ذااائقة ... عبدالله

[عبدالله الجودي]

لا تسولف لـ الوجيه ولـ السما
بس سولف لي انا منهو اكون

انت اصلا نور .. في ظلمة عمى
او بلاش من العمى انت العيًون

[عبدالله الجودي]

ما ذبحني فيك .. غير الإتيكيت
مـع برستيجك ، إلى ما لا نهايه

التناسق بـ الخطاوي لا مشيت
كنك تسوّي لـ بتهوفن ، دعـايـة

[عبدالله الجودي]

كنت اسولف وقلت اسمك بـ الغلط
احسب اني يا الغلا ( جالس معك )

واللي سمعني ضحك ثم قال بـ عبط
اسلم .. اسلم .. دام محدن يسمعك

[عبدالله الجودي]

بين ظرف الزمان وبين ظرف المكان
مبتدأ الحب مرفوعٍ بنصب الخبر

خايف يكون قلبي مثل مفعول كان
وخايف إنك عنيد وماتكذّب خبر

[عبدالله الجودي]

العماا لعيون من يبغض عيونك
وأنت عيونک سم .. بسم الله عليها

سعد عين اللي يمـرون ويجونک
ولا أنا لو جيت صوبک رحت فيها

[عبدالله الجودي]

أنا ياليل في صدري حكايه
حكاية صمت تبكي للكلآم


أنا مدري بدايه أو نهايه
كتبها الحزن واخفاها الظلآم

[عبدالله الجودي]

شفتك و أخذني جمالك لين ودّاني
خارج نطاق ( أسئلتنا .. الطبيعيّه )

عندي سؤالٍ غريب و ما معه ثاني
انتي { فوتوشوب ولاّ انتي حقيقيّه }

[عبدالله الجودي]

طاح الحطب والخواطر زال مافيها
ياحلونا ياحبيبي لا تصافينا

كلمة زعل ماابيك تجيب طاريها
وشلون نقدر نعيش ان ماتلاقينا