مُتنفس .. شِعري !

[زايد الشليمي]

*




(أذوق طعم الشمس))

أذوق طعم الشمس لين انْحَرَقْ ظِلْ
وأدندِن الغيمة على عود زرياب
:
ياما ضحكت وقلت يا القادم أجملْ
يطير من صدري عصافير واحباب
:
عطيت ربعي ضِلْعْ..لكن على الطّلْ
اللي يبي يكرهك يلقاله أسباب
:
ياصاحبي خل الفكر وين ما ضَلْ
احلامنا هذي مهدي للأعصاب
:
جييتك قصيدة (دم )ماهي خِذْ وُخَلْ
للدمعة الحمرا تنصّبت عرّاب

شاعر يخيط الغيم ويرقّص الفُل
ويطشَّر القمرا على خدْ عنّاب
:
باقي على ذكراك بالسطر الأوّل
أَبَرْوِزْ جروحي.للاحباب محراب.

جينا تقود الصبح فينا تجمّل
نشم عطر الصاج ..والجوع غلّاب ...
:
يمّه رغيفك (( مُـرْ))معجون بالغٍلْ
وحنّا غلاباعمرنا ناكل تراب
:
ياجوعنا الكافر تبي وين توصلْ
في آخر أعماقي لك ألفين مضراب
:

:زايــد ..

[سليمان عباس]

صباح اللي تبسم ورد
‏واشرق عالندى الغافي
‏يغنيلك مذاق الشهد
‏نوتة حسه الدافي

[زايد الشليمي]

*
[

:
(( ياصاحبي للزمان ))


ياصاحبي للزمـان أهوال
مسلم... ولكن مع الكافر

تشابُـه الأخ..والمُحـتـال
ماتفرق الصالـح ..الفاجـر

خلاص عصر البساطة زال
امس انتهى وابتـدى باكـر

تعادلـت كفّـة المكـيـال
من ويـن ماجيتهـا خاسـر
:
ياضيقة البال.. ضاق البال
ياصدمتي .....مالها آخر
:
طعنةْ خوي تذبحك بالحال
لاصرت واثق.. وهو غادر
:


ياصعبها دمعة الرجال
يكفّها ...غصب ويكابر..
:
(محمدْ جديع ..)أذكر قال
هذي حياتك تبي ماكر
:
وضِيع متعدد الأشكال
وجه الخوي والصدر ..غابر
:
في ظاهره مضرب الأمثال
وفي داخله عقله العاهر
:
لاتحسـب البعـد بالاميـال
ولاتحكـم النـاس بالظاهـر
:
محمد جديع دمعي سال
بقيت يالغايب الحاضر
:

أذكرك مهما زماني طال
مقيم في داخلي طاهر
:
شاعرك عايش بقلب أطفال
باقي على حطّتك .. ساحر
:
شاعر يخيط السما .. مختال
يرقّص الغيــم .. يتْنــاثر
؛
صحيح ماني من الأبطال
ولاني ترى ((كاظم الساهر))
:
انسان...شاعر..فقير المال
يهــدّه الويل .. ويغامر

شلنا..ولاملّت الأحمــال
لازلت مثل الهرم صابر
:
ولك وجه تسأل عن الأحوال
ان كنت مسلـم وش الكافـر





زايــد ..

[سليمان عباس]

استسمحك ماعاد باقي لك مكان
في عمري الباقي اذا باقي عمر
كل الجروح تصيح بك فات الأوان
انهار حلمٍ وانكسر ظلع الصبر

[سليمان عباس]

يا ناثر الورد لا تشكي من اشواكه
بلسمك بسمة وجويه وبهجة الموقف

[سليمان عباس]

للتجربة


يا رفيق الحرف
بعض الحلم فينا ما اكتمل
والصدى يبقى يعيش الوقت
حتى يكتمل

جيت احاول
احمل الما
رغم ضعفه
ما احتمل

قام يتنهد
ويبكي
من وجع
ما يحتمل

[سليمان عباس]

حزني عميق وإن لبستِ الشَّمسْ
‏حتى بنشواتِ الغزلِ يتسرَّبْ
‏يا حاضر أضيقَ من صحارى الأمسْ
‏ليلهُ مطوَّلٌ، والضيا يتهرَّبْ
‏الحبر غارقٌ في حروفِ الطَّمْسْ
‏سرّه تنامى والورق يتشرّب

[سليمان عباس]

يقول النبع / سعيد الموسى


نعم :
‏هالمشرط " المفرط "
‏يمّر لـْ أعمق جروحك .. يخيطها وهي تنزف ..
‏ولو يوجعك ، او ترجف ، ولاودّك بشر يعرف !
‏ولو حتّى الثبات " أختّل "
‏يضمّدها " ولاتعتّل "
‏وجع ياخي .. وجع صاخب ووجه ارواحنا " شاحب "
‏ولانحكي لغير " الله "
‏سوا " لـ اوفى قصايدنا "
‏وهم قالوا الشعر : له ناس ، وانا اقول الحكي له فاس
‏وله حِدة مثل امواس .. وهذا الشعر " سيّد ناس "
‏كذا يمشي بلا حراس .. وله موطن كبير " يقاس"
‏بكل دمعة على القرطاس
‏وكل تنهيدة بـ إحساس
‏وكل قفلة شعر زرقا ، تكون اقرب إلى " لاباس "
‏قسم بالله :
‏مانكتب ، عشان إنّا نكون " أعذب "
‏او إنا نسمع الـ الله ، من أفواه أمتلت " اشباه "
‏ولكنّ " الحيا " فينا ، منعنا قبل اسامينا
‏فلا نحكي ويبان الضعف .. ولو صار الوجع " يصطف "
‏ولايفرح بـها " الأعدا " من الأبعد إلى الأدنى ..
‏ولكن " نشتكي للشعر "
‏وهو شيخٍ " حفظ هالسر "
‏ونغلق بعدها : الدفتر
‏وبـ اطرافه : دما تقطر
‏ويجي بكره :
‏وهو مزهر !

🖋سعيد الموسى