اوراق مبعثرة!!!

[محمد علي الثوعي]

موطني أرض الكرامه ياكثر ....عرابته
حكامنا منا وفينا وانتكاتف ...بالجهود

مارضينا غير بال سعود شجره....ثابته
عرقها بالارض لكن بالعطا دايم ..تجود

حنا أسياد العرب فينا المراجل ...نابته
فينا عز فينا سطوه فالتحدي والصمود

اسألوا التاريخ عنا واسمعوا ....كتابته
من جهل لابد يسأل ماحسبنا. ..للحقود

من غدر بالجار حنا ياعرب.......حرابته
من وقف ضد العروبه عندنا ماله وجود


محمد_الثوعي

[محمد علي الثوعي]

لاتجامل لاتحايد الوطن فوق الجميع
من يريد الشر في دار السعوديه عدو

الصديق اللي يخون العهد محتال ولكيع
لو تبسّم لك خبيث النية يلعب في هدو

حسن ظنك مايفيدك لو غدا حمل ٍ وديع
من يخطط في ظلام الليل حطك له فدو


محمد_الثوعي
فوري

[محمد علي الثوعي]

القلب من بعدك يذوق الامرين
يتعب ولا يلقى حبيب ٍ صفاله

رغم التعب والبعد بالقلب تبقين
مهما حدث فينا الوفاء والاصاله

العيد هذا عندنا اليوم عيدين
فرحة لقانا اليوم افضل رساله

ودي سواليف الهوى والمحبين
الحزن مالك ياحياتي وماله

بدال عقدك والله لاهديك عقدين
ماضاع منك باشتري لك بداله

والعمر لو يفدى فديتك بعمرين
ماراح من عمرك سنيني فداله

لوكان عندي بين الاضلاع قلبين
أعطيك قلب وقلب ثاني جماله


محمد_الثوعي