يمكن تغيرت ..؟

[محمد بن شتير]

،


غيرتني ؟ ما أدري أنا اللي تغيرت
أنا تراني صرت ما اشبه لذاتي ؟؟

أثرت فيني و البلاء ما تاثرت
و أتعبتني فيما بقى من حياتي ..!

محمد بن شتير

[محمد بن شتير]

،


ما بين لقياء من أحبه و فرقاه
يبان علم و باقي العلم مخفي ..!

الله حرمني شي لكنه أعطاه
اللي كشف قوة حبيبي و ضعفي ..!

يا ما اضعفه من قبل و الحين ما اقواه
و مهما و صفته ما يوفيه وصفي ..!

من يوم فارقني و أنا أدعي الله
يا رب ترحمني و رحمتك تكفي ..!

محمد بن شتير

[محمد بن شتير]

على حجم الشعور اللي يجيب الياس
مصير الليل يرحل لا اشرقت شمسه ..!

تقول الناس والاّ.. ماتقول الناس
ترى الأنسان يعرف نفسه بنفسه ..!

محمد بن شتير

[محمد بن شتير]

دام ناوي تبتعد خلك صريح
و ابتعد من قبل تفقد هيبتك ..!

لا تدور لك عذر ماهو صحيح
لاجل مني تعتذر عن غيبتك ..!

محمد بن شتير

[محمد بن شتير]

،

عن كل حاجة صرت احب الابتعاد
و أحب صمتي في زمان الثرثره

ما اشوف همي يشبه ل/هم العباد
واضحك على تفكيرهم و استحقره

ما ادري تشماتي غضب و الا انتقاد
و يمكن خروجي عن حدود السيطره

أوقات قلبي صلب و اقسى من جماد
و أوقات قلبي أي حاجه تكسره ..!

محمد بن شتير

[محمد بن شتير]

لا يخدعك حب التملك و يعميك
مكه تراها ما هيب لاهل مكه ..!

لكل مسلم حق في بيت واليك
و قلبك من اللي يتعب النفس زكه ..!

و اذا دعيت الله علشان يعطيك
لا يدخل الشيطان و تجيك شكه ..!

من قبل ما ترفع لربك اياديك
مفروض باب الياس بايدك تصكه ..!


محمد بن شتير

[محمد بن شتير]

يا سماء الطايف و مكه و الحجاز
كيف ما يشتاق لك قلبي و احن ..!

وكيف ما اشعر بالفخر و الاعتزاز
دام روحي تنتمي لاغلى وطن ..!

محمد بن شتير

[محمد بن شتير]

كل يوم اصحى اذا دق المنبه
والبلا لخبطت في توقيت نومي ..!

لخبطة نومي ماهي من دون سبه
كلها باسباب من ضيع علومي ..!

كل اموري قبل اشوفه مستتبه
وانقلب حالي و زادوا فيه لومي ..!

جعل يومي قبل يوم اللي احبه
و من كرهته جعل يومه قبل يومي ..!

محمد بن شتير