مطر مطر

[سليمان عباس]

مايجيك الباس
يا اغلى البشر والناس
من سمعتك طبت
والاحساس طاب
يا حلا ( لاباس)
لا جتني
من اغلى الناس 🌹

[سليمان عباس]

المشكله ماهي بغيابك وشوقي
المشكله انك في تخفيك مفضوح

[سليمان عباس]

صباح احساسك المرهف
مع الآلام
مع الانغام
وعز بداخلك هفهف
صباحك اشتياق الطين ضم الطين ..!
صباحك روح
من سمعت صياحك
رددت آمين
صباحك ما اعترف باحياء
صباحك غرّد لأمواتنا الحيين

[سليمان عباس]

وتدري ....
ولا غيرك
احد يدري
مدينة ... ساكنة صدري
وضوضاء الضياء يقول :
(اصحى تنام
اصحى تنام
وحط راسك على ..
فجري..!
تركت الشوق
لك حارس
يشاغب ....
لليلك الداكن
انا المطرود عن دربك
وانا الساكن...!)

[سليمان عباس]

اختصر هم اعتذار
بدّل احزانك فرح
يعني قلي ويش صار ؟!
قلب حبك وانجرح
ما يهم عيونه تبكي
وتذرف الدمعه بحضورك
وما يهم الآهـ تشكي
المهم ترضي غرورك
كنت متأكد وعارف
ان خلي طار جارح
وانت متأكد وواثق
قلب لا تجيني بسامح
رغم شدة حر نارك
راضيٍ عنك ضميري
مافي داعي لإعتذارك
خلي اعذارك لغيري


من الارشيف العتيق

[سليمان عباس]

كانوا هنا
استاكوا بانواع الأراك
من قبل لـ يقولوا هناك
عاشت مدن
تحت المدن
تسند وجود الحاضرين
يا هو عطا
ما مل يوم
ولا نقص
ولا انتظر
مرّه صدى
ذراتهم صار يتناقلها المدى
متواريه في الأكسجين
ولا حملهم للعطا
الا المحبه والحنين
حتى غدينا دون ما نشعر ..هنا ...!
مهما نعمّر من مدن
ونختال واحنا ماشين
لا زال تسندنا مدن
تحمل قلوب العاشقين

[سليمان عباس]

على رسلك ..!
رووووق وهدّي ..واستهدي..!

من شفتك .
تمنّاك اللي بأعماقي
لأنه يوم ما شافك
سألني
وقلت له بدهشه
انا ماشفت احد مثله
ولاكن وينك ... وينه
ولاكن...... لاكن .... ولاكن
الى ان شافه بعيوني ...!
والى ان شفتني بعينه ...!

[سليمان عباس]

هنا باقي
اغني شي
دفنته حي
بأعماقي
واهملته
تمسك بالحياة وصار
يا كلني ويشربني
نحلت ... ونشفت عروقي
وطال احساسه انفاسي
وتوعد ..! ( تونا بدري)

يااااا هو حيل اتعبني
وهو يدري ..
ولا غيره
احد يدري
مدينة ... ساكنة صدري
وضوضاء الضياء يقول :
(اصحى تنام
اصحى تنام
وحط راسك على ..
فجري..!
تركت الشوق
لك حارس
يشاغب ....
لليلك الداكن
انا المطرود عن دربك
وانا الساكن...!)