النهر الجاري مسودة خاصة .؟!!

[عبدالله العتيبي]

راحت بعد وإلا بعد ماراحت
ذكراه مثل الورد في حياتي
..
💔
عبدالله العتيبي

[عبدالله العتيبي]

يمديك ترجع بس ماظن يمديك!
ترجع لعرشك في
مرابع خيالي

[عبدالله العتيبي]

وقـفـنا على ميهاف
وقـتٍ ملاه الجور
أخـذ كل شيٍٍء زين بالـكـون وانحابـك
حـقـيـقـة غيابك كانت
القاتل المأجور
قتلني وانا في سكرة
الشوق لهدابك

[عبدالله العتيبي]

طنْ بذني هاجس الشعر وكتبت
واجمل بيوت القصيد مسوبعه
من اول الفرسان لامني ركبت
إسرج خيول الشعر للزوبعة
العرب ناموا وانا بعيني لعبت
لعبت الشطرنج والقلعة سعه
ومات فيل الصبر يوم اني شطبت
الوزير وطاح جندي يتبعه
ماعلى الدنيا عتب ولا عتبت
والخطأ مردود لوبه منفعه
شابوا من الوقت قبلي ثم شبت
والطريق اللي مشوا امشي معه
بس ليتي بترّهت وقتي نشبت
ولا نشبت بتُّروهات الإمعة

عبدالله العتيبي

[عبدالله العتيبي]

لا تعتذر ياصاحبي لو تعذرّت
مايجبر المكسور رد اعتباره

مانت الوحيد اللي علينا تغيّرت
ايامنا قبلك تغيّر مساره

[عبدالله العتيبي]

لا تنشد عن علومي ماعاد فيها علوم
الظاهر الوقت هذا .. يكفي الظاهر
الوضع ياصاحبي على بني المرحوم
ماغير ذكرى تكرر .. وجهه الطاهر

[عبدالله العتيبي]

خذ من ضناي أحلام
طيش العصافير
ماعاد لي في بعض
الأحلام حاجة
وماعاد لي رغبة
بكثر المخاسير
يكفي زماني
مقتفيني عجاجة

[عبدالله العتيبي]

تأخذني الفكرة
واجي حلم عابر
تتعب مسافات
العمر به مشاوير
قد همت في بحر
الهواجيس باكر
من اول بداية الهوى
يوم انا صغير
مامرني نسيان
الأحلام فاكر
ولا زلت اردد رغبتي
للعصافير
واهمس لها عن
تمتمة شف خاطر
قبل تهز اغصانها
الريح وتطير