أبيات يتيمة ,, { صفحة لكل قافية يتيمة }

[سلطان عتيق الحربي]

ماتمد يمنى الطيب يامعذرب الطيب=ماعذربو بالطيب .. سادات الاقوام
زحول الرجال اللي عن الشك والريب=سجلهم خلد .. تواريخ وارقام
وانته حثالة وقت .. كلك عذاريب=ضعيف دين .. ومنقع ذنوب واثام
لا عقل لاواقع .. ولامنطق يجيب=الصمت لاشباهك .. وعضات الابهام
والعز ماخالط .. هل الكذب والعيب=وافعال تنبذها .. تعاليم الاسلام
اهل النفاق .. وخاينين المواجيب=تكرم عن لحاهم .. بهيمات الانعام


سلطان الشوق

[أنور السيفي]

تصفحيّ آخر رسالة فبريدي
وتذكرّي عهد ٍ بنيتي زواياه

أقولها في كل وقت ٍ وعيدي
العيد أنتي لاعدمنا مزاياه

[نايف الروقي]

يمر بك موقف ماتدري وش تقول
يغلب عليك الصمت وتصد ساكت.
:
حتى تسمع قولة فلان مبدول
ماهمهم شوكة بالاعماق شاكت.
:
الروقي ..ن..

[سلطان عتيق الحربي]

عشقي لكل معنى بادق التفاصيل

للحين باسبابه .. ولاحدٍ ملى العين

ويتوه من يطلب لما قلت تحليل

في جوهر المعنى تضيع التفاصيل


سلطان الشوق

[نايف الروقي]

ممكن نفس واحد يوزع على الناس
وعندي نفس واحد.
هاك اعتراف الدمع في ذمة الكاس
قبل المسا جاحد.

[عبدالله العتيبي]

لا تغير نظرتي بك دام في حبي بقية
الوجاهه بالمشاعر ماتزيفها الوجاهه.؟!!
الزمن دولاب يجري ونية الواقع خفية.؟!!
والليالي بين طرفة وإختها تبدل صفاهه
ماكتبتك في حياتي من حروف الأبجدية.؟!!
لغزك الدامي بقلبي بالشهد تقطر شفاهه

[بدرية البدري]

بعدك سقط مكسور صوت العصافير
من يومها ما طار بالقلْب احساس

طافت بصدري أمنيات وْمشاوير
ذرّيتها للريح يعصف بها اليأس

[مشهور القليطي]

انا في داخلي ضد ومزيج من الامل والياس=وصوت لصمت في بحة حبالي خيب آمالي
مثل ذيك الجذوع الي خشبها حاملات الفاس=قطع جيد الشجر الي يشيل الحمل لامالي
يجيني حامل الهوجاس اذا نامت عيون الناس=واذا حل الظلام الي حزينة فيه احوالي


مشهور القليطي
فكرة الشطر الاول من البيت الثاني
مقتبسه من بيت للشاعر زياد بن نحيت