اوراق مبعثرة!!!

[محمد علي الثوعي]

ماكان في بالي احبك .ولكن
........بشويش حبك في ضميري تسرّب

صحيح قبلك كنت. ثاير وساكن
........عشت التناقض بس قلبي. تغرّب

مريت في كل المدن والأماكن
........قلبي من الاوجاع ياما تشرّب

بمنزلك بين الضلوع متراكن
........ادوّرك والقاك جالس تطرّب

وجه الليالي بين منور وداكن
........واحلامنا تبعد ولكن . تقرّب

لو شانت الايام بالوضع زاكن
.........خبير من حبك تغرّب وجرّب

هذا الغلا والود بالقلب ماكن
........كلي معك خلك معي. لا تهرّب


محمد الثوعي

[محمد علي الثوعي]

كتمت الحب في صدري مع الاهات واللوعه
ونار الشوق تكويني وانا صابر على اقداري

اداري لوعتي واخفي هموم النفس مفجوعه
عنيده دنيتي والحظ وقّف دون مشواري

اكابد قسوة الايام ترى الأفراح ممنوعه
غريبه دنية الحرمان تبسم ثغرها الناري

خذت اجمل مشاعرحب نسيت السعدوربوعه
قضيت العمر في حيره وهذي حكمة الباري


محمد_الثوعي

[محمد علي الثوعي]

قالو غريبه قلت مامن غرايب
.....نستغرب الأشياء وحنا سببها

حنا بتعاملنا نسوي العجايب
.....غلطاتنا في بعضنا ما نحسبها


محمد_الثوعي

[محمد علي الثوعي]

اناما لومــك ولا عنــدي احتجــاج
..........قول الحقيقـــه تفضــل واسمعــك

صمتـك ذبحنـي ترى قلبي زجـــاج
..........اخـــاف .اليـــا كسرتــه يفجعــــك

إنســان واعــي ولــي عقل ومــزاج
..........احساس .بالقلب . راقي ..يتبعــك

يوميــن وانتهَ تحـاول في خــــراج
..........بعيـونـك .أشيـاء غريبــه .تدفعـك

تبى المفــارق وتخشـى الانــزعــاج
..........همـك تراعـي .شعوري ما أروعـك

الفـرقـا شينــه ولا منهـــا أبتهـــــاج
..........لاقفيـت عنــي .وقلبـــي ودعـــك

مانــي موافــق ولا عندي احتجـاج
..........من وين ما رحت اقول الله معك

محمد الثوعي

[محمد علي الثوعي]

ترى حكيم.. الراي ..فكره يقدّيك
لا صكت بوجهك جميع المسايل


انشد وتلقى الحل..عنده ويكفيك
يصدق معك بالقول ماهو محايل


محمد_الثوعي

[محمد علي الثوعي]

الرقم رقمك ، يافتاة المدينه
والصوت صوتك والمشاعر كئابه
غبتي ولكن في عيوني سجينه
غلطان من قال الاوادم تشابه
ايامك اللي ماضيه لك غبينه
وقّف قطار الحظ وانصك بابه
وين. الوفاء. والصدق لاتذكرينه
قامت حروب ٍ طاحنه. بالنيابه
حنا رفضنا وضعنا منكرينه
سؤال ثاير مالقيت الاجابه
ياهل ترى؟! من حب تبت يدينه
مذنب جزاه اليوم حد الحرابه
الشوق ظالم ما رحم عايشينه
ايام مرت في عذاب ورتابه
الحزن واجد في فؤادي ونينه
ياكثر دمع ٍ في عيوني سحابه
الرجل يكتم وسط صدره حنينه
مايبدي عشقه للعرب والصبابه
رفعت قدرك والمواقف ثمينه
الصدر عامر بالوفاء والرحابه
هذي حقايق والمواجع دفينه
الحب وينه مابقى الا سرابه!
اليوم عمري صار مثل الرهينه
مشغول كلي بالشعر والكتابه!!


محمد الثوعي

[محمد علي الثوعي]

(سيرة ذاتية للشاعر الكبير)

عبد الله بن لويحان شاعر شعبي سعودي مخضرم، ولد عام (1308هـ) في بلدة نفي، واسمه عبد الله بن عبد الرحمن بن عثمان العنقري التميمي، وأخواله من عائلة الشاعر الكبير بن سبيل وعديله هو الشاعر الكبير سليمان بن شريم يرجع سبب تسميته باسم (لويحان) لأحد أجداده الذي اشتهر بكرمه حيث كان يلوح بكم ثوبه المرودن لعابري السبيل لا ستضافتهم وإكرامهم.

(حياته)

عاش لوحيان في الدوادمي، ثم غادرها إلى الكويت وعمل هناك في الغوص لمدّة عشر سنوات ليعود إلى نجد وعمل بالزراعة في بلدة الشعراء، وبعدها سكن في عنيزة وعمل في تجارة الإبل وبعدها عاش في مكة.

في العام (1341هـ) انتقل إلى بريدة بعد ان شجعه الشاعر (سليمان بن ناصر الشريم) الذي كان يرتبط به قرابة وكان يسكن هناك.

وفي بريدة التقى بالشعراء حيث سانده صديقه سليمان بن شريم فدخل المجالس والندوات الليلية وكانت هناك عادة تسمى (راتب) وهي اجتماع الشعراء بشكل دوري مرتبة بالتناوب في منازلهم. وفي الصيف كانت تعقد الجلسات الهواء الطلق (فوق رأس نفود) بين بريدة وعنيزة.

أخذ يشتهر هناك ويبرز نجمه ويلمع ويناظر أقرانه الشعراء مثل ابن شريم والظاهري وغيرهم، وفي رمضان من عام (1353هجري) أرسل له الملك فيصل السيارات لنقله مع أسرته إلى مكة المكرمة واستقر في حي الشامية وأكمل حياته هناك.

(قصته مع أم كلثوم)

كان ابن لويحان بمصر مع إحدى الشخصيات الكبيرة، فمرت به الفنانه أم كلثوم تسلم فقال لابن لويحان أسمع كوكب الشرق أم كلثوم بعض القصائد ومن ضمن القصائد قصيدة يا نجد، ثم قصيدة شارع فؤاد (شارع فؤاد شارعي) والتي يقول فيها:
(إن مت في شارع فؤاد ادفنوني يا طن على بنات مزايين، شارع به اجناس على كل لوني، ما داج فيه أهل الحسد والشياطين. ما عاد أكذب عقب شافت عيوني، بنات من نسل البَوَش والسلاطين.)
ويوم سمعت أم كلثوم القصائد جاز له القصيد وقالت: من هذا الشاعر ؟
فجاوب وقال هذي قصائد شاعر اسمه اللوح يقصد لويحان.
فقالت أم كلثوم : هذا لوح من ذهب.

(من شعره)

شعرٍ مثل يافاهمين التماثيل
كلٍ يجي شعره بحسب اقتداره.
من عاش ينظر بالسنين المقابيل
يذوق من عقب البروده حراره.
الطيب يخلق من قلوب الرجاجيل
ماهوب في بنك التجاره تجاره.
والرزق من عند الولي بالتساهيل
ماهـوب بالقـوه ولا بالشطاره.
من عاش في حيله وكذب وتهاويل
ياسرع من عقب الطلوع انحداره.
والشور ماينفع قلـوب المهابيل
كالزند وان حرك تطاير شراره.
لو تامره بالعدل يعرض عن الميل
يمشي على رايه بربح وخساره.
والطبع ماينزال غيـره ابتبديل
مثل الجدي مرساه ليله نهاره.
والحنظله لو هي على شاطي النيل
زادت مرارتها القديمه مـراره.

(وفاته)

توفي عبد الله لويحان في عام (1402) هـ.. اشتد عليه المرض وهو في محافظة الدوادمي وأمر الملك فهد بن عبدالعزيز بنقله بطائرة خاصة من الدوادمي إلى المستشفى العسكري بالهدأ في الطائف وتوفي في الخامس عشر من ذي القعدة (1402هـ) عن عمر ناهز التسعين عام.

[محمد علي الثوعي]

مشكله لاصار بالقلب ...اعتلال
ضيقته في كل ليله .تحتريك

الجنوب اللي عشق بوح الشمال
والشمال اللي جنوبه تحتويك

كل قلب ٍ ماعرف معنى الجمال
داله ٍ في دنيته ماله ..شريك

يامسافر فوق مركب من خيال
من تبيه اليوم بكره .مايبيك

انتهى وقت التردد ..والجدال
لا تبيع اللي بعمره. يفتديك


محمد_الثوعي