اوراق مبعثرة!!!

[محمد علي الثوعي]

موطني أرض الكرامه ياكثر ....عرابته
حكامنا منا وفينا وانتكاتف ...بالجهود

مارضينا غير بال سعود شجره....ثابته
عرقها بالارض لكن بالعطا دايم ..تجود

حنا أسياد العرب فينا المراجل ...نابته
فينا عز فينا سطوه فالتحدي والصمود

اسألوا التاريخ عنا واسمعوا ....كتابته
من جهل لابد يسأل ماحسبنا. ..للحقود

من غدر بالجار حنا ياعرب.......حرابته
من وقف ضد العروبه عندنا ماله وجود


محمد_الثوعي

[محمد علي الثوعي]

لاتجامل لاتحايد الوطن فوق الجميع
من يريد الشر في دار السعوديه عدو

الصديق اللي يخون العهد محتال ولكيع
لو تبسّم لك خبيث النية يلعب في هدو

حسن ظنك مايفيدك لو غدا حمل ٍ وديع
من يخطط في ظلام الليل حطك له فدو


محمد_الثوعي
فوري

[محمد علي الثوعي]

القلب من بعدك يذوق الامرين
يتعب ولا يلقى حبيب ٍ صفاله

رغم التعب والبعد بالقلب تبقين
مهما حدث فينا الوفاء والاصاله

العيد هذا عندنا اليوم عيدين
فرحة لقانا اليوم افضل رساله

ودي سواليف الهوى والمحبين
الحزن مالك ياحياتي وماله

بدال عقدك والله لاهديك عقدين
ماضاع منك باشتري لك بداله

والعمر لو يفدى فديتك بعمرين
ماراح من عمرك سنيني فداله

لوكان عندي بين الاضلاع قلبين
أعطيك قلب وقلب ثاني جماله


محمد_الثوعي

[محمد علي الثوعي]

ماني وحيد ٍ والمشاعر جماهير
يا كثر خلق ٍ في ضميري تزاحم

اسرجت خيل الفكر من غير تقصير
واطلقت خيلي للسبق والمداحم


محمد_الثوعي

[محمد علي الثوعي]

ادوّن .اشعار .ماهي من .الكلام الرخيص
كتبتها ..في ..زمان ...الوعي .واللا. وعي


ماني على النشر والتوثيق دايم.. حريص
لكن ..بعض ..المواقف ...بالعمر ..مرجعي


احداث ..مرت ..ملبّسها ..عبايه .وقميص
ماودي ..اكشف ..غطاها ..والعرب ماتعي


لازال .عندي .بقايا .من ..امل له .بصيص
والحق ..نوره ..بليل ٍ.. ..مظلم ٍ ..يسطعي


كل ..رجل ٍ .مقدر ..في ...حياته ..بخيص
يقدّم ..الفعل ..حجه ...ضد ..من ..يدّعي


محمد_الثوعي

[محمد علي الثوعي]

درب الظلام

الله. عطاني الشعر والحب ياهادي
.....اجوع واكتب .. بيوت الشعر منقيه

ورثت هذا الشعر والمجد لاحفادي
.....لوكان مالي.. قصر. . واموال . .نقديه

استغفر.. الله ترى من يوم .ميلادي
.....ماشفت.. غير التعب والحزن موليه

انسان.. عادي . ولكن.. ماني. بعادي
.....اجتزت حاجز . من المحظور جبريه

مشيت . .درب .الظلام ادور امجادي
.....شاعر. . مثالي . . وانا . .كلي. شفافيه

عبرت .. بحر. .الشعر. ومحيطه الهادي
.....اقود.. مركب .. سفر. . باحلام .ورديه

كسبت .موج .. البحر باصرار وعنادي
.....من يحضن الشمس لايسأل عن الفيه

تعال واسمع صدى صوتي . وانشادي
.....غنيت. والناس. كم غنت هواويه

مرات باعلى الجبل . واحيان بالوادي
.....اجر صوتي. غلا من شان حوريه

مادام سيف السهر بالعين جلادي
......الجرح ينزف وعين الشوق معميه

يازهرة العمر يافجري وميعادي
.....عاشق معك مخلص ٍ ماضاعت النيه

لازلت أعاني مع الايام يافؤادي
.....راحت سنين العمر حسناتها سيه

سبقت في كل خطوه هقوة اندادي
.....والنفس بالصبر والايمان مبنيه

واليوم .. هذا انا في ديرة اجدادي
.....شاعر.. جنوبي ويعشق له جنوبيه


محمد الثوعي

[محمد علي الثوعي]

ادري . .عيونك..ماتبيني. .ثواني
.......انته ظروف الوقت جابتك. يمي


وانا وسيع الصدر. ماني ..أناني
.......اضحك واجامل معك ياكبر همي


حاول تناسى ماحصل يافلاني
.......والود يبقى مابقى نبض ..دمي


محمد_الثوعي

[محمد علي الثوعي]

كل عام وانتم بخير وعيدكم مبارك وعساكم من عواده اعوام عديدة