يمكن تغيرت ..؟

[محمد بن شتير]

فعل ابوك و فعل جدك مايفيدك
لو تقول افعالهم ماهيب / تحصى..!

وحدها يمناك وافعالك تزيد
جعلها للمرجلة و الطيب منصى..!

محمد بن شتير

[محمد بن شتير]

الشعر بالله حالف ما يخونك
كم كسرت إحساس قلبي و الشعور..!

والسماء و الناس ما عبوا عيونك
وما تشوف الأرض و الدنيا تدور..!

لو سالتك كلهم ما يعجبونك
والله ان مثلك يحق له الغرور..!

محمد بن شتير

[محمد بن شتير]

يا جدولي المزدحم وشلون ابلقى فراغ
ماهيب هاذي الحياة اللي تمنيتها..!

خايف على القلب يتعب من تعبه الدماغ
ويروح عمري لأجل لحظة تحريتها ..!

واخاف روحي تقدم من تعبها بلاغ
و تشتكيني لربي يوم عنيتها..!

محمد بن شتير

[محمد بن شتير]

البارحة عديت راس الطويلة
ثم اختلف كل شي من عقب عديت..!

ودعت كل احلامي المستحيلة
والامنيات احس عنها تخليت..!

و الغاية اللي بررتها الوسيلة
ولعت فيها بالخلا عود كبريت..!

لو كف هالدنيا علينا بخيله
الله يعوضني عن اللي تمنيت ..!

محمد بن شتير

[محمد بن شتير]

مشتاق لك يانصفي المهدوم
ابترك الغالين و اقرب..!

احس في صدري( كثير هموم)
حتى عن اقرب شخص متغرب..!

لا تنصدم من عزلتي ( ملزوم)
خلك على فرقاي متدرب..!

ودي اجرب غيبتك ( كم يوم )
واعطيك رايي بعد ما اجرب..!


محمد بن شتير

[محمد بن شتير]

نعبد الله ما عبدنا البشر و المال
و الكرامة نبيع العمر من دونها..!

شي يدري به العم و الخال
في سلوم القبيلة و قانونها..!

ما تجيب الدراهم راس رجال
الرجال الدراهم يجيبونها..!

محمد بن شتير

[محمد بن شتير]

بداء هذا الصباح اللي بدون ايعاز
يغازل كل قمريه و عصفورة..!

تاملته و في بالي كثير الغاز
وفي صدري كثير اسرار مقبورة ..!

عيون الناس فالصورة و فالبرواز
و انا ما همني البرواز و الصورة..!

محمد بن شتير

[محمد بن شتير]

كل ما جت سيرتك مر الحنين
و كل ما شميت عطر اتذكرك..!

انت ما ادري شيّح ما أدري ياسمين
ما تمر البال لين اتعطرك ..!

محمد بن شتير