اوراق مبعثرة!!!

[محمد علي الثوعي]

ياللي خذيت الحسن واشيا .كثيره
الطيب كله من نصيبك ..والاخلاق

وجهك تباشير ...الفرح ... تستثيره
واضح على وجهك تعابير..الاشواق

من ضحكتك طابت قلوب كسيره
من وجنتك شمس المحبه والاشراق

شخص ٍ .يحبك ...ماتغيّر ...مسيره
انا معك. بالفعل ...عاشق ...وذواق

يابنت ياللي. تنقضين ....الظفيره
شلال شعرك .فوق الامتان دفاق

الخصر ضامر ..والشفايف.. مثيره
والخد يلمع. بالمساء مثل ...براق

الصدر. ميدان.. الخيول . المغيره
في كل .جانب رمز بارز. وعملاق

عقبك نسيت ...الآنسه ..والاميره
عقلي معك لازال يامدمج الساق

كل المشاعر في غرامك ..اسيره
كنك ملكت القلب بصكوك وأوراق

اسوق لك ورد الشعور .. وعبيره
ابيات شعر ٍ عابره كل .....الافاق

العاشق ..اللي.. مايقرر.... مصيره
لاخير في حب ٍ بلا وصل وعناق

كلمة احبك ياهي كلمه ...كبيره
كل ٍ يعبّر عن.. شعوره ...بما لاق


محمد_الثوعي

[محمد علي الثوعي]

رسالة

الدرب الاعوج يارجل كيف تمشيه
ترى النتيجه في النهايه ضياعك


ان كان ماهمك عتاب ومشاريه
والناس تكره شوفتك واجتماعك


احذر غضب ربك ولا تتبع التيه
خل التكبر والفسق واندفاعك


الدنيا عندك بس مسرح وترفيه
وبنت ٍ غنوج ٍ مسرفه باتباعك


اغراك مالك كل منكر تسويه
ارجع لربك قبل ساعة وداعك

محمد_الثوعي

[محمد علي الثوعي]

اخي في الله اخي العزيز

إذا اختلفت​ مع أخ أو قريب أو صديق أو زميل وتخاصمت معه فلا تفكر أن تضره أو حتى تمسه بسوء،
فكر فقط أنك في يوم من الأيام كنت عزيزاً عليه.

نحن بين رحلة غياب وبين رحلة حضور.. وبين مبروك عليك وبين أحسن الله عزاك.
من هنا تعرف أن الدنيا محطة عبور وأنها لاتساوي جناح بعوضة!. فلا تسرق فرحة أحد ولاتقهر قلب أحد.. أعمارنا قصيرة،

وفي قبورنا نحتاج من يدعو لنا لاعلينا.. ستُدفن مهما كانت قيمتك،
وستُنسى مهما بلغت مكانتك، لذلك أصنع أثراً جميلاً بحسن خلقك.
عودوا أنفسكم أن تكون أيامكم:
احترام، إنسانية، إحسان، تفاهم، صدق، وفاء، تسامح، حياة صافية !!..

*فالبصمة الجميلة تبقى وإن غاب صاحبها*

====•=

۞ وَالْكَاظِمِينَ الْغَيْظَ ۞

لن ينسى الله سكوتك عن الكلام ، ولا عتباً كتمته ، ولا قهرًا لجمته ، ولا ألماً تحملته ، فـثق بالله وأطمئن

=====

بسم الله الرحمن الرحيم

قال الله تعالي ::::
وَالَّذِينَ يُؤْذُونَ الْمُؤْمِنِينَ وَالْمُؤْمِنَاتِ بِغَيْرِ مَا اكْتَسَبُوا فَقَدِ احْتَمَلُوا بُهْتَانًا وَإِثْمًا مُّبِينًا (58)

[محمد علي الثوعي]

معي لكن مع غيري غدا قلبك وتفكيرك
سرى ليلك تناظر ساعتك ودك تودعني

اشوف الحيره بعيونك وربكه في تعابيرك
معك موعد ولكن لاتجاملني وتخدعني

اناماجيت لك اطلب غرامك والا تبريرك
ترى كلي تعب ليتك دقيقه بس تسمعني

نويت اليوم بالفرقا خطا حبك وتقديرك
تطالع ساعتك بارحل ولا ودي تطالعني!


محمد_الثوعي

[محمد علي الثوعي]

أظلم مادام الظلم مبدا ..تعاملك
لكن تذكّر ..من .ظلم ...ماتوفّق

الشلة اللي. لك تصفق ..تجاملك
احذر تصدق من. كلامه ..ملفّق

درب ٍ سلكته. شر ماني. مزاملك
يتبعك في. درب الضلاله مطفّق

مادام ربك .بالستر صار شاملك
اقول... ياليتك بحالك .. ترفّق


محمد الثوعي

[محمد علي الثوعي]

...ياطيبكم يا اهل القلوب السليمه
...ياللي على فعل المكارم توصون
...مافي مجالسكم عتاب ونميمه
...كل السواليف الثمينه تجيبون
...جلسه. على دله تراها غنيمه
...مابيننا قلب ٍ بغيض ٍ ومشحون
...اصحاب كل ٍ له علوم ٍ كريمه
...ياللي مع الايام للمجد تبنون
...الضيف له منزل ومركز وقيمه
...يلقى الكرامه حسب عرف ٍوقانون
...وقفاتكم عند الشدايد عظيمه
...دايم مع الوافين بالحق توفون
...ان غبت عنكم فالمشاعر مقيمه
...قدام عيني لحظة ٍ ماتغيبون
...لو غمضت عيني .ثواني عديمه
...اشوفكم في محجر العين تمشون
...لو صاح قلبي من جروح ٍ اليمه
...لقيتكم بالصدر مثلي تصيحون
...لاصرت جالس بين غيمه وديمه
...سمعتكم في وسط اذني تنادون
...يارجل عود صحبتك مستديمه
.. واقول هذا الامر واضح ومضمون
...الكون واسع يا الرجال الحكيمه
...لكن تبوك الورد من يبهر الكون


...محمد_الثوعي

[محمد علي الثوعي]

رجل ٍ عريب الساس مهما يعاديك
وتصير مابينك وبينه خصومه

يقول عنك الحق بالخير.. يطريك
يمدحك عند الناس طابت علومه

هذي سلوم الطيّب اللي مجافيك
ماكنت تدري عن مزايا ..سلومه

احرص على وصله وكرر مساعيك
لا تخسره لا تحقره لا تلومه


محمد_الثوعي

[محمد علي الثوعي]

الله عطاني قلب ..مايعرف الغـل
.........مبدايّ سامي.والنوايا.سـليـمـه

والله عطاني راس.. مايقبل. الذل
........عنيد راسي.والمشاعـر..كـريـمـه

ياصاحبي . لوطال.. دربي انـا..ادل
........كل الدروب.المحدثه..والـقديـمه

ياصاحبي مامل.. صبـري.. ولا كـل
.........اعبر دروبي..في.ثبات وعزيمـه

الياس ..مايدخل ..فؤادي... وينزل
........بين..الحنايا. خوف..وإلا هزيـمه

قررت اغامر .وانا لاقلت. ما اعدل
.......مادام قدامي ..الهدف..والغنيمه

واكسرجناح..الليل. بالنور .واخجل
.......نبراس.بدر ٍ غايب ٍ وسـط غيمـه

ازرع ورود الحب واقطف من الفل
.......وانثر. شذا عطري.مـع كل ديمـه


محمد الثوعي