يعجبني
وأحلى العتب يبتدي باللطف والراحة




عينك بعيني تحبني ولا ماتحبني
تداوي القلب ولا تزيّد جراحة




.
.

[عبدالله الجودي]

.
.




‏السؤال .. اللي تكرر في سطور
ودي بـ ( حله ) وفكري ما لقاه




ياترى من هو على الفرقا صبور
الرجل يا أهل الهوى وإلا الفتاه




.
.

[عبدالله الجودي]

.
.




‏لافاز الاهلي تنام الارض مبسوطه
العشب سِر ابتسامتها وفرحتها


.
الف مبروك يا ملوك




.
.

[عبدالله الجودي]

‏
.
.


⠀
للحين .. في عيني مقدّر ومحشوم
أكذب عليك أن قلت لك طحت منها !




.
.

[عبدالله الجودي]

‏.
.




فمان الله يا قصة غرام اصبحت تذكار
وقف عندها الحب وما كمل مشاويره




.
.

[عبدالله الجودي]

‏.
.




تعرف عذاريبي وتجهل عذاريبك
وانا بشر ماني بـ مرسول .. رباني




أنا على شانك ارضى في مطاليبك
يعني ما استاهل إن ترضى على .. شاني




.
.

[عبدالله الجودي]

‏.
.




قلب الزمن جبار
والعالم صغيّر
نعشق وهم ونغار
ونمل ونغير
يا زحمة الأسرار
يا دربي النير
ليش الأماني كبار
والواقع يحير






.
.

[عبدالله الجودي]

‏.
.




لمّا رأني في هواه متيّماً
عرفَ الحبيبُ مقامَه فتدلّلا




فلكَ الدلالُ وأنتَ بدرٌ كاملٌ
ويحقُّ للمحبوبِ أن يتدلّلا






.
.

[عبدالله الجودي]

.
.
‏




انت " المسا " يحلا بطيفك اذا مر
هذا وهو طيفك تخيّل تجي انت






.
.

[عبدالله الجودي]

.
.‏






تعالي .. والناس لا تدري عن الباقي
اخذيني .. لـ حيث لا اعلم ولا ادري






.
.

[عبدالله الجودي]

.
.

لو هي على زينك بنلقى مزآيين
المشكلھ بـ آلحب تعمى البصآير






.
.

[عبدالله الجودي]

‏.
.






مازال وجهك سيّد الاوقات
رغم " الغياب المرّ ب المـرّه


يمكن تخون الذاكره مرّات
ومعك أنت .. ما خانت ولا مرّه






.
.

[عبدالله الجودي]

.
.




‏صباح الشّعر يا نبض
الحنين الممتلي بإحساس


صباح الصّدق في عيون
القوافي لا نوَت رسمك




.
.

[عبدالله الجودي]

‏.
.






انا الحزين
و ما يلومون الحزين
مخنوق كن الشمس
خانت بـ الفجر


من وزّعك
بـ وجيه كل العابرين
ما فكر يجيبك
ويكسب بي اجر






.
.

[عبدالله الجودي]

‏.
.










الحب عصفور و اهديته ل طفلة
من كثر ما ضمته بكفوفها مات






.
.

[عبدالله الجودي]

.
.




‏في غفلتي مريت صدفه وتذكرت
كذبة مشآعر صآرت إليوم ذكرى






.
.

[عبدالله الجودي]

‏.
.






لاتدقق في حروفي و الكتابه
ولا تفسر كل كلمه و محتواها




جيت افضفض دون قيد ولا رتابه
وماحسبت حساب للناس وهواها






.
.

[عبدالله الجودي]

‏.
.






ياليـت للعشـاق تـامين شـامـل
يحمل تكاليف اصطدام ..المحبين




أما يشيل الحادث ...بشكل كامل
أو يقسم الأضرار 50 / 50



شاعر الصناعيه



.
.

[عبدالله الجودي]

‏-





.
.




لكن الخطا مني انا اللي خطيت كثير
تخليت عنها .. لين كرهتها فيني






.
.

[عبدالله الجودي]

.
.




‏أنت متغيّر بس علمني وش فيك
حتى معاملتك معي لك عليها




أكّد لي أنك ما تبيني و أخليك
الحاجه اللي ماتبيها ما أبيها








.
.

[عبدالله الجودي]

‏.
.




سبحانك ربي ما أرحمك




أنا مذنب أنا مخطئ أنا عاصي
هو غافر هو راحم هو كافي




قـابلتُهـن ثلاثـةً بثلاثـةٍ
وستغلبنَّ أوصافُه أوصـافي






.
.

[عبدالله الجودي]

‏.
.




مفضوح تقراه حيل بعين أبياته
يقول أبستر و لكن ما قدر يستر




الشاعر ليا عشق يحيي .. جماداته
( يسهر معَ شارع و يحكي على دفتر )






.
.

[عبدالله الجودي]

.
.






‏تغض العطف عن قلبي وانا محتاج
و تغرس في تراتيل الشّعر غصّه




و انادي والدّموع بمحجري أفواج
دخيلك ردّ لي قلبي و لو نِصّـه






.
.

[عبدالله الجودي]

‏.
.






ياغاية النفس ياشفي ومطلوبي
من يوم ماغبت عني والفرح ولا




واليوم ابنشدك قبل اغير ادروبي
هو فيه نية لقاء من بيننا و .. إلا


.
.

[عبدالله الجودي]

‏
.
.




مَا سالتك عن غيابك والظروف
لاني ادري مَا لها عندك سبب




ولا ابي اسال وتعطيني حلوف
خايف ذنوبك يزودها الكذب






.
.

[عبدالله الجودي]

‏.
.


الى امي :






يا جعل راسي فدا ماطاك وسنينك
لامن رضيتي عليّ كن بيدي العالم


.
واليا انحنى جسمي وقبّلت رجلينك
احس كني البسيط الشامخ الحالم






.
.

[عبدالله الجودي]

.
.






‏نسيت بك طعم الحزن
ليتك حبيبي من زمان






.
.

[عبدالله الجودي]

‏.
.






يا قلبي أدري فيك طاهر وحسّاس
لا باس وإن كانت جروحك كثيره




حزنك و ضيقك وإنعزالك عن الناس
صدقني إنها بعض الأحيان خيره






.
.

[عبدالله الجودي]

‏.
.






انت القوي بكل شي ... إلا الوصـل
وأنا الشجاع ب كل شي إلا الوداع






.
.

[عبدالله الجودي]

.
.






‏العسل مايطرحه غير النحل
الغريب انك بشر طرحك عسل




انت وصفك لغز لكن دون حل
من يشوفك ينغسل مخه غسل


‎


.
.

[عبدالله الجودي]

.
.




‏أنا انتظر شوفك واسامر طيوفك
متى بمعروفك تعود .. لدياري






.
.

[عبدالله الجودي]

‏.
.




لو ترجعين
وأعلمك ليه المطر بعدك حزين
ليه السوالف اظلمت وكل الحكي يزفر أنين






.
.

[عبدالله الجودي]

‏.
.




بيننا سور بُعد وبيننا باب حظ
يكسر الشوق سور ويفتح الله باب






.
.

[عبدالله الجودي]

.
.‏




لي صاحب صامت وفي نظرته فنّ
يقرأ أبياتي ويعـرف مزاجــي




ما اقول كاهن ويتعامل مع الجـنّ
حسّاس والحسّاس ماله عـلاجـي






.
.

[عبدالله الجودي]

‏.
.




الجو فيه أنت .. وأنت مع الغـيم
ليه العذاب الجو بلحاله .. أغراء


المفروض يصدر فيك يازين تعميم
الحلو ما يطلع مع .. حلو الأجواء






.
.

[عبدالله الجودي]

‏.
.




أنت فرصة حُـب جات بوقتها
مستحيل أرضى من ايديني تضيع



وأنت فرحه كنت أبيها ونلتها
ياللي تكفيني عن العالم جميع






.
.

[عبدالله الجودي]

.
.


الثوب لا ضاق يستبدل بثوب
بس الصدر لا ضاق وش هو بديله






.
.

[عبدالله الجودي]

‏.
.




في سواليف العشق و الحنان
لازم تسمع (كلمتين) تجرحك




فــ البداية ليت أعرفك من زمان
وفــ النهاية ليتني ماقد عرفتك




.
.

[عبدالله الجودي]

‏.
.






على ايش زعلان وعتابك على حيله
ترى القـدر يا الغلا في دربنا .. ذبـك






ما هو بكيفي واحط الحب واشيله
لـو هـو بكيفي قسم بالله ما احبك






.
.

[عبدالله الجودي]

.
.




‏همسك بعطر الورد مترف وغرقان
مدري هو أنت العطر أو العطر فيك




أعزف مسانا شعر بإحساس فنان
وأنا بروعة ها المساء جيت أمسيك






.
.

[عبدالله الجودي]

.
.




‏من عيوني خذ مراسيل الغرام
كان تفهم في غلا حب العيون




معك أنا مقدر على لفظ الكلام
وانت تعرف في حياتي من تكون






.
.

[عبدالله الجودي]

‏.
.








وان رحلت لغربتك خذني معك
ترى الحضور بغيبتك جداً حزين






.
.

[عبدالله الجودي]

‏.
.




غلاه فيني مستقر في البطينين
في داخلي حبه يكون خلايا




صرناجسد واحد سكن فيه روحين
غلا سيامي فاق كل المزايا






.
.