مُتنفس .. شِعري !

[زايد الشليمي]

تدري وش اصعب شيء
موجع أحسّه ..
انك وحيـد .. وكل ناسك حواليك

زايــد ..

[سليمان عباس]

فاصله ونقطه محت كل الحروف
لو تشكِّل ……. ما تشكِّل عزْلتك
المعاني مهملة فوق الرفوف
تنتعش وتموت ساعة طلّتك

[زايد الشليمي]

:
جـيت تجرح جريح وش بقى من الجراح
صَدّقْ القلب ضايع ولايهمّه يضيع
:
ماتَرَجّيت ليلٍ .. منْه يطلع صباح
والشتا ماطلبته.. ينتهي بالربيع.
:
داخلي الف ضحكة في وجيه الرماح
وعارف ان المصايب يوم تقبل جميع ..
؛
صار همي أعيش ..هذا أكبر كفاح
( عايش بثلج طافي بايْ لحظة يميع)

"( زَاْيٍـــد )

[سليمان عباس]

في آخر الكلمة
‏وجع
‏صمتك حواك
‏تتساقط الذكرى
‏على اللحظة
‏وجع
‏غايب ولا طاحت سماك
‏لازال باقي منك شيء
‏مثل اللي باقي من المطر
‏يهطل وهو يسأل:
‏رجع ؟

[سليمان عباس]

مات الكلام
‏ولازلت أسمع لك صدى

‏ما ضاق ليلي من عتاب
‏دم الحكي في ذمتك
‏من وين أجمع لي سلام

‏مات الكلام
‏واللي بقى يسأل
‏ولا باقي جواب
‏بقي أثر ما ينمحي
‏باقي جدار
‏تتغير أبوابه
‏ونسِي إنه يطيح
‏خلّف العابر جريح
‏صبحه ظلام

[زايد الشليمي]

الطيب طيب انسان ماهو بشبّه
ماهمّني لو شفت كثر المعاميل
:
ياذرب قلي وين راح الأحبّه
والموت ماتحييه كثر الأكاليل
:
فنجالك اللي بس قلبي شربّه
ماحاكته ( سلمى )ولا بهّره هيل
:
بلسانك الحنظل تقطّر عنبّه
وبيدينك الزهرة تمخطر على النيل



"( زَاْيٍـــد )

[زايد الشليمي]

؛اصديقي الذي لا اعرفه



ودّي أكتبّك ..قصيدة بس مااقدر
انت اكبر ..لو تجي كل القصايد
:
شفت كل الشعر لوشافك تحدًر
انهدم كله.... ولاباقي فوايد
:
تربية ربي .. وربّك ..كيف قدّر
حط طيب الارض في كفّك عوايد

انت تدري ..ودي البال يتكدّر
حتى اسمع من لسانك كيف زايد




"( زَاْيٍـــد )

[زايد الشليمي]

يالشمالي ضاقبك صدر الشمال
ليْن ضيّقْت الشمال بضيقتك
:
موطن الأحرار في شـد الغـلال
والأماكـن ليـت تذكـر سيرتـك
:
للأوامر صار صعـب الأمتثـال
دام بالغربـة مـلامـح ديـرتـك
:
ماتركت لغير ترحالك مجال
مانفع ربعك مواري طيبتك
:
انت وضلوعك تطاحِنْكُم سجال
ضاع عمرك وانت تطرد ضحكتك
:
الحرام بعالم ..الغابة حلال
وانت عايش حلم عذرا نيّتك
:
الاجابة ضيّعت ..صوت السوال
عشت خايف بس تطلع فكرتك
:
باقي شويّة كرامة ..لايزال
وياقي من الوجة طيحةْ دمعتك
:
كان نقصك أرْوع أنواع الكمال
أصدق من الصدق .. كانت كذبتك

:
ويالشمالي كل هالدنيـا
شمـال
ويـن ماترحـل تلاقـي ضيقتـك
:


"( زَاْيٍـــد )