نافذه !

[سعيد الموسى]

أنا مااعتب على المقفي !
عساك بخير ياسلمى!
بس إنه داخلي ... منفي!
مصير اللي روى ... يضمى!

[سعيد الموسى]

الليل هذا فمّ مليان بالإثم!
وصدري مثل بار إمتلى بالسكارى!
طفل الحكي يركض ولكن تلعثم!
الله يعلم بالحزن .. لو توارى !

[سعيد الموسى]

لاجيت تحكي عن تصاريف الايام!
لقيت نفسك تشكي أصحاب واقراب!
يابن الأوادم وش على الوقت ينلام؟
العيب في ناسٍ غدو مثل الاذناب !

[سعيد الموسى]

والله ماردتك على درب الأنجاس!
مير الزمن واقف بدربي ودربك !
قد قلت لك أبغاك من بين هالناس!
عزالله إني ماكذبت .. وأحبك !

[سعيد الموسى]

كل غصنٍ مال ساري!
وكل جفن ٍ حن ... سالي !
وكل من هو قال " داري"
فاقدٍ له شخص غالي !

[سعيد الموسى]

يارب لاضاقت فـ انا عبدك أذنبت
سبحانك اللهم " ترزقني رضاك
يارب عفوك ... وإن تماديت واسرفت
إنت الكريم ولاخسر من ترجّاك

[سعيد الموسى]

من أنت؟
أنا؟
نعم أنت !
أنا الشعر!
من أين أتيت ؟
ولدت في غيمة ، تزوجت ب فكره ، وأنجبت منها طفلة !
أسميتها : قصيده!

[سعيد الموسى]

الفراق؟ الله ياااا مقسى الفراق !
جمرة ٍ وسط الضلوع .. ولاطفت !
كل ماتسهى ذكرت آخر عناق !
مافقدت أنثى ، قل الناس أختفت !