اوراق مبعثرة!!!

[محمد علي الثوعي]

قالت احبك قلت ياباشة الغيد
..........ادري ولكن مجتمعنا منعنا

قالت احبك قلت سور التقاليد
..........سوى حواجز بيننا وانقطعنا

في سابق الايام كنا اجاويد
..........احباب من نزف المشاعر صدعنا

عذبنا شباك السهر بالمواعيد
..........ياكم نسولف ليلنا ماشبعنا

حنا قطفنا حاليات العناقيد
...........في غيبة الحساد محد ٍ سمعنا

قصة غرام اثنين عشنا مطاريد
..........نسيت كلي. معك. لو كنت معنا

امالنا مركب سفر طافت البيد
..........عزم الشباب اللي تحدى ودفعنا

واليوم من كثر. العتب والمناقيد
..........ماعاد. نسأل عن سبايب .. وجعنا

احلامنا شابت وكانت. مواليد
..........والياس دربه ياعيوني جمعنا

يمر. يوم العيد ماكنه العيد
..........وين الفرح. والحب ياعيد ضعنا

محمد الثوعي

[محمد علي الثوعي]

ياللي تعذرب..فالرجال الطحاطيح
اهل الكرم . والطيب. عز. ورجاله

من ينطحون العاديات المجاميح
من يعشقون الصعب ربع الجماله

انشهد انك . غادي . العقل ومريح
مافيك . غير .. البربره .والفساله

لا تذم منهم مثل .نور . المصابيح
بيض اللحى.. بالفعل .ترفا .الخماله

اقولها ..والوضع يحتاج.. تصحيح
بعض .. المفاهيم الجديده.. هباله

حنا ..قبايل ...مبعدين... المشاويح
لو الرجل ... منّا ... مايملك...رياله

يكرم ضيوفه من عشق هبت الريح
يشب ....ناره... من.... يبهر.... دلاله

ويقدّم ..الميسور .. زاد ... المفاليح
رحّب و هلا ...ياعسى الطيب..فاله

هذي ...عوايد...للرجال... الزحازيح
خلك..في..حالك..ياضعيف. الشكاله


#محمد_الثوعي

[محمد علي الثوعي]

ياللي تعذرب..فالرجال الطحاطيح
اهل الكرم . والطيب. عز. ورجاله

من ينطحون العاديات المجاميح
من يعشقون الصعب ربع الجماله

انشهد انك . غادي . العقل ومريح
مافيك . غير .. البربره .والفساله

ذميت منهم مثل .نور . المصابيح
بيض اللحى.. بالفعل .ترفا .الخماله

اقولها ..والوضع يحتاج.. تصحيح
بعض .. المفاهيم الجديده.. هباله

حنا ..قبايل ...مبعدين... المشاويح
لو الرجل ... منّا ... مايملك...رياله

يكرم ضيوفه من عشق هبت الريح
يشب ....ناره... من.... يبهر.... دلاله

ويقدّم ..الميسور .. زاد ... المفاليح
رحّب و هلا ...ياعسى الطيب..فاله

هذي ...عوايد...للرجال... الزحازيح
خلك..في..حالك..ياضعيف. الشكاله


#محمد_الثوعي

[محمد علي الثوعي]

الزعل لاصار يومين وثلاثه
.........لا يطول ثم تزعلني عليك

خل عنك الشك والغيره غثاثه
........ابتديتك حب عمري يفتديك

كنا بايام الشقا وقت الحراثه
........ مع بعضنا في سعاده نلتقيك

من غصين الراك كم ذقنا كباثه
.......لو تبيع العمر قلبي يشتريك

عشت في عصر التمدن والحداثه
........وافتخر بافعال جدانك وابيك

ماعرفت الغدر ودروب الخباثه
........جيت لك عاشق وقلبي يحتويك

قلب من حبك تمسك في تراثه
........انت لي حاجه ثمينه واقتنيك

الوفاء والطيب عندي بالوراثه
........والمشاعر كلها منك واليك

انت حبك بالفعل صعب اجتثاثه
........من فؤاد اللي عيونه تحتريك

بس وقت الغيض شوقي وانبعاثه
........يندفن بين الحنايا مايجيك

مابقى عندك عذر والا استغاثه
.........القلب من كثر المواجع ينتهيك

لا شعر تسمع ولا خلق ودماثه
.......طابت الارواح دور من يبيك!!

محمد_الثوعي

[محمد علي الثوعي]

●●●●●●●●●●●●●●●●●●●●●●●

جنون العشق!!


...صحيح انك تحب كلك وقلبك بالوفا .ماطر
...وانامثلك بعد مخلص نزيف الجرح تدري به

...تخيّل غاب كلي من حياتك. وانكسر..خاطر
...نهارك كيف تصبح به..وليلك كيف تمسي به

...سؤالي ذا.مجرد.. من شعور ٍ داخلي. عاطر
...انارجل ٍترى واعي.وفكري الناس..تحكي به

...ترى ماقصدي ازعاجك بحق الخالق الفاطر
...خذينا الدرس من قبلك.وهذا الراي.ندلي به

...كثير التجربه قلبي على. جمر. .الصبر.ناطر
...لذيذ.. الصبر..في.. حبك.. بلا شك ٍ..ولاريبه

...مراكب حبنا تبحر بعكس الريح.، ونخاطر
...تقاسمنا التعب بدري جنون.. العشق تغريبه

...غرامك والغلا يبقى .. مع اﻷيام.. ياشاطر
...ضحك وجه الزمن .وإلا عبث.فينا بتعذيبه


محمد الثوعي

●●●●●●●●●●●●●●●●●●●●●●●

[محمد علي الثوعي]

ان حكولك ضعاف الناس عني كلام
..........خل صدرك وسيع ولا تعاتب أحد

اسمع السالفه ثم. ابتسم والسلام
..........غيضهم بالسكوت اللي يجيب الكمد

خلهم عنك تكفا. لا تعاند لئام
..........وضعهم عند رب الخلق يوم الوعد

وادري انك غيور ولاتحب الملام
..........بس بعض الاوادم فيه شر وحسد

يشعل النار جاهل لا عطا ولامقام
...........ليته عند المواقف بارز ٍ ماشرد

القلوب المريضه تستلذ الخصام
..........حقدهم في الحقيقه قد يدمر بلد

طالب النور عمره ما يحب الظلام
..........من زرع خير يجني من ثماره شهد

والعفو من طباع الناس اللي كرام
..........المجد صعب ٍ يناله من تردا ورقد

اصل فن التعامل حافظه بالتمام
..........درس من واقع الاحداث عندي جلد

كم عطينا دروس ٍ للبشر باهتمام
.........واخر العام ينجح من درس واجتهد


محمد الثوعي

[محمد علي الثوعي]

لن يطول المقام
بين اروقة الغرام
فقدت عقدت العزم
على الانكفاء والاكتفاء
سأتلو على الطرقات قصة الحب الخديج!!
قد لاتكون جميلة ولكنها مؤثرة بكل تأكيد!
سأمضي ويمضي العمر سريعاً واعبر من هنا أو هناك ولكن وحيدا افضل!!

طويلة مسافات الألم ركضت عبر شوارعها الممتده بين شرايين الفؤاد!
كنت اسافر بلا مركب ولازاد
وحيدا امضي.
قد مللت صحبة الرفاق/ النفاق!!
وتبقين وحيدة تركضين داخل القلب!
ألم الحب يعصف بالفؤاد ولكن
من يستجيب لنداءه/ الصامت!


مرني طيفه
ولكن في نهايات
الرحيل!
!قبل ماينطق
لساني
ابتدأ دمعي
يسيل
وقتها مالي اماني
غير صوتي
وين راح!!
مابقى غير الاغاني
تختصر كل
الجراح!!
السؤال اللي ببالي
انطلق وانا
حكيت!!
مالقيت الا خيالي
والاجابه
مالقيت !!
ابتديت اجمع شتاتي
والتعب ماله
حدود!!
وين حلمي وامنياتي
هل وجودي له
وجود!!

محمد الثوعي

[محمد علي الثوعي]

ياللي تحاول ترضي الناس واهم
اخفض جناحك دايم لوالدينك


بعض البشر لا تقول باكسب رضاهم
تتعب وتخسر راحتك من سنينك


ان سلّمك رب الملا من اذاهم
خير وغنيمه والعرب ما تدينك


محمد_الثوعي