قلوب من زجاج

[راشد مقبل]

قفّت بي الدنيا من الحزن للبيت
واذا سألتي كيفك؟ أقول طيّب

ومهما خذتني منك الأيام وأبطيت
أنتي من إحساسي وقلبي قريّب

[راشد مقبل]

فيني مزاجيّه وليدة ( ضما وقت )
عايشتها لين أزعجت تقنياتي

ياكثر ماني في طرفها تعلّقت
لين أحرمتني من فرح مغرياتي

[راشد مقبل]

خوفي عليك وحبّي الوافر الجمّ
خلوني أكسر لهفتي في غيابك

بعدك ماعاد أحسّ به شيءً يهمّ
خطواتي أكثر لاتقف .. عند بابك

[راشد مقبل]

ياعابره فالطريق بعبرة . . العابرين
ماياخذ القلب من مشهاه غير العنا

لو يسقي الغيث دار المُتعبين سنتين
من وابل الغيث ماندري من اللي جنا ؟

إن شفتي إنك بديتي للزمن تنحنين !!
تصبّري بالدموع وقولي الله .. لنا

ماعاد أبسأل عليك ولامتاك بتجين ؟
لو كنتي لظلمة أحلامي ملاذ وسنا

[راشد مقبل]

تعالي واكسري القلق والخوف والحرمان
تعالي جدّدي روزنامتي وإحتضني أهدابي

وربّك مابقى في سدرة أحلامي من الأغصان
سوى غصنً طيوره تندهك وتفزّز أعصابي . .

[راشد مقبل]

لو كان شوقي طفل يمكن تشوفينه
على حنين الشوارع يربك أرصفتي

مكبوت ! وأكثر من اللي ماتعرفينه
مافيه فقدً يمرّ . . . . الاّ بمعرفتي

[راشد مقبل]

بديت أحسّ بوجودي يربك أحلامي
بديت أضيّع . . وجودي يامدوّرني

فيني من الحزن مايكسر لي عظامي
ملعون أبو جدّ حزني .... مايقدّرني

يافلاش الأوهام لايغريك هندامي
أنا أتوجّع ليا شفتك . . تصوّرني

في خارجي يستريح المتعب الدامي
وفي داخلي قلب ب إحساسه يعوّرني

يطوّلني الليل لامن حنّ ل أيامي . .
والصبح (فقر الحياه أغبر) يقصّرني




راشد مقبل

[راشد مقبل]

على شبّاك قلبك مال غصن وبك تغنّى طير
يبي واسع فضاك (يحسّ فيه)ويفرد جناحه

ذكرك اللي نسى نفسه/ نساك اللي مهو في خير
عطاك الله كثير من أجمل الأيام والراحه