مُتنفس .. شِعري !

[ترف الشمري]

لقـانا عـيد وضحكتك مثل زخة مطر
تروي عروق جفت من طول السهر

[سليمان عباس]

تعالوا نعيد…
ترتيب المشاعر
بين حزن وعيد
نسمّعنا أغاني روح
تطبّبنا ألم وجروح
وإذا زادت…
ولا طبْنا…
شبابيك الكلام تعيد
نفتّحها لأجل الريح
تكتبنا…
وأسامينا
ونضحك…
حتى لو كان الضحك
واقف على عكّاز
نصالح وقت
ما نحسب خساراته
نعدّ الباقي
واللي راح
لجل نعتاد
عالمشية
ولو عرجا…


تعالوا نرسم إن الصمت
حجر في الصدر
يا ثقله
ومع حمله
يطول الدرب
تعالوا نحكي ويا القلب
وجه لوجه
نثرثر
لين ما يهدأ
وش بنخسر
إذا ثرثر
ولا نطلبه يتعذر؟


على الهادي
يكفي إننا نعرف
وصلنا وين
وإنّا صدق
ما ضِعنا
وإذا بقلوبنا شي خاف
نعلّق خوفنا عالباب
ننام خفاف
ونصحى…
همّنا
التجديد
تعالوا
نعيد

[سليمان عباس]

فيها الدلال المضطهد بأعماقه
‏تخفيه قسوه .. غصب يفلت منها

‏يسرق وقار اللب من احداقه
‏خبثٍ تسرب قصد.. منها / عنها

[زايد الشليمي]

:
:
هِجْرتي يم وجهك الضياع الدليل
الخطا بالخطاوي ..وانت حدًيتها
:
والله اني احبك لو نكرت الجميل
واعرف انك تعض يدين مدّيتها
:

زايــد ..

[زايد الشليمي]

:
أعجاز نخل خاوية

:


أشوف بالارض الحزن
وكل الثواني ...قاسية
:
وكل الفضا اصبح سجـن
وتحـس مـالـك داعـيـة
:
وضاعت جهاتك اختفن
كل النواحي ...... ناحية
:
والناس فـي كـل المـدن
((اعجـاز نخـلٍ خاويـة))
:
صار الوفا ماله ثمن
سافر لأرضٍ ثانية
؛
باقي على عهدي زمن
أدور ...مثل الساقية
:
عايـش ولكـن منـدفـن
باقصـى البـلاد النائـيـة
:
((عرعر )) ومرمر ياشجن
مهما نزلتْبي .. عالية
:
لجروحنا كانت حضن
ترقص بقلبي حافية
:
كانت حواريها ...وطن
نموت ...لكن باقية
:
كانت تجمّل بالكفن
الجرح منها ..،عافية
:
وترابها مثل المزن
في زمهريرة دافية
؛
دوّرت ربعي بالمحن
دام الحنايا ضامية
:

ناديت أبي لحظة أمن
وجيه صفرا.... بالية
:
ياصار عزْوَتْك العفن
أبْشِر بشَر وداهية

:
لو تطلبه قفّى المتن
وهذي لموتك كافية
:
جرح الزمن مهمـا يكـن
للجـرح تلقـى الشافـيـة
:
المـوت لاجـاك الطعـن
من شخص روحـه غاليـة
:
تحس فـي معنـى الغبـن
ضربـة وكانـت قاضيـة
:


:

زايــد ..

[سليمان عباس]

نامي بعروق الحكي
صمتك الواقع كلام
شوفي كيف
إن جيت… جيت
وإن سكت
أتحسّسك
لا سكن فيني ملل
ولا رضي شوقي
ينام
يا فضاعة هالجمود
اللي عيا
لا يجيبك
قادر أتحمّل قساك
بس .. لا تقسى على البردان
في داخل ضلوعك
والله
مـ أتحمّل
دموعك
جيت شباك الكلام
أمنحك
شمس الدفا
وانتِ في بعضك
كثير
كلّ الكثير اللي وصلني
من الزمن
كيف أصير الظل
لو نورك غرب؟
ما كتبتك لجل بعدك
ولا رسمتك من جفاف
ولا أقول:
القرب
من خوفه
يخاف
من عجن حرفي بيده
وصار زاده
يطعم
سنين العجاف
أكتبك
لجل السكوت
تضيق به
كل اللغات
أحطب الضيقة رهاب
أختنق
لو كل ما حولي
عليل
ما سألتك وينك
و مشتاق عينك
هذا شوقي
اللي ينادي
في غيابك
غيبتك
يا الحضور
اللي يرتّب
كل فوضى
في الضلوع
وتصبح
العتمة
أنيقة
أسألك:
أخبار روحي
كيفها وياك؟
مرتاحه هناك؟
تاكل وتشرب
براحه؟
وكيف
إذا نامت بحضنك
هل تغمّض عينها
داخل أمانك؟
أو تضل الليل
تحرسك
وتداوي
وحدتك؟
لا تجيني…
وروحك
اللي ساكنه
بقلبي
وعيني
رغم إحساسي
برجفتها
أنا باقي معاها
لين ما تهدأ
وتنام
في أماني
ودي أكتب
لجل تمتد اللغة
ما بقى فينا
سوى
جسر السطور
بينها
معنى ومغنى
بينها
صمت
وكلام
قُرّة العين الثقة
لا عتاب
ولا ملام
ما أبي منك الحضور
ما أبي منّك مطر
يكفني غيمة
تظلّل
روح
أرهقها التعب
لا تلومين الحكي
لو طال
واكتظّت صور
ولا تظنّين
المعاني تاهت وتبحث مقر
هذا صدر
الشِعر
يتوسّع
إذا دار
برحابك
يمشي
في خفّة
وأمان.
ما يهم
إن مد حرفه
والورق يزداد رجفة .
تدري ليه؟
كل همه
ما يوقّف
لجل طيفك
ما يغيب
وقت ما أكتب
حروفك
أحيا
في راحة
وسلام
جالس بظل الربيع
اكتبك من اجل روحي
لا تضيع

[عُمق]

كانتْ رُوحُها كزُجاجة صفَت مشارِبُها
فغدتْ بعدَ الخيبةِ كالعهنِ المنفوش
تقفُ على شَفا جُرفٍ منَ الانكسار
تُداري خفِيَّ حُزنها بِجلِيَّ اصطبارِها
والقلبُ واجفٌ يخشى الزَّوال.

[زايد الشليمي]

:


مافيه داعي .. نصير اخوان
يمكن معارف بعد .. أحسن
:
عزّيت نفسي بدمٍي خان
في وجه ابوي أبي مَوطن
:
حاولت أبقى على الإيمان
عقيدةَ السيئ المُحسن
:
وش يشفي الروح ياعدنان
قِلّي ترى الجرح ذا مُزمن
:
تعبت أبحث عن الانسان
في داخلي أوصله ممكن
:
أكبر من الويل والأوطان
يامات في داخلك مؤمن
:
باقي على العهد مهما كان
واضحك لوِنْ الوضع مُحزن
:
أقَلّب الليل،.،.دانه دان
وارقّص الورد لين انجن
:
ضحكت من كثرة الأحزان
أنثر على شوكها ....سوسن
:
ياريم ...هذاا انا للان
ساكن ولكن بلا مسكن
:
مرتاح عندي عمى ألوان
ابعد عن الناس ما امكن
:





زايــد ..