المساعد الشخصي الرقمي

مشاهدة النسخة كاملة : النهر الجاري مسودة خاصة .؟!!

عبدالله العتيبي
06-16-2016, 03:01 AM
النهر الجاري ــ مسودة خاصة بـ ايتام أنفاسي

1437
رمضان المبارك
عبدالله العتيبي
06-17-2016, 01:04 AM
كلما لم لمت نفسي للرحيل ,.؟!!
انتهت خطوات رجلي في اثرك
وابتدت في سكة الدرب الطويل
والجفاف اللي تعب يتبع مطرك
عبدالله العتيبي
06-19-2016, 12:21 AM
عندما إمتلئ وعاء الايام بالشوق
وفاض الحلم
اسدلت على الليل من عدم الرحيل
سربال ...
عبدالله العتيبي
06-19-2016, 04:46 AM
هز المواجع خلها تسقط جروح
ولا تسأل الأموات هو ليه ماتوا
مافيه من يوجس ألم غير مجروح
ولا سهر يوم المخاليق باتوا.؟!!
عبدالله العتيبي
06-19-2016, 11:03 PM
اسالك عن كل ما اريد ان اقوله فاجبني انت
فانت مني ...
عبدالله العتيبي
06-19-2016, 11:04 PM
ليت الزمان بلحظة عناقنا .نام
و ياليتنا من نومته .. ماصحينا
طبع الليالي ماتخليّه ... الأيام
بعد الضياء صبت سواده علينا
او .. ليتنا يوم ألتقينا . بالأحلام
ويومن صحينا بالحقيقة سلينا
عبدالله العتيبي
06-22-2016, 11:05 PM
بعض الأماني طيور صغار
لا نفّضت ريشها طارت.؟!!
عبدالله العتيبي
06-22-2016, 11:12 PM
طاح الفجر من بعدهم في غروبي
وأثمر نهار الروح من دوحة الليل.؟!!
عبدالله العتيبي
07-04-2016, 12:20 AM
ابعد من الناس لي واقرب من أنفاسي
وآخر غلا في حياتي واول الغالين.؟!!
عبدالله العتيبي
07-16-2016, 04:16 PM
عطشان والدنيا سرابه من القوم
وماجا عـزيز القوم قبل أمس جاني
|"|
بعض الألـم يأخذ من أعمارنا يوم
وبعض الألم يأخذ مـن العمر ثاني
|"|
انا الحزين اللي سـرقه السهر نوم.؟!!
وطاحت من أجمل غصن خضرة زماني
عبدالله العتيبي
07-20-2016, 04:13 AM
إحساسي بحبك رغم كل ماصار.؟!!
ورغم السنين اللي مضت ما تغيير
عبدالله العتيبي
08-25-2016, 06:00 PM
تدرين يا بنت الترف ليه ونيّت.؟!!
وكسيت عجز الحزن والصدر عاري
|"|
خايف يجيني يوم واقول ياليت.؟!!
وقتٍ جمعني فيك كان إختياري
|"|
إحساسي بحبك دعاني ولبّيت
بيمناي روحي والخفوق بيساري
//
وجيتك مطر تسوقني لك تناهيت
وربيع زينك كان غاية مساري.؟!!
عبدالله العتيبي
08-30-2016, 12:59 AM
من طاح من عين إنتظاري والوصل
ما شاله الخافق على كف اللقاء.؟!!
عبدالله العتيبي
07-03-2018, 04:34 AM
اهاتي اكبر من سواليف الغرام
وارقى من حروف الغزل والحالمين
احدن مرق هالوقت والدنيا سلام
واحدن مرقه الوقت بالدنيا حزين
عبدالله العتيبي
07-06-2018, 06:47 AM
يمسحني الدرب وارسم خطوة احزاني
فضل إعتراف الجروح بقلبي يكرّه

.?!!
عبدالله العتيبي
07-09-2018, 04:24 AM
جرحي قديم وكل ماقلت له طاب
عوّد على روحي بخيله ورجله
//
الله حسيب مجدد الجرح معطاب
الله حسيبه وكل مابي من اجله
عبدالله العتيبي
07-23-2018, 09:37 AM
سبحان من حط
الامل في حياتي
مثل رقم ناقص
رقم يطلع ثنين!
//
وإلا تعال اقرأ
العزاء في وفاتي
واللي فقد روحه
تجي روحه منين؟
//
في مفترق مجهول
طاحت عصاتي
وعميت عيون اللي
فقد شوف غالين
//
ومابين حزنٍي
مشبعه ذكراتي.؟!!
ومابين حاضر ظميت
النفس والعين
عبدالله العتيبي
10-06-2018, 01:42 AM
يمرني طيفك اذا عسعس الليل
والمس بكفين الأماني كفوفك
عبدالله العتيبي
02-05-2019, 10:18 AM
بكيفك رح متى مابغيت
بس لا ترجع الى منك بغيت
عبدالله العتيبي
02-16-2019, 02:25 AM
نجـمـة بُـعـد حسبتها نجمة أشواق
وبالـفعل طاحـت نجمته من سمايه

كنــا نـذوب عـنـاق وعـنـاق وعـنـاق
وهــذا الـمـسـاء ذبنا بكأس الـنـهاية

وأمسى شـعـور الهم محتل الأعماق
وركـز بـسـطـح الـقـلـب للـحزن رآية

وحتى الدمـوع اللي تسابق وتنساق
أزريـت أحـوش سـبـاقـهـا فـي ردايـه

أنـفـاس فـرقى حـرّها يـحرق إحراق
وضـم ويـــديـنـن مـــن وراه ورايـــه
عبدالله العتيبي
02-17-2019, 12:18 AM
تقبل وتقفي خطوتي فيك الأتعاب
ونار الـزمـان اللي فـراقـك يـشـبه

تـغـيـب تـبـعـد تأخذك عني أحباب
مـالـك بـدالي لــو تـدور الـمـحـبة

قلبي سكر حبك بكاسات الإعجاب
وشـوق ولــه يـذكـيـه بالقب حبه

أدفـع بـقـدر إمـكاني انساك واغاب
لأن الفراق إن طـب يبطي مـطـبـه
عبدالله العتيبي
02-26-2019, 08:27 PM
صحيح أحبك وأعشقك وآتمناك
لكن أحب أهواك بسلوب هادي

وإذا طرالي يوم وأشتقت لقياك
جعلت ذكراك الجميلة وسادي

أكبر عيوبي كل ما قلت ابنساك
أصغر حروفك لاذكـرت البعادي
عبدالله العتيبي
عبدالله العتيبي
02-27-2019, 11:55 PM
ألف سبوع
..

ذبلت البارح بدرب
الأماني والعيون دموع
تطيح بحسرة سنين
العمر والعمر من دونه
.
غريبٍ حارب الدنيا
رحل والمسلمين هجوع
وحيدٍ في متاهات الزمن
والسلم بعيونه
.
ركع خلف الجفاف الملح
راهب ينتظر ياسوع
دمل وجه إنتظاره
من كثر ما شافت عيونه
.
حفيف التيه يجثو
في تفاصيله
من ألف سبوع
رضخ للحزن مجبر
من تحت رجليه
لمتونه

عبدالله العتيبي
عبدالله العتيبي
03-02-2019, 03:08 AM
صباح الخير ياقلبٍ
غمرني بالحنان وغاب
صباحك شـهـد يا أول
غرام وآخر أحبابي

تراني مـانويت اجرحك
لكنّ الزمـن غلاّب
وقـف مـابـيـننا وأقفت
ركايبكم عن ركابي

تفاصيلك مــن الخلخال
حتى زهرة العنّاب
حـربٍ بعـثرت شملي
ولا فـادتني حِرابي

عبدالله العتيبي
عبدالله العتيبي
03-03-2019, 11:39 AM
معك المساء يشبه لغمّازة الزين
في خد من قلبه من الحب خالي
عبدالله العتيبي
03-03-2019, 01:56 PM
مـن قـسـوة الأيـام لـعـبـة فـراقـه
تـظـن جـرح أرواحـنـا لـعـبة فــراق

الـلـي مـلـكـنـي بـالـدلـع واللباقة
أخلاق في قربه وفي بعده أخلاق

لـه مـن مـسائي كـل مـابـه أناقة
ولـه مـن عـبـيـر الورد والفل مالاق
عبدالله العتيبي
03-04-2019, 11:07 PM
وش صار في دنياك ياعطر الأنفاس
وش صار في شكواك من قل نومك
عبدالله العتيبي
03-04-2019, 11:28 PM
[url=http://up.dll33.com/]http://up.dll33.com/uploads/1551734811071.jpeg
عبدالله العتيبي
04-20-2019, 11:18 AM
http://www.ab33ad.info/up/uploads/images/ab33ad.info-14a20c8180.jpeg (http://www.ab33ad.info/up/uploads/images/ab33ad.info-14a20c8180.jpeg)
عبدالله العتيبي
04-21-2019, 03:07 PM
http://www.ab33ad.info/up/uploads/images/ab33ad.info-e02bc2ef5d.png (http://www.ab33ad.info/up/uploads/images/ab33ad.info-e02bc2ef5d.png)
عبدالله العتيبي
04-29-2019, 06:09 AM
يابذور الشعر في صحراء زماني وين روحي
مافقدت من القصايد غير روحي يارفيقه
وماكتبت الشعر متوقع من الصامت يبوحي
بس حرفي يرسم الماضي على وجه الدقيقة
..
عبدالله العتيبي
05-12-2019, 02:40 AM
ياصاحبي اقفيت ماقلت لي ليش
غادي وانا من قبل ما جيك غادي
حنا بشر نخطي على قد مانعيش
لـكـن نـمـوت ولا تـمـوت الـمـبادي
كمل طريقك عش حياتك وانا اعيش
لـكـن تـــذكـــر نــاب الأيــــام بـــادي
لابــد مــاتـنــدم عـلـى غـزّة الـريـش
وتـذوق ما مدت يدين التمادي

عبدالله العتيبي
عبدالله العتيبي
05-18-2019, 12:52 AM
راحت بعد وإلا بعد ماراحت
ذكراه مثل الورد في حياتي
..
💔
عبدالله العتيبي
عبدالله العتيبي
05-20-2019, 12:50 AM
يمديك ترجع بس ماظن يمديك!
ترجع لعرشك في
مرابع خيالي
عبدالله العتيبي
11-03-2020, 12:18 PM
وقـفـنا على ميهاف
وقـتٍ ملاه الجور
أخـذ كل شيٍٍء زين بالـكـون وانحابـك
حـقـيـقـة غيابك كانت
القاتل المأجور
قتلني وانا في سكرة
الشوق لهدابك
عبدالله العتيبي
08-14-2021, 04:49 AM
طنْ بذني هاجس الشعر وكتبت
واجمل بيوت القصيد مسوبعه
من اول الفرسان لامني ركبت
إسرج خيول الشعر للزوبعة
العرب ناموا وانا بعيني لعبت
لعبت الشطرنج والقلعة سعه
ومات فيل الصبر يوم اني شطبت
الوزير وطاح جندي يتبعه
ماعلى الدنيا عتب ولا عتبت
والخطأ مردود لوبه منفعه
شابوا من الوقت قبلي ثم شبت
والطريق اللي مشوا امشي معه
بس ليتي بترّهت وقتي نشبت
ولا نشبت بتُّروهات الإمعة

عبدالله العتيبي
عبدالله العتيبي
10-13-2021, 04:35 PM
لا تعتذر ياصاحبي لو تعذرّت
مايجبر المكسور رد اعتباره

مانت الوحيد اللي علينا تغيّرت
ايامنا قبلك تغيّر مساره
عبدالله العتيبي
10-20-2021, 10:10 PM
لا تنشد عن علومي ماعاد فيها علوم
الظاهر الوقت هذا .. يكفي الظاهر
الوضع ياصاحبي على بني المرحوم
ماغير ذكرى تكرر .. وجهه الطاهر
عبدالله العتيبي
10-25-2021, 08:10 PM
خذ من ضناي أحلام
طيش العصافير
ماعاد لي في بعض
الأحلام حاجة
وماعاد لي رغبة
بكثر المخاسير
يكفي زماني
مقتفيني عجاجة
عبدالله العتيبي
10-28-2021, 11:55 PM
تأخذني الفكرة
واجي حلم عابر
تتعب مسافات
العمر به مشاوير
قد همت في بحر
الهواجيس باكر
من اول بداية الهوى
يوم انا صغير
مامرني نسيان
الأحلام فاكر
ولا زلت اردد رغبتي
للعصافير
واهمس لها عن
تمتمة شف خاطر
قبل تهز اغصانها
الريح وتطير
عبدالله العتيبي
11-12-2021, 09:07 AM
قبل مافكرت في معنى الضياع
وﻻحسبت اني ابد يمكن أضيع
لين ضيعني على دروبه وضاع
ليتني ياليتني ماكنت أطيع.؟!!
عبدالله العتيبي
10-19-2022, 10:36 AM
ياعل من لامني بطرق الهوى يدري
عن قاسي الوجد لاحانت مواعيده
الشوق شملٍ تجمّع في فضاء صدري
حتى شيوخ الشمل فكت مقاريده
وامسيت بين انتظار الوصل من بدري
والجمرة اللي بجوفي من مواقيده
عبدالله العتيبي
09-11-2023, 11:54 AM
تواصلوا قبل الموادع والاحزان
مدامكم عن سنة الموت تدرون

قبل الفراق اللي الى الان ماحان
وان حان مايمديكم الوقت تكفون

تسامحو ترو الزعل موت الاخوان
لو انهم في كل وادي يهيمون
عبدالله العتيبي
09-12-2023, 10:49 AM
وقفنا على ميهاف وقتٍ ملاه الجور
اخذ كل شيء زين بالكون وانحابك
حقيقة غيابك كانت القاتل المأجور
قتلني وانا في سكرة الشوق لهدابك
عبدالله العتيبي
09-20-2023, 09:34 AM
من بقاياهم ضلوع الهم عاشت
ماحسبت اني على الفرقا قويت
عبدالله العتيبي
04-29-2024, 08:49 AM
دارت دواليب الزمن والدهر دار
ودرنا مع الايام من يوم درات
صار الونس دقة قديمة وتذكار
وأجمل ليالنا سرت وإستدارت